TSK · Exodus 20:12

Daarop laat Josef hulle van sy knieë af weggaan, en hy buig hom met sy aangesig na die aarde toe.

En hy wat sy vader of moeder slaan, moet sekerlik gedood word.

Elkeen moet sy moeder en sy vader vrees, en my sabbatte hou. Ek is die HERE julle God.

dan neem ek vandag die hemel en die aarde as getuies teen julle dat julle sekerlik gou uit die land sal vergaan waarheen julle oor die Jordaan trek om dit in besit te neem; julle sal die dae daarin nie verleng nie, maar sekerlik verdelg word.

Eer jou vader en jou moeder soos die HERE jou God jou beveel het, dat jou dae verleng mag word en dat dit met jou goed mag gaan in die land wat die HERE jou God aan jou gee.

Jy moet 'n volle en regte gewig hê; jy moet 'n volle en regte efa hê; sodat jou dae verleng mag word in die land wat die HERE jou God jou sal gee.

Daarop het sy afgegaan na die vloer en gedoen net soos haar skoonmoeder haar beveel het.

Toe Bátseba dan ingaan na koning Salomo om met hom oor Adónia te spreek, het die koning opgestaan om haar te ontmoet en voor haar gebuig; daarna het hy op sy troon gaan sit en vir die moeder van die koning 'n stoel laat neersit, en sy het aan sy regterhand plaas geneem.

My seun, luister na die tug van jou vader, en verwerp die onderwysing van jou moeder nie;

Die sot verag die tug van sy vader, maar hy wat op die teregwysing ag gee, word wys.

Luister na jou vader wat jou verwek het, en verag jou moeder nie as sy oud geword het nie.

Daar is 'n geslag wat sy vader vervloek en sy moeder nie seën nie,

'n Seun eer die vader, en 'n kneg sy heer. As Ek dan 'n Vader is, waar is my eer? En as Ek 'n Heer is, waar is die vrees vir My? sê die HERE van die leërskare aan julle, o priesters, wat my Naam verag! Maar julle sê: Waardeur het ons u Naam verag?

eer jou vader en moeder; en: Jy moet jou naaste liefhê soos jouself.

Jy ken die gebooie: Jy mag nie egbreek nie, jy mag nie doodslaan nie, jy mag nie steel nie, jy mag geen valse getuienis gee nie, jy mag niemand te kort doen nie; eer jou vader en jou moeder.

en aan mekaar onderdanig is in die vrees van God.

Kinders, julle moet jul ouers in alles gehoorsaam wees, want dit is die Here welbehaaglik.