तासिक प्रार्थना

प्रत्येक प्रहराची प्रस्तावना

पिता, पुत्र आणि पवित्र आत्म्याच्या नावाने

एकमेव देव, आमेन.

प्रभु, दया कर. प्रभु, दया कर. प्रभु, आशीर्वाद दे. आमेन.

पित्याला, पुत्राला आणि पवित्र आत्म्यास गौरव असो, आता आणि सदैव आणि सर्व युगांच्या युगांपर्यंत, आमेन.

आमचा पिता

¶ ‹म्हणून तुम्ही प्रार्थना करता तेव्हा तुम्ही अशाप्रकारे प्रार्थना करावीः› ‹हे आमच्या स्वर्गातील पित्या, › ‹तुझे नाव पवित्र मानले जावो.›

‹तुझे राज्य येवो, › ‹जसे स्वर्गात› ‹तसे पृथ्वीवरही तुझ्या इच्छेप्रमाणे होवो.›

‹आमची रोजची भाकर आज आम्हास दे.›

‹जशी आम्ही आमच्या ऋण्यांस त्यांची ऋणे सोडली आहेत, › ‹तशीच तू आमची ऋणे आम्हांस सोड.›

‹आणि आम्हास परीक्षेत आणू नकोस› ‹तर आम्हास त्या दुष्टापासून सोडव. (कारण की राज्य, सामर्थ्य आणि गौरवही सर्वकाळ तुझीच आहेत.)›

कृतज्ञतेची प्रार्थना

चांगल्या गोष्टींचा निर्माणकर्ता, दयाळू देव, आमच्या प्रभू व देव व तारणहार येशू ख्रिस्ताचे पिता, याचे आपण आभार मानूया; कारण त्याने आम्हांला आच्छादले, सहाय्य केले, राखले, आम्हांला स्वतःकडे स्वीकृत केले, आमच्यावर दया केली, आधार दिला, आणि आम्हांला या क्षणी आणले. हाच तो आहे; म्हणून आपण त्याच्याकडे विनवूया की, तो आम्हांला हा पवित्र दिवस आणि आमच्या आयुष्याचे सर्व दिवस आपल्या शांततेत राखो. सर्वशक्तिमान प्रभु, आमचा देव.

हे स्वामी देव, सर्वशक्तिमान, आमच्या प्रभू व देव व तारणहार येशू ख्रिस्ताचे पिता, आम्ही तुला सर्वकाळ, सर्व कारणांसाठी आणि सर्व स्थितींमध्ये धन्यवाद देतो; कारण तू आम्हांला आच्छादलेस, सहाय्य केलेस, राखलेस, आम्हांला स्वतःकडे स्वीकृत केलेस, आमच्यावर दया केलीस, आधार दिलास, आणि आम्हांला या क्षणी आणलेस.

याकरिता, हे मानवजातीवर प्रेम करणाऱ्या, तुझ्या कृपाळूपणापासून आम्ही मागतो आणि विनवतो: आम्हांला हा पवित्र दिवस आणि आमच्या आयुष्याचे सर्व दिवस तुझ्या भयासह संपूर्ण शांततेत पूर्ण करता येऊ दे. सर्व मत्सर, सर्व परीक्षा, आणि सैतानाचे सर्व कृत्य, आणि दुष्ट मनुष्यांची कटकारस्थाने, तसेच गुप्त व उघडे शत्रूंची उभारणी — हे सर्व आमच्यापासून, तुझ्या सर्व लोकांपासून, आणि या पवित्र स्थळापासून दूर कर. आणि जे चांगले व उपयुक्त आहे ते आम्हांला प्रदान कर; कारण तूच आम्हांला सर्प व विंचू आणि शत्रूच्या सर्व शक्तीवर तुडविण्याचा अधिकार दिलास. आम्हांला परीक्षेत नेऊ नकोस; पण दुष्टापासून सोडव.

तुझ्या एकुलत्या पुत्रा, आमच्या प्रभू व देव व तारणहार येशू ख्रिस्ताच्या कृपा, दया आणि मानवप्रेमामुळे. ज्याच्याद्वारे तुला, त्याच्याबरोबर आणि जीवनदायी तुझ्या तुल्य असणाऱ्या पवित्र आत्म्यासह, आता आणि सदैव आणि सर्व युगांच्या युगांपर्यंत गौरव, मान, सामर्थ्य आणि वंदना उचित आहे, आमेन.

स्तोत्र 50

थोर परमेश्वर देव, बोलला आहे. आणि पृथ्वीला तिच्या उगवतीपासून मावळतीपर्यंत हाक मारली.

सौंदर्य परिपूर्णता सियोनेमधून देव प्रकाशला आहे.

आमचा देव येईल आणि तो शांत राहणार नाही, त्याच्यासमोर आग नाश करत चालली आहे, आणि त्याच्याभोवती वादळ घोंगावत आहे.

त्याने वर आकाशाला आणि पृथ्वीला हाक मारली, म्हणजे तो त्याच्या लोकांचा न्यायनिवाडा करील.

देव म्हणतो, “माझ्या भक्तांनो माझ्याभोवती गोळा व्हा. ज्यांनी यज्ञाच्या व्दारे माझ्याशी करार केला आहे.”

आकाश त्याच्या चांगुलपणाविषयी सांगत असते. कारण देव स्वतः न्यायधीश आहे.

हे माझ्या लोकांनो, ऐका, आणि मी बोलेन, मी देव आहे, तुमचा देव आहे.

मी तुमच्या होमार्पणाबद्दल तक्रार करीत नाही. तुमची होमार्पणे निरंतर माझ्यापुढे आहेत,

मी तुमच्या गोठ्यातून बैल घेणार नाही. किंवा मी तुमच्या मेंढवाड्यातून बोकड घेणार नाही.

कारण जंगलातील प्रत्येक पशू माझा आहे, हजारो पर्वतावरील सर्व प्राणी माझ्याच मालकीचे आहेत.

उंच पर्वतावरील प्रत्येक पक्षी मला माहित आहे आणि भूमीवरील वन्य पशू माझे आहेत.

मी भुकेला असलो तरी तुला बोलणार नाही, कारण जग माझेच आहे, आणि त्यातील सर्वकाही माझेच आहे.

मी बैलाचे मांस खाणार का? मी बकऱ्यांचे रक्त पिणार का?

देवाला उपकार स्तुतीचा यज्ञ अर्पण कर, आणि परत्पराकडे आपले नवस फेड.

तू संकटात असता मला हाक मार, आणि मी तुला वाचवेन, आणि तू मला गौरव देशील.

देव दुष्ट लोकांस म्हणतो, तुम्ही लोक माझ्या कायद्यांबद्दल बोलण्याचे काय काम आहे? आणि तू माझा करार तुझ्या तोंडाने उच्चरणारा आहेस?

कारण तू शिक्षेचा तिरस्कार करतोस, आणि माझी वचने झुगारून देतोस?

तुम्ही चोराला बघता आणि त्याच्याबरोबर सहमत होता. तुम्ही व्यभिचार करणाऱ्या लोकांबरोबर सहभागी होता.

तू वाईटाला आपले मुख देतोस, आणि तुझी जीभ कपट व्यक्त करते.

तुम्ही बसता आणि आपल्या भावाविरूद्ध बोलता. तू आपल्या सख्या भावाची निंदा करतोस.

तुम्ही वाईट गोष्टी करता आणि तरीही मी गप्प राहिलो. मी तुझ्यासारखा आहे असे तुला वाटले, परंतू मी तुझा निषेध करणार आणि तुझ्या डोळ्यापुढे ओळीने सर्वकाही मांडणार.

तुम्ही लोक देवाला विसरला आहात. मी तुम्हास फाडून टाकण्यापूर्वीच तुम्ही हे सारे लक्षात घ्या जर तसे घडले तर तुम्हास कोणीही वाचवू शकणार नाही.

जो कोणी उपकारस्तुतीचा यज्ञ अर्पितो, आणि जो कोणी आपला मार्ग सरळ योजितो, त्यास मी देवाचे तारण दाखवेन.

प्रार्थनेची सुरुवात

धन्य दिवसाच्या तिसऱ्या प्रहराची स्तुति, मी ती माझ्या राजा व देव ख्रिस्ताला अर्पितो, आणि तो माझी पापे क्षमा करो अशी विनंति करतो.

स्तोत्र 19

आकाश देवाचा गौरव जाहीर करते, आणि अंतराळ त्याच्या हातचे कृत्य दाखविते.

दिवस दिवसाशी बोलतो, रात्र रात्रीला ज्ञान प्रकट करते.

संभाषण नाही, बोललेले शब्दही नाही, त्यांचा आवाजही ऐकू येत नाही.

तरी त्यांचे शब्द सर्व पृथ्वीभर जातात. आणि त्यांचे बोलणे जगाच्या शेवटापर्यंत जाते. त्याने सुर्यासाठी आकाशामध्ये मंडप उभारला आहे.

सूर्य नवऱ्या मुलासारखा आपल्या मांडवातून बाहेर येतो. आणि सामर्थ्यवान पुरुषाप्रमाणे तो आपली धाव धावण्यात आनंद करतो.

सूर्य एक क्षितीजापासून उदय होतो, आणि दुसऱ्या क्षितिजापर्यंत आकाशात पार जातो. त्याच्या उष्णतेपासून कोणाचीही सुटका होत नाही.

परमेश्वराचे नियमशास्त्र परिपूर्ण आहे, ते जीवाला पुर्नजीवित करणारे आहे. परमेश्वराचे नियम विश्वसनीय आहेत, ज्यांना अनुभव नाही त्यांना शहाणपण देणारे आहे.

परमेश्वराच्या सूचना खऱ्या आहेत. जे हृदयाला हर्षीत करतात. परमेश्वराच्या कराराचे नियम शुद्ध आहेत, ते डोळे प्रकाशवनारे आहेत.

परमेश्वराची भीती शुद्ध आहे, ती सर्वकाळ टिकणारे आहे, परमेश्वराचे नियम खरे आहेत, आणि सर्व न्यायी आहेत.

ते सोन्यापेक्षा ही मौल्यवान आहेत. अती उत्तम सोन्यापेक्षाही ते शुद्ध आहेत. ते मधाच्या पोळ्यातून गळणाऱ्या, मधापेक्षाही गोड आहेत.

होय, त्याकडून तुझ्या सेवकाला चेतावनी मिळते. ते पाळण्याने उत्तम प्रतिफळ मिळते.

आपल्या स्वत:च्या चुका कोण ओळखू शकतो? माझ्या गुप्त दोषांची मला क्षमा कर.

तुझ्या सेवकाला जाणूनबुजून केलेल्या पापापासून राख; ती माझ्यावर राज्य न गाजवोत. तेव्हा मी परिपूर्ण होईल, आणि माझ्या पुष्कळ अपराधांपासून निर्दोष राहीन.

माझ्या तोंडचे शब्द आणि माझ्या हृदयाचे विचार तुझ्यासमोर मान्य असोत. परमेश्वरा, तू माझा खडक आहेस, मला तारणारा तूच आहेस.

स्तोत्र 22

माझ्या देवा, माझ्या देवा तू मला का सोडून गेलास? मला तारायला आणि माझ्या वेदनांचा शब्द ऐकायला तू दूर का आहेस?

माझ्या देवा, मी तुला दिवसा हाक मारली परंतु तू उत्तर दिले नाहीस, आणि मी रात्रीही गप्प बसलो नाही.

तरी तू पवित्र आहेस, जो इस्राएलाच्या स्तवनामध्ये वसतोस.

आमच्या पूर्वजांनी तुझ्यावर विश्वास ठेवला. होय देवा, त्यांनी तुझ्यावर विश्वास ठेवला आणि तू त्यांना वाचवलेस.

देवा आमच्या पूर्वजांनी तुला मदतीसाठी आरोळी केली आणि त्यांना तू सोडवले, त्यांनी तुझ्यावर विश्वास टाकला आणि त्यांची निराशा झाली नाही.

परंतू मी किटक आहे, मी मनुष्य नाही, जो मनुष्यांनी निंदिलेला आणि लोकांनी तिरस्कार केलेला आहे.

सर्व माझ्याकडे बघणारे माझा उपहास करतात; ते माझा अपमान करतात, ते त्यांचे डोके हलवतात.

ते म्हणतात “तो परमेश्वरावर विश्वास ठेवतो, तर परमेश्वर त्यास सोडवो. त्याने त्यास वाचवावे, कारण तो त्याच्याठायी हर्ष पावतो.”

परंतु मला उदरांतून बाहेर काढणारा तुच आहेस, मी माझ्या आईच्या स्तनांवर असता, तू मला तुझ्यावर विश्वास ठेवायला शिकवले.

मी गर्भातूनच तुझ्यावर सोपवून दिलेला होतो. माझ्या आईच्या उदरात असतानाच तू माझा देव आहेस.

माझ्यापासून दूर नको राहू, कारण संकट जवळच आहे. आणि मला मदत करायला कोणीही नाही.

खुप बैलांनी मला वेढले आहे, बाशानाच्या बळकट बैलांनी मला वेढले आहे.

जसा सिंह आपले तोंड त्याच्या भक्ष्यास फाडण्यास उघडतो, तसे त्यांनी आपले तोंड माझ्या विरूद्ध उघडले आहे.

मी पाण्यासारखा ओतला जात आहे, आणि माझी सर्व हाडे निखळली आहेत. माझे हृदय मेणासारखे झाले आहे. जे माझ्या आतल्या आत विरघळले आहे.

फुटलेल्या खापराप्रमाणे माझी शक्ती सुकून गेली आहे. माझी जीभ टाळूला चिकटली आहे. तू मला “मृत्यूच्या धुळीत” ठेवले आहे.

“कुत्री” मला वेढून आहेत, मला दुष्टांच्या घोळक्यांनी घेरले आहे. त्यांनी माझ्या हातापायाला छेदले आहे.

मी माझी सर्व हाडे मोजू शकतो. ते माझ्याकडे टक लावून बघतात.

त्यांनी माझे कपडे त्यांच्यात वाटून घेतली आहेत, आणि माझ्या कपड्यांसाठी ते चिठ्‌या टाकतात.

परमेश्वरा, मला सोडून जाऊ नकोस तुच माझी शक्ती हो, लवकर ये आणि मला मदत कर.

परमेश्वरा माझे आयुष्य तलवारीपासून वाचव, माझे मौल्यवान आयुष्य त्या कुत्र्यांच्या पंज्यापासून वाचव.

सिंहाच्या जबड्यापासून माझे रक्षण कर. जंगली बैलाच्या शिंगापासून माझे रक्षण कर.

परमेश्वरा, मी माझ्या भावांना तुझे नाव सांगेन. सभेत मी तुझे गुणगान गाईन.

जे लोक परमेश्वराचे भय धरतात, ते तुम्ही त्याची स्तुती करा! याकोबाच्या सर्व वंशजांनो, त्यास मान द्या! इस्राएलाच्या वंशजांनो, परमेश्वराची भीती बाळगा आणि त्याचा आदर करा.

कारण परमेश्वराने संकटात सापडलेल्यांच्या दु:खाला तुच्छ मानले नाही आणि किळस केला नाही. आणि त्यांनी आपले मुख त्यांच्यापासून लपवले नाही. जेव्हा पिडीतांनी त्यास आरोळी केली, त्याने ऐकले.

परमेश्वरा, मोठ्या सभेत मी तुझी स्तुती करीन. तुझे भय धरणाऱ्यांपुढे मी आपले नवस फेडीन.

गरीब लोक खातील आणि समाधानी राहतील. जे लोक परमेश्वरास शोधत आहेत, ते त्याची स्तुती करतील. तुझे हृदय सर्वकाळ जिवंत राहो.

सर्व पृथ्वीवरील लोक त्याची आठवण करतील आणि परमेश्वराकडे परत येतील. सर्व राष्ट्रातील कुटूंब तुला नमन करतील.

कारण राज्य परमेश्वरचे आहे, तो जगावर अधिकार करणारा आहे.

पृथ्वीवरील सर्व समृद्ध लोक भोजन आणि स्तुती करतील. जे आपला जीव वाचवू शकत नाही, जे सर्व धुळीस लागले आहेत, ते त्यास नमन करतील.

येणारी पिढी त्याची सेवा करणार. ते त्यांच्या पुढच्या पिढीला प्रभूबद्दल सांगतील.

ते येतील आणि जे जन्मतील त्यांना ते त्याचे न्यायीपण प्रगट करतील, ते म्हणतील त्यानेच हे केले आहे.

स्तोत्र 23

परमेश्वर माझा मेंढपाळ आहे, मला कशाचीही उणीव भासणार नाही.

तो मला हिरव्या कुरणात बसवतो, तो मला संथ पाण्याजवळ नेतो.

तो माझा जीव ताजा-तवाना करतो, तो आपल्या नावाकरिता मला योग्य मार्गात चालवतो.

मी जरी अंधकाराने भरलेल्या दरीत चालत असलो तरी, मला कसल्याही संकटाचे भय वाटणार नाही, कारण तू माझ्याबरोबर आहेस, तुझी आकडी आणि काठी माझे सांत्वन करतात.

तू माझ्या शत्रूंच्या समक्षतेत मज पुढे मेज तयार करतोस, तू माझ्या डोक्याला तेलाने अभिषिक्त केले आहे. माझा प्याला भरुन वाहत आहे.

खचित माझ्या आयुष्याचे सर्व दिवस हित आणि प्रेमदया माझ्या मागे चालतील, आणि परमेश्वराच्या घरात मी अनंतकाळ राहीन.

स्तोत्र 25

हे परमेश्वरा, मी आपला जीव तुझ्याकडे उंचावतो.

माझ्या देवा, तुझ्यात माझा विश्वास आहे. मला निराश होऊ देऊ नको, माझे शत्रू माझ्यावर हर्ष न करोत.

तुझ्या विश्वासणाऱ्याची कधी निराशा होत नाही. परंतु जे कारण नसताना विश्वासघात करतात, ते लाजवले जातील.

हे परमेश्वरा तुझे मार्ग मला कळव, मला तुझे मार्ग शिकव.

तू आपल्या सत्यात मला मार्ग दाखव आणि मला शिकव. कारण तू माझा तारणारा देव आहेस मी रोज तुझी वाट पाहतो.

हे परमेश्वरा, तुझ्या दयाळू कृत्यांची आणि प्रेमदयेची आठवण कर.

हे परमेश्वरा, माझे तरुणपणाचे पाप आणि माझा बंडखोरपणा आठवू नको. तू आपल्या प्रेमदयेला अनुसरून आपल्या चांगुलपणामुळे माझी आठवण कर.

परमेश्वर चांगला आणि प्रामाणिक आहे. यास्तव तो पाप्यांस मार्ग शिकवतो.

तो नम्र जणांस न्यायाने मार्गदर्शन करतो. आणि दीनांना आपला मार्ग शिकवीतो.

जे त्याचे करार आणि वचने पाळतात त्यांच्यासाठी परमेश्वराचे मार्ग प्रेमदया व विश्वासयोग्य आहेत.

परमेश्वरा, तुझ्या नामास्तव, माझ्या अपराधांची क्षमा कर, कारण ते खूप आहेत.

परमेश्वराचे भय धरतो असा मनुष्य कोण आहे? प्रभू त्यास सूचना देईल, की त्याने कोणते मार्ग निवडावे.

त्याचे जीवन चांगुलपणात जाईल, आणि त्याची संतान भूमीचे वतन पावतील.

परमेश्वराचे सत्य त्याचे अनुकरण करणाऱ्यांबरोबर असते. आणि तो त्याचे करार कळवतो.

मी नेहमी परमेश्वराकडे आपली दृष्टी लावतो. कारण तो माझे पाय जाळ्यातून मुक्त करतो.

परमेश्वरा माझ्याकडे फिर आणि माझ्यावर दया कर. कारण मी एकटा आणि पीडलेला आहे.

माझ्या हृदयाचा त्रास वाढला आहे, संकटातून मला तू काढ.

परमेश्वरा, माझे दु:ख आणि कष्ट बघ, माझ्या सर्व पापांची क्षमा कर.

माझ्या सर्व शत्रूंकडे पाहा, कारण ते पुष्कळ आहेत. ते माझा कठोरपणे तिरस्कार करतात.

देवा, माझे रक्षण कर आणि मला वाचव. माझा तुझ्यावर विश्वास आहे, तेव्हा माझी निराशा करू नकोस.

तुझा प्रामाणिकपणा आणि सरळपणा माझे रक्षण करोत. कारण माझा तुझ्यावर विश्वास आहे.

देवा, इस्राएलाच्या लोकांस त्यांच्या सर्व त्रासांपासून सोडव.

स्तोत्र 28

हे परमेश्वरा, माझ्या खडका, मी तुलाच आरोळी करतो. मला दुर्लक्षित करू नको. जर तू मला उत्तर दिले नाहीस तर जे थडग्यात जातात त्यांसारखा मी होईन.

जेव्हा मी तुला मदतीसाठी हाक मारतो, जेव्हा मी आपले हात तुझ्या पवित्र ठिकाणाकडे उंचावतो, तेव्हा माझी विनवणी ऐक.

जे अन्याय करतात त्या दुष्टांबरोबर मला फरफटू नकोस. जे त्यांच्या शेजाऱ्यांसोबत शांतीने बोलतात, परंतु त्यांच्या हृदयात मात्र वाईट असते.

त्यांच्या कृतीप्रमाणे आणि त्यांच्या दुष्टकृत्यांच्या प्रमाणे त्यांची परत फेड कर.

कारण त्यांना परमेश्वराचे मार्ग किंवा त्याच्या हातची कृत्ये समजत नाहीत. तो त्यांना मोडेल आणि पुन्हा बांधणार नाही.

परमेश्वराची स्तुती असो, कारण त्याने माझ्या विनवणीचा आवाज ऐकला.

परमेश्वर माझे सामर्थ्य आणि माझी ढाल आहे. माझे हृदय त्याच्यावर विश्वास ठेवते आणि मला मदत करण्यात आली आहे. यास्तव माझे हृदय मोठा हर्ष करते. आणि मी त्याची स्तुती गीत गाऊन करीन.

परमेश्वर त्याच्या लोकांसाठी बल असा आहे, आणि तो त्याच्या अभिषिक्ताला तारणाचा आश्रय आहे.

तुझ्या लोकांस वाचव आणि तुझ्या वतनाला आशीर्वाद दे. त्यांचा मेंढपाळ हो आणि त्यांना सर्वकाळ वाट दाखव व त्यांना सदैव क्षमा कर, त्यांना उचलून घे.

स्तोत्र 29

स्वर्गदूतहो, परमेश्वरास गौरव आणि सामर्थ्य आहे असे कबूल करा.

परमेश्वरास त्याच्या वैभवी नावाचे श्रेय द्या; पावित्र्याने युक्त होऊन परमेश्वराची आराधना करा.

परमेश्वराचा आवाज जलांवरून ऐकण्यात आला, गौरवशाली देव गर्जत आहे, परमेश्वर पुष्कळ जलांवर गर्जत आहे.

परमेश्वराचा आवाज सामर्थशाली आहे, परमेश्वराचा आवाज चमत्कारीक आहे.

परमेश्वराची वाणी देवदार वृक्षाला तोडते, परमेश्वर लबानोनाच्या देवदार वृक्षाचे तुकडे करतो.

तो लबानोनला वासराप्रमाणे आणि सिर्योनला तरुण बैलाप्रमाणे बागडायला लावतो.

परमेश्वराची वाणी अग्नी ज्वालासह हल्ला करते.

परमेश्वराची वाणी वाळवंटाला कंपित करते कादेशचे वाळवंट परमेश्वराच्या वाणीने हादरते.

परमेश्वराची वाणी हरणाला प्रसवयास लावते आणि अरण्य पर्णहीन करते. पण त्याच्या मंदिरात सर्व “महिमा!” गातात

महापुरावर परमेश्वर राजा बसला आहे, आणि परमेश्वरच सर्वकाळचा राजा म्हणून बसला आहे.

परमेश्वर त्याच्या लोकांना सामर्थ्य देतो, परमेश्वर त्याच्या लोकांना शांतीने आशीर्वादित करतो.

स्तोत्र 33

न्यायी जनहो! परमेश्वरामध्ये आनंद करा, न्यायी लोकांनो त्याची स्तुती करा.

वीणा वाजवून परमेश्वरास धन्यवाद द्या; दहा तारांच्या वाद्यावर त्याचे गुणगान गा.

त्याच्यासाठी नवे गीत गा; मोठा आवाज करून कौशल्याने वाद्ये वाजवा.

कारण परमेश्वरचे वचन सरळ आहे, आणि तो जे करतो ते प्रामाणिकपणाने करतो.

देवाला चांगलुपणा आणि न्यायीपण प्रिय आहे, परमेश्वराच्या प्रेमदयेने पृथ्वी भरलेली आहे.

परमेश्वराच्या शब्दाकडून आकाशे निर्माण झाली आणि त्याच्या मुखातील श्वासाने सर्व तारे निर्माण झाले आहेत.

तो समुद्रातील पाणी ढीगासारखे एकत्र करतो, तो समुद्र कोठारामध्ये ठेवतो.

सर्व पृथ्वी परमेश्वराचे भय बाळगो, जगात राहणारा प्रत्येक त्याच्या भीतीत उभा राहो.

कारण तो बोलला आणि ते झाले, त्याने आज्ञा केली आणि ते आपल्या ठिकाणी स्थिर झाले.

राष्ट्रांचा उपदेश परमेश्वर मोडतो, तो लोकांच्या योजनांवर अधिकार करतो.

परंतु परमेश्वराच्या योजना सर्वकाळ राहतात, त्याच्या हृदयातील योजना पिढ्यानपिढ्या स्थिर राहतात.

परमेश्वर ज्या राष्ट्राचा देव आहे ते राष्ट्र आशीर्वादित आहे. ज्यांना त्याने आपल्या वतनाचे होण्यास निवडले आहे ते सुखी आहेत.

परमेश्वर स्वर्गातून खाली पाहतो, तो सर्व लोकांस पाहातो.

तो आपल्या राहण्याच्या ठिकाणाहून पृथ्वीवर राहणाऱ्या सर्व लोकांकडे पाहतो.

ज्याने सर्वांची हृदये घडवली तो त्या सर्वांची कृत्ये पारखतो, तोच तो आहे.

पुष्कळ सैन्य असल्याने राजा तारला जात नाही. वीर योद्धा त्याच्या सामर्थ्याने वाचतो असे नाही.

घोडा विजयासाठी व्यर्थ आहे. त्याच्या पुष्कळ बळाने तो कोणाला वाचवू शकत नाही.

पाहा! परमेश्वराची दृष्टी त्याचे भय बाळगणाऱ्यांवर आहे. जे त्याच्या प्रेमदयेची आशा धरतात,

त्यांना मरणापासून, आणि दुष्काळापासून वाचवायला त्याची दृष्टी त्यांच्यावर आहे.

आम्ही परमेश्वराची वाट पाहू, तो आमचे साहाय्य आणि आमची ढाल आहे.

त्याच्यामध्ये आमचे हृदय हर्ष पावते, कारण आम्ही त्याच्या पवित्रतेत विश्वास ठेवतो.

परमेश्वरा, आम्ही तुझी आशा धरली आहे त्याप्रमाणे तुझी प्रेमदया आम्हाबरोबर असू दे.

स्तोत्र 40

मी धीर धरून परमेश्वराची वाट पाहिली, त्याने माझे रडणे ऐकले आणि माझ्याकडे आपला कान लावला.

त्याने मला भयानक खाचेतून दलदलीच्या चिखलातून बाहेर काढले, आणि त्याने माझे पाय खडकावर ठेवले आणि माझी पावले स्थीर केली.

आमच्या देवाची स्तुती, हे नवीन गाणे त्याने माझ्या मुखात घातले, पुष्कळ लोक त्यास पाहतील आणि त्याचा आदर करतील. आणि ते परमेश्वरावर विश्वास ठेवतील.

जो पुरुष परमेश्वरास आपला विश्वास करतो, आणि गर्विष्ठांना किंवा जे खोट्यासाठी त्याच्याकडून फिरले आहेत त्यांना मानत नाही, ते आशीर्वादित आहेत.

परमेश्वरा, माझ्या देवा, तू केलेली आश्चर्याची कृत्ये पुष्कळ आहेत. आणि आमच्यासाठी तुझे विचार मोजले जाणार नाहीत इतके आहेत. जर मी त्यांच्याबद्दल बोलायचे म्हटले तर, ते मोजण्यापलीकडचे आहेत.

यज्ञ आणि अन्नार्पण यांमध्ये तुला आनंद नाही. परंतु तू माझे कान उघडले आहेत. होमार्पणे किंवा पापार्पणे तू मागत नाहीस.

म्हणून मी म्हणालो बघ, मी आलो आहे. माझ्याविषयी पुस्तकात हे लिहिले आहे.

माझ्या देवा, तुझी इच्छा पूर्ण करण्यात मला आनंद आहे.

मोठ्या सभेत मी न्यायीपणाचे शुभवर्तमान घोषित केले. परमेश्वरा, तुला माहित आहे.

तुझे न्यायीपण मी आपल्या हृदयात लपवून ठेवले नाही. तुझा विश्वासूपणा आणि तुझे तारण मी घोषित केले. तुझी प्रेमदया किंवा सत्य मी मोठ्या सभेत लपवून ठेवले नाही.

यास्तव हे परमेश्वरा, तू तुझी दयाळूपणाची कृत्ये माझ्यापासून आवरून धरू नको. तुझी प्रेमदया आणि तुझी सत्यता मला नेहमीच राखो.

कारण असंख्य वाईटाने मला वेढले आहे. मी वर पाहण्यास सक्षम नाही, कारण माझ्या अपराधांनी मला गाठले आहे. माझ्या डोक्यावर असलेल्या केसांपेक्षा ते जास्त आहेत. म्हणून माझे हृदय खचले आहे.

परमेश्वरा, मला वाचवायला हर्षित हो. परमेश्वरा, मला मदत करण्यास त्वरा कर.

जे माझ्या जीवाचा नाश करण्यास माझ्या पाठीस लागले आहेत, ते लज्जित केले जावोत आणि गोंधळून जावोत.

हा! हा! हा! असे जे मला म्हणतात, ते आपल्या लज्जेमुळे चकित होवोत.

परंतु जे सर्व तुला शोधतात, ते तुझ्यामध्ये हर्ष व आनंद करोत. ज्या सर्वांना तुझे तारण प्रिय आहे ते सर्व परमेश्वराचा महिमा वाढो, असे नेहमी म्हणोत.

मी गरीब आणि दीन आहे, तरी प्रभू माझा विचार करतो. तू माझे साहाय्य आणि मला वाचवणारा आहेस. माझ्या देवा, उशीर करू नकोस.

स्तोत्र 42

जशी हरिणी पाण्याच्या प्रवाहासाठी धापा टाकते, तसा हे देवा, माझा जीव तुझ्यासाठी धापा टाकतो.

माझा जीव देवासाठी, जिवंत देवासाठी तहानेला आहे. मी केव्हा देवासमोर येऊन हजर होईन?

जेव्हा माझे शत्रू नेहमी मला म्हणतात की, “तुझा देव कोठे आहे?” तेव्हा रात्रंदिवस माझे अश्रूच माझे अन्न झाले आहे.

हर्षानादाने आणि स्तुती करत, सण साजरा करणाऱ्या पुष्कळांबरोबर, कसा मी त्या गर्दीला नेतृत्व करत देवाच्या घरात घेऊन जात असे, हे आठवून माझा जीव माझ्याठायी ओतला जात आहे.

हे माझ्या जीवा तू निराश का झाला आहेस? माझ्यामध्ये तू का तळमळत आहेस? देवाची आशा धर, कारण त्याच्या उपस्थितीने होणाऱ्या तारणामुळे मी त्याची अजून स्तुती करीन.

माझ्या देवा, माझ्याठायी माझा जीव निराश झाला आहे, म्हणून यार्देनच्या प्रदेशापासून, हर्मोनच्या डोंगराच्या तीन शिखरावरून आणि मिसहारच्या टेकडीवरून मी तुझे स्मरण करतो.

तुझ्या धबधब्याच्या अवाजाने ओघ ओघाला हाक मारतो. तुझ्या सर्व लहरी आणि मोठ्या लाटा माझ्यावरून गेल्या आहेत.

तरी परमेश्वर त्याची प्रेमदया दिवसा अज्ञापील, आणि रात्री त्याचे गीत, म्हणजे माझ्या जीवाच्या देवाला केलेली प्रार्थना माझ्यासोबत असेल.

मी देवाला म्हणेल, माझ्या खडका, तू का मला सोडले आहे? शत्रूंच्या जुलूमाने मी का शोक करू?

“तुझा देव कुठे आहे?” असे बोलून माझे शत्रू तलवारीने माझ्या हाडात भोसकल्याप्रमाणे पूर्ण दिवस मला दोष देत राहतात.

हे माझ्या जीवा तू का निराश झाला आहेस? माझ्यामध्ये तू तळमळत आहेस? देवाची आशा धर, कारण माझ्या मुखाचे तारण आणि माझा देव त्याची अजून मी स्तुती करीन.

स्तोत्र 44

हे देवा, आम्ही तुझ्याबद्दल ऐकले आहे. आमच्या वडिलांनी ते आम्हास सांगितले आहे, की पुरातन दिवसात तू, त्यांच्या दिवसात काय कार्य केलेस.

तू तुझ्या हाताने राष्ट्रांना घालवून दिलेस, परंतु आपल्या लोकांस स्थापिले, तू लोकांस पीडले परंतु आपल्या लोकांस तू वाढवले.

कारण त्यांनी आपल्या तलवारीने देश मिळवला नाही. आणि त्यांच्या बाहूंनी त्यांना तारले नाही. परंतू तुझा उजवा हात, तुझा भुज, तुझ्या मुखाच्या प्रकाशाने त्यांना तारले, कारण तू त्यांच्यावर अनुकूल होतास.

देवा, तू माझा राजा आहेस, याकोबाला विजय मिळावा म्हणून आज्ञा दे.

तुझ्या मदतीने आम्ही शत्रूला मागे ढकलू. जे आमच्याविरूद्ध उठतात, तुझ्या नावाने आम्ही आमच्या शत्रूंना तुडवून टाकू.

कारण माझ्या धनुष्यबाणांवर माझा विश्वास नाही. किंवा माझी तलवार मला वाचवू शकेल.

परंतु तू आम्हांला आमच्या शत्रूंपासून वाचवले आहेस. आणि जे आमचा द्वेष करतात त्यांना लाजवले आहेस.

देवाच्या ठायी रोज आम्ही आमचा अभिमान बाळगला आहे, आणि तुझ्या नावाला आम्ही सर्वकाळ महिमा देऊ. (सेला)

परंतु आता तू आम्हास फेकून दिले आहे, आणि आमची अप्रतिष्ठा होऊ दिली आहे. आणि तू आमच्या सैन्यासोबत पुढे जात नाहीस.

तू आमच्या शत्रूंपुढे आम्हास मागे हटण्यास लावले, आणि आमचा द्वेष करणारे त्यांच्यासाठी लूट घेतात.

तू आम्हास भक्ष्याकरता योजलेल्या मेंढ्यासारखे केले आहे, आणि आम्हास देशात विखरून टाकले आहेस.

तू तुझ्या लोकांस कवडीमोलाने विकलेस, आणि असे करून तू आपली संपत्ती देखील वाढवली नाही.

तू शेजाऱ्यांमध्ये आम्हांस निंदा आणि आमच्या सभोवती असणाऱ्यांमध्ये आम्हांस हसण्याजोगे आणि थट्टा असे केले आहे.

राष्ट्रांमध्ये तू आम्हास अपमान असे केले आहे, लोक आम्हास बघून आपले डोके हलवतात.

सर्व दिवस माझी अप्रतिष्ठा माझ्या समोर असते. आणि माझ्या मुखावरच्या लज्जेने मला झाकले आहे.

कारण माझ्या निंदकाच्या आणि अपमानाच्या शब्दाने, शत्रू आणि सुड घेणाऱ्यांमुळे माझे मुख लज्जेने झाकले आहे.

हे सर्व आमच्यावर आले आहे, तरी आम्ही तुला विसरलो नाही, किंवा करारांत खोटे वागलो नाही.

आमचे हृदय मागे फिरले नाही, आमची पावले तुझ्यापासून दूर गेली नाहीस.

तरी तू आम्हास कोल्हे राहतात त्या जागेत चिरडलेस, आणि मृत्यूछायेने आम्हास झाकले आहेस.

जर आम्ही आमच्या देवाचे नाव विसरलो असेल किंवा आमचे हात अनोळखी देवाकडे पसरवले असतील,

तर देव हे शोधून काढणार नाही काय? कारण तो हृदयातील गुप्त गोष्टी जाणतो.

खरोखर, आम्ही दिवसभर तुझ्यासाठी मारले जात आहोत. मारण्यासाठी नेल्या जाणाऱ्या मेंढ्यांप्रमाणे आम्ही आहोत.

प्रभू, ऊठ तू का झोपला आहेस? ऊठ, आम्हास कायमचा सोडून जाऊ नकोस.

तू आमच्यापासून आपले मुख का लपवतोस? आणि आमचे दु:ख आणि आमच्यावरचे जुलूम तू का विसरतोस?

कारण आमचा जीव धुळीस खालपर्यंत गेला आहे, आणि आमचे पोट भूमीला चिकटले आहे.

आमच्या साहाय्याला ऊठ! आणि तुझ्या प्रेमदयेस्तव आम्हास वाचव.

स्तोत्र 45

माझे हृदय चांगल्या विचारांनी भरून वाहते, राजासाठी बनवलेली काव्ये मी मोठ्याने वाचेन, लेखकाच्या लेखणीतून शब्द यावेत त्याप्रमाणे माझ्या जीभेतून शब्द येतात.

तू मनुष्याच्या संतानापेक्षा सुंदर आहेस. तुझ्या ओठात कृपा ओतलेली आहे, यास्तव देवाने तुला सर्वकाळ आशीर्वाद दिला आहे.

हे बलवाना, तू आपली तलवार मांडीला बांध, आपले वैभव आणि आपला प्रताप धारण कर.

तू आपल्या सत्याने, नम्रतेने, न्यायीपणामध्ये विजयाने स्वारी कर, तुझा उजवा हात तुला भयानक गोष्टी शिकवेल.

तुझे बाण तीक्ष्ण आहेत. लोक तुझ्या पायाखाली पडतील. तुझे बाण राजाच्या शत्रूंच्या हृदयात आहेत.

देवा तुझे सिंहासन सर्वकाळासाठी आहे. तुझा न्यायाचा राजदंड हा तुझ्या राज्याचा राजदंड आहे.

तू न्यायीपणावर प्रीती केली आणि दुष्टाईचा हेवा केला. यास्तव देवाने, तुझ्या देवाने, हर्षाच्या तेलाने तुला तुझ्या सोबत्यांपेक्षा अधीक अभिषेक केल आहे.

तुझ्या वस्त्रांना बोळ, अगरू, ऊद आणि दालचिनी यांचा सुगंध येतो. हस्तिदंताच्या महालातून तंतुवाद्यांनी तुला आनंदीत केले आहे.

राजांच्या मुली तुझ्या सन्मान्य स्रीयांच्यामध्ये आहेत. राणी ओफिराच्या सोन्याने शृंगारलेली तुझ्या उजव्या बाजूस उभी आहे.

मुली, लक्षपूर्वक ऐक, विचार कर, आपला कान लाव. तुझी माणसे आणि तुझ्या वडीलांच्या घराला विसरून जा.

अशाने राजा तुझ्या सौंदर्याची आवड धरणार, तो तुझा स्वामी आहे, तू त्याचा आदर कर.

सोराची कन्या तुझ्यासाठी भेट आणील. श्रीमंतातील लोक तुला भेटायची इच्छा धरतील.

राजकन्या राजमहालात तेजस्वी आहे, तिचे वस्र सोन्याच्या कारागिरीचे आहेत.

तिला कशिदाकाम केलेल्या वस्त्रांमध्ये राजाकडे नेले जाईल. तिच्या मागे चालणाऱ्या तिच्या सोबतिणी कुमारी तुझ्याजवळ आणल्या जातील.

ते आनंदात व हर्षात नेल्या जातील. ते राजाच्या महालात प्रवेश करतील.

तुझ्या वडिलांच्या ठिकाणी तुझी मुले राज्य करतील. ज्यांना तू सर्व पृथ्वीत अधिपती करशील.

तुझे नाव सर्व पिढ्या आठवतील असे मी करीन. म्हणून लोक सदासर्वकाळ तुझी स्तुती करतील.

स्तोत्र 46

देव आमचा आश्रय आणि सामर्थ्य आहे, जो संकटात मदत करण्यास सिध्द असतो.

म्हणून जरी पृथ्वी बदलली, जरी पर्वत डगमगून समुद्राच्या हृदयात गेले, तरी आम्ही भिणार नाही.

जरी त्यांच्या लाटा गर्जल्या आणि खळबळल्या, आणि त्यांच्या उचंबळण्याने पर्वत थरथरले तरी आम्ही भिणार नाही.

तेथे एक नदी आहे, तिचे प्रवाह परात्पराच्या पवित्रस्थानाला निवासमंडपाला देवाच्या नगराला आनंदित करतात.

देव तिच्यामध्ये आहे; ती हलणारच नाही; देव तिला मदत करील आणि तो हे खूप लवकरच करील.

राष्ट्रे खळबळतील आणि राज्ये डगमगतील; तो आपला आवाज उंच करील आणि पृथ्वी वितळून जाईल.

सेनाधीश परमेश्वर आमच्याबरोबर आहे. याकोबाचा देव आमचा आश्रयस्थान आहे.

या, परमेश्वराची कृत्ये पाहा, त्याने पृथ्वीचा नाश कसा केला आहे.

तो पृथ्वीच्या सीमेपर्यंत लढाया थांबवतो; तो धनुष्य तोडतो आणि भाल्याचे तुकडे-तुकडे करतो; तो रथ जाळून टाकतो.

शांत व्हा आणि लक्षात ठेवा मीच देव आहे; राष्ट्रात मी उंचावला जाईन; मी पृथ्वीवर उंचावला जाईन.

सेनाधीश परमेश्वर आमच्याबरोबर आहे; याकोबाचा देव आमचा आश्रय आहे.

विभाग

हे प्रभु, तुझा पवित्र आत्मा, जो तू तुझ्या पवित्र प्रेषितांवर आणि मान्यवर दूतांवर तिसऱ्या प्रहराला पाठविला, हे चांगल्या, तो आम्हांपासून दूर नेऊ नकोस; तर तो आमच्यात नूतन कर. हे देवा, माझ्यात शुद्ध हृदय निर्माण कर; आणि माझ्यात योग्य आत्मा नूतन कर. मला तुझ्या मुखकमलापासून दूर टाकू नकोस; आणि तुझा पवित्र आत्मा माझ्यापासून काढू नकोस. (दोक्सा पत्री कै इयो कै आगियो प्नेव्माती Δόξα Πατρί καὶ Υἱῷ καὶ Ἁγίῳ Πνεύματι - पित्याला, पुत्राला आणि पवित्र आत्म्यास गौरव असो).

हे प्रभु, ज्याने पवित्र आत्मा तुझ्या पवित्र प्रेषितांवर आणि मान्यवर दूतांवर तिसऱ्या प्रहराला पाठविला; हे चांगल्या, तो आम्हांपासून दूर नेऊ नकोस; परंतु आम्ही विनवितो की तू तो आमच्यात नूतन कर; हे आमचे प्रभु येशू ख्रिस्ता, देवाचे वचनाचा पुत्रा — योग्य आणि जीवनदायी आत्मा; भविष्यवाण्याचा व संयमाचा आत्मा; पवित्रतेचा, न्यायाचा आणि अधिकाराचा आत्मा; हे सर्वसमर्था — कारण तू आमच्या आत्म्यांचा तेज आहेस; जो प्रत्येक मनुष्याला जो जगात येतो त्याला प्रकाशित करतो — आमच्यावर दया कर. (के नून, के आएई, के इस्तूस एओनास तोन एओनोन आमीन Καὶ νῦν καὶ ἀεὶ καὶ εἰς τοὺς αἰῶνας τῶν αἰώνων. Ἀμήν - आता आणि सदैव आणि सर्व युगांच्या युगांपर्यंत, आमेन).

हे देवाची माता, तू खरी द्राक्षवेल आहेस, जी जीवनाचा घोस वहातेस; हे अनुग्रहाने परिपूर्ण, आम्ही तुझी व प्रेषितांची संगत करून आमच्या आत्म्यांच्या उध्दारासाठी विनवणी करतो. धन्य आहे आपला प्रभु देव; तो दिवसेंदिवस धन्य आहे; तो आमचा मार्ग तयार करतो, कारण तो आमच्या उध्दाराचा देव आहे. (के नून, के आएई, के इस्तूस एओनास तोन एओनोन आमीन Καὶ νῦν καὶ ἀεὶ καὶ εἰς τοὺς αἰῶνας τῶν αἰώνων. Ἀμήν - आता आणि सदैव आणि सर्व युगांच्या युगांपर्यंत, आमेन).

हे स्वर्गीय राजा, सांत्वनकर्ता, सत्याचा आत्मा; जो सर्वत्र उपस्थित आहे आणि सर्व काहीने परिपूर्ण आहे; चांगुलपणाचा खजिना आणि जीवनदाता — ये, कृपया, आमच्यात वास कर; आणि हे चांगल्या, आम्हांला सर्व अशुद्धतेपासून शुद्ध कर, आणि आमच्या आत्म्यांचे उध्दार कर. (दोक्सा पत्री कै इयो कै आगियो प्नेव्माती Δόξα Πατρί καὶ Υἱῷ καὶ Ἁγίῳ Πνεύματι - पित्याला, पुत्राला आणि पवित्र आत्म्यास गौरव असो).

जसा तू तुझ्या शिष्यांसोबत होतास, हे तारणहारा, आणि त्यांना शांती दिलीस, तसेच आमच्यासोबतही रहा; आम्हांला तुझी शांती दे, आम्हांला वाचव, आणि आमच्या आत्म्यांचे उध्दार कर. (के नून, के आएई, के इस्तूस एओनास तोन एओनोन आमीन Καὶ νῦν καὶ ἀεὶ καὶ εἰς τοὺς αἰῶνας τῶν αἰώνων. Ἀμήν - आता आणि सदैव आणि सर्व युगांच्या युगांपर्यंत, आमेन).

जेव्हा आम्ही तुझ्या पवित्र मंदिरात उभे राहतो, तेव्हा आम्हांस स्वर्गात उभे असल्यासारखे मानले जाते. हे देवाची माता, तू स्वर्गाचा दरवाजा आहेस; आमच्यासाठी दयेचा दरवाजा उघड.

Tenoo oasht emmok o piekhristos nem pekyot en aghathos nem pi epnevma ethowab je akee ak soati emmon nai nan

हे ख्रिस्ता, तुझ्या हितकर पित्याबरोबर व पवित्र आत्म्यासोबत आम्ही तुझी उपासना करतो; कारण तू आला आहेस व आम्हाला तारले आहेस.

1. हे प्रभो, तुझा पवित्र आत्मा ज्यास तू तिसऱ्या प्रहराला तुझे पवित्र शिष्य व आदरणीय प्रेषित यांच्यावर पाठविला, तो आमच्यापासून दूर नेऊ नकोस, हे कल्याणकर्ता; परंतु तो आमच्यात नूतन कर. हे देवा, माझ्यात शुद्ध हृदय निर्माण कर, आणि माझ्यात स्थिर आत्मा नूतन कर. तुझ्या सान्निध्यातून मला दूर टाकू नकोस; आणि तुझा पवित्र आत्मा माझ्यापासून काढू नकोस.

पित्याला, पुत्राला आणि पवित्र आत्म्यास महिमा असो.

पित्याला, पुत्राला आणि पवित्र आत्म्यास महिमा असो.

2. हे प्रभो, तू तिसऱ्या प्रहराला तुझे पवित्र शिष्य आणि तुझे आदरणीय प्रेषित यांच्यावर तुझा पवित्र आत्मा पाठविलास; तो आमच्यापासून दूर नेऊ नकोस, हे कल्याणकर्ता; परंतु आम्ही तुझी विनंती करतो, तो आमच्यात नूतन कर. हे प्रभु येशू ख्रिस्त, देवाचा पुत्र, वचन, दृढ व जीवनदायी आत्मा, भविष्यवाणी व संयमाचा आत्मा, पवित्रता, न्याय व अधिकाराचा आत्मा दे, हे सर्वशक्तिमान, कारण तू आमच्या आत्म्यांचा प्रकाश आहेस. हे जो जगात येणाऱ्या प्रत्येकावर प्रकाश पाडतोस, माझ्यावर दया कर.

आता आणि सदैव व युगानुयुगे, आमेन.

आता आणि सदैव व युगानुयुगे, आमेन.

3. हे देवजननी, तू खरी द्राक्षवेल आहेस जिने जीवनाचा घोस आणला; आम्ही तुझी विनवणी करतो, हे कृपापूर्णे, प्रेषितांबरोबर, आमच्या आत्म्यांच्या तारण्यासाठी. प्रभु आपला देव धन्य आहे. प्रभु दिवसेंदिवस धन्य आहे. तो आमचा मार्ग सिद्ध करतो, कारण तो आमच्या तारणाचा देव आहे.

आता आणि सदैव व युगानुयुगे, आमेन.

आता आणि सदैव व युगानुयुगे, आमेन.

4. हे स्वर्गीय राजा, सांत्वनकर्ता, सत्याचा आत्मा, सर्वत्र उपस्थित आणि सर्वांना भरून टाकणारा, सर्व उत्तम वस्तूंचा भंडार आणि जीवन‑दाता, कृपापूर्वक ये, आणि आमच्यात वास कर व सर्व अशुद्धतेपासून आम्हांस शुद्ध कर, हे कल्याणकर्ता, आणि आमच्या आत्म्यांचे तारण कर.

पित्याला, पुत्राला आणि पवित्र आत्म्यास महिमा असो.

पित्याला, पुत्राला आणि पवित्र आत्म्यास महिमा असो.

5. जेप्रमाणे तू तुझ्या शिष्यांबरोबर होतास, हे तारणारा, आणि त्यांना शांती दिलीस, तसेच कृपापूर्वक ये आणि आमच्याबरोबर राहा, आणि आम्हांस तुझी शांती दे, आणि आम्हांला तार, आणि आमच्या आत्म्यांची सुटका कर.

आता आणि सदैव व युगानुयुगे, आमेन.

आता आणि सदैव व युगानुयुगे, आमेन.

6. जेव्हा केव्हा आम्ही तुझ्या पवित्र देवालयात उभे राहतो, तेव्हा आम्ही स्वर्गात उभे आहोत असे मानले जाते. हे देवजननी, तू स्वर्गद्वार आहेस; आमच्यासाठी दयेचे द्वार उघड.

तेव्हा उपासक प्रार्थना करतो:

प्रभो, आम्हाला ऐक आणि आमच्यावर दया कर, आणि आमची पापे क्षमा कर. आमेन.

(प्रभो, दया कर) 41 वेळा

क्षमा

हे सर्व करुणांचा देव, आणि सर्व शांत्यांचा प्रभु; जो आम्हांस नेहमी तुझ्या पवित्र आत्म्याच्या शांतीने आधार देतो — आम्ही तुझे आभार मानतो; कारण तू आम्हांला या पवित्र प्रहरात प्रार्थनेस उभे केलेस, ज्यात तुझ्या पवित्र प्रेषितांवर आणि मान्यवर, धन्य दूतांवर तुझ्या पवित्र आत्म्याची कृपा, अग्नीच्या जिह्वांसारखी, विपुलपणे उडाळली. आम्ही मागतो व विनवितो, हे मानवजातीवर प्रेम करणाऱ्या, आमच्या प्रार्थना तुझ्याकडे स्वीकार; आमची पापे क्षमा कर; आमच्यावर तुझ्या पवित्र आत्म्याची कृपा पाठव; आम्हांला देह व आत्म्याच्या प्रत्येक अशुद्धतेपासून शुद्ध कर; आम्हांला आध्यात्मिक जीवनाकडे परिवर्तित कर; जेणेकरून आम्ही आत्म्याने चालू आणि देहाच्या वांछा पूर्ण करू नको. आणि आम्हांला पात्र कर की आम्ही तुझी सेवा शुद्धतेने व न्यायाने आमच्या आयुष्याचे सर्व दिवस करूं. कारण तुला तुझ्या चांगल्या पित्याबरोबर आणि पवित्र आत्म्यासह आता आणि सदैव व अनंतकाळपर्यंत गौरव, मान आणि सामर्थ्य उचित आहे. आमेन.

प्रत्येक प्रहराच्या शेवटी केली जाणारी विनवणी

हे देवा, आमच्यावर दया कर; मग पुन्हा दया कर. जो सर्वकाळ आणि प्रत्येक क्षणी, स्वर्गात आणि पृथ्वीवर, वंदनीय आणि गौरवित — आमचा चांगला ख्रिस्त देव — दीर्घशांतीचा, विपुल दयेचा, व अतिशय करुणामय; जो धर्मीजनांवर प्रेम करतो आणि पाप्यांवर दया करतो, ज्याचा मी पहिला आहे; जो पाप्याचा मृत्यू इच्छित नाही, तर त्याची परतफेड व जीवन इच्छितो; जो सर्वांना उध्दाराकडे बोलावतो, येणाऱ्या चांगल्या वस्तूंच्या वचनासाठी.

हे प्रभु, या क्षणी व प्रत्येक क्षणी आमच्या विनंत्या स्वीकार. आमचे जीवन सुलभ कर; आम्हांला तुझ्या आज्ञांचे पालन करण्यास मार्गदर्शित कर. आमच्या आत्म्यांना पवित्र कर. आमच्या देहांना शुद्ध कर. आमचे विचार उभे कर. आमच्या इच्छांना शुद्ध कर. आमच्या आजारांना आरोग्य दे आणि आमची पापे क्षमा कर. सर्व वाईट दु:ख व हृदयदुखण्यापासून आम्हांला सोडव. तुझ्या पवित्र दूतांनी आम्हांला वेढून ठेव, की त्यांच्या छावणीत आम्ही राखलेले व मार्गदर्शित होऊ; आणि आम्ही विश्वासाच्या ऐक्याला आणि तुझ्या अगम्य व अमर्याद गौरवाच्या ज्ञानाला पोहोचू — कारण तू अनंतकाळपर्यंत धन्य आहेस. आमेन.

हे देवा, आम्हांला पात्र कर की आम्ही कृतज्ञतापूर्वक म्हणू: आमच्या स्वर्गस्थ पित्या...