Maombi ya Saa

Utangulizi wa Kila Saa

Kwa jina la Baba na la Mwana na la Roho Mtakatifu

Mungu mmoja. Amina.

Bwana utuhurumie. Bwana utuhurumie. Bwana tubariki. Amina.

Utukufu kwa Baba na kwa Mwana na kwa Roho Mtakatifu, sasa na sikuzote na hata enzi za enzi. Amina.

BABA YETU

Basi, hivi ndivyo mnavyopaswa kusali: Baba yetu uliye mbinguni: Jina lako litukuzwe.

Ufalme wako ufike. Utakalo lifanyike duniani kama mbinguni.

Utupe leo chakula chetu tunachohitaji.

Utusamehe makosa yetu, kama nasi tunavyowasamehe waliotukosea.

Usitutie katika majaribu, lakini utuokoe na yule Mwovu. is Baadhi ya makala za zamani zina; Kwa kuwa ufalme ni wako, na nguvu, na utukufu, hata milele. Amina.

Sala ya Shukrani

Na tumshukuru Mtenda mema mwenye huruma, Mungu, Baba wa Bwana wetu na Mungu wetu na Mwokozi wetu Yesu Kristo, kwa kuwa Ametufunika, Ametusaidia, Ametuhifadhi, Ametukaribisha kwake, Ametuhurumia, Ametutia nguvu, na Ametuletea hadi saa hii. Tena na tumwombe pia Atuhifadhi katika siku hii takatifu na siku zote za maisha yetu kwa amani kamili. Mwenyezi, Bwana Mungu wetu.

Ee Bwana Mungu Mwenyezi, Baba wa Bwana wetu na Mungu wetu na Mwokozi wetu Yesu Kristo, tunakushukuru kwa kila hali, na kwa ajili ya kila hali, na katika kila hali; kwa kuwa Umetufunika, Umetusaidia, Umetuhifadhi, Umetukaribisha kwako, Umetuhurumia, Umetutia nguvu, na Umetuletea hadi saa hii.

Kwa ajili ya haya tunaomba na kusihi kwa wema Wako, Ee Mpenda wanadamu, utujalie tumalize siku hii takatifu na siku zote za maisha yetu kwa amani kamili pamoja na kumcha Wewe. Kila wivu, na kila jaribu, na kila tendo la Shetani, na shauri la watu waovu, na kusimama kwa adui waliofichika na walio dhahiri, uyatoe mbali nasi na mbali na watu Wako wote, na mbali na mahali pako hapa patakatifu. Na yaliyo mema na yafaa, utujalie. Kwa kuwa Wewe Ndiwe Uliye tupa mamlaka ya kukanyaga nyoka na nge na kila nguvu ya adui. Wala usitutie majaribuni, bali utuokoe na yule mwovu.

Kwa neema na rehema na upendo kwa wanadamu ulioko kwa Mwanao wa pekee, Bwana wetu na Mungu wetu na Mwokozi wetu Yesu Kristo. Yeye ambaye kwa kupitia kwake, utukufu, heshima, enzi na ibada vinakufaa pamoja Naye, pamoja na Roho Mtakatifu, Mwenye kuhuisha, anaye Kulingana Nawe, sasa na sikuzote na hata enzi za enzi. Amina.

ZABURI 50

Unirehemu, Ee Mungu, kwa fadhili zako kuu; kwa wingi wa rehema zako uyafute maovu yangu. Unioshe kabisa na uovu wangu, na unitakase dhambi yangu, maana najua maovu yangu, na dhambi yangu imenikabili daima. Nimekutendea dhambi wewe peke yako, nami nimetenda yaliyo maovu mbele zako; ili upate kuhesabiwa haki katika maneno yako, na kuwa safi katika hukumu yako. Tazama, mimi nalizaliwa katika uovu, na katika dhambi alinichukua mama yangu mimba. Tazama, wapenda kweli iliyo moyoni; nawe utanijulisha hekima sirini. Uniyunyizie hisopo, nami nitakuwa safi; unioshe, nami nitakuwa mweupe kuliko theluji. Unisikilizishe shangwe na furaha, ili mifupa uliyoiponda ifurahi. Uyaweke uso wako usiyaone dhambi zangu, uyafute maovu yangu yote. Ee Mungu, umbie ndani yangu moyo safi, tena uifanye upya roho iliyo thabiti ndani yangu. Usinitupe weguni mbele za uso wako; wala roho yako mtakatifu usiniondolee. Unirudishie furaha ya wokovu wako, na roho ya uongozi unitegemeze, ndipo nitawafundisha wakosaji njia zako na wenye hatia watakurejea. Uniokoe na hatia ya damu, Ee Mungu, Mungu wa wokovu wangu, na ulimi wangu utaimba haki yako. Ee Bwana, yafumbue midomo yangu, na kinywa changu kitainena sifa zako. Maana hufurahii dhabihu; la sivyo ningetoa; wala hufurahii sadaka ya kuteketezwa; dhabihu za Mungu ni roho iliyovunjika; moyo uliovunjika na kunyenyekea, Ee Mungu, hutaudharau. Fanya wema kwa Sayuni kwa radhi zako; ujenge kuta za Yerusalemu. Ndipo utapendezwa na dhabihu za haki, sadaka na sadaka za kuteketezwa; ndipo watatolea mafahali juu ya madhabahu yako. Haleluya.

Mwanzo wa Sala

Tazama ya Machweo yaliyo barikiwa, naiwasilisha kwa Kristo Mfalme wangu na Mungu wangu, nami namwomba anisamehe dhambi zangu

ZABURI 116

Msifuni Bwana, enyi mataifa yote, na wamhimidi, enyi watu wote. Maana fadhili zake zimethibitishwa juu yetu, na uaminifu wa Bwana wadumu milele. Haleluya.

ZABURI 117

Mshukuruni Bwana kwa kuwa ni mwema, kwa maana fadhili zake ni za milele. Na aseme nyumba ya Israeli kuwa ni mwema, na kwamba fadhili zake ni za milele. Na aseme nyumba ya Haruni kuwa ni mwema, na kwamba fadhili zake ni za milele. Na waseme wamchao Bwana kuwa ni mwema, na kwamba fadhili zake ni za milele.

Katika shida nikamwita Bwana, akanijibu, akanitoa katika nafasi pana. Bwana yuko upande wangu, sitaogopa, mwanadamu atanifanyia nini? Bwana yuko upande wangu, anisaidie, nami nitaangalia juu ya adui zangu. Ni heri kumkimbilia Bwana kuliko kumtegemea mwanadamu, ni heri kumkimbilia Bwana kuliko kuwategemea wakuu. Mataifa yote yamenizunguka, kwa jina la Bwana nitayakatilia mbali. Wamenizunguka na kunizingira, kwa jina la Bwana nitayakatilia mbali. Wamenizunguka kama nyuki, wakawaka kama moto wa miiba, kwa jina la Bwana nitayakatilia mbali. Ulinisukuma ili nianguke, lakini Bwana akanisaidia. Bwana ni nguvu zangu na wimbo wangu, naye amekuwa wokovu wangu. Sauti ya shangwe na wokovu imo katika hema za wenye haki. Mkono wa kuume wa Bwana watenda kwa nguvu, mkono wa kuume wa Bwana umetukuzwa, mkono wa kuume wa Bwana watenda kwa nguvu. Sifikiri kufa, bali nitaishi, nami nitayasimulia matendo ya Bwana. Bwana amenirudi sana, lakini hakunitia mikononi mwa mauti.

Nifungulieni malango ya haki ili niingie humo, nimshukuru Bwana. Huu ndio mlango wa Bwana, wenye haki watauingia. Nakushukuru, Ee Bwana, kwa kuwa umenijibu, nawe umekuwa wokovu wangu. Jiwe walilolikataa waashi limekuwa jiwe kuu la pembeni. Neno hili limetoka kwa Bwana, nalo ni la ajabu machoni petu.

Hii ndiyo siku aliyofanya Bwana; tushangilie na tufurahi ndani yake. Ee Bwana, tuokoe. Ee Bwana, tufanikishe njia yetu. Abarikiwe ajaye kwa jina la Bwana. Tumewabariki kutoka nyumba ya Bwana. Mungu ni Bwana ametuangazia. Fungeni sikukuu kwa kamba, hata kwenye pembe za madhabahu. Wewe ndiwe Mungu wangu nami nitakushukuru; Mungu wangu, nitakutukuza. Nakushukuru, Ee Bwana, kwa kuwa umenijibu, nawe umekuwa wokovu wangu. Mshukuruni Bwana kwa kuwa ni mwema, kwa maana fadhili zake ni za milele. Haleluya

ZABURI 119

Nalipaza sauti yangu kwa Bwana katika huzuni yangu, akanijibu. Ee Bwana, iokoe nafsi yangu na midomo ya uongo, na ulimi wa hila. Utafanywa nini, nawe utaongezewa nini, ee ulimi wa hila? Mishale mikali ya shujaa, pamoja na makaa ya mwaloni. Ole wangu, kwa kuwa kukaa kwangu ugenini kumeirefuka, nami nimekaa katika maskani ya Kedari. Nafsi yangu imekaa muda mrefu pamoja na wanochukia amani; mimi ni mtu wa amani, lakini ninenapo, wao hupenda vita. Haleluya.

ZABURI 120

Ninainua macho yangu milimani, msaada wangu watoka wapi؟ Msaada wangu watoka kwa Bwana, aliyezifanya mbingu na nchi. Hata usiteleze mguu wako، wala mlinzi wako hasinzi. Tazama، mlinzi wa Israeli halosinzia wala halali. Bwana atakulinda. Bwana ni uvuli wako mkono wa kuume، jua halitakupiga mchana، wala mwezi usiku. Bwana atakulinda na uovu wote. Atailinda nafsi yako. Bwana atakulinda utokapo na uingiapo، tangu sasa na hata milele. Haleluya.

ZABURI 121

Nalifurahi waliponiambia، Twendeni nyumbani kwa Bwana. Miguu yetu imesimama ndani ya malango yako، Ee Yerusalemu، Yerusalemu uliyojengwa kama mji ulioungana pamoja. Maana humo hupanda kabila، makabila ya Bwana، ushuhuda kwa Israeli، wamlidai shukrani jina la Bwana. Maana huko zimewekwa viti vya hukumu، viti vya enzi vya nyumba ya Daudi.

Ombeni amani ya Yerusalemu، na ustawi kwa wakupendao. Amani na iwe ndani ya maboma yako، na ustawi ndani ya majumba yako yenye nguvu. Kwa ajili ya ndugu zangu na jirani zangu nitasema، Amani na iwe nawe. Kwa ajili ya nyumba ya Bwana Mungu wetu nitatafuta mema yako. Haleluya.

ZABURI 122

Nakwinulia macho yangu, Ee ukaaaye mbinguni. Tazama, kama macho ya watumishi yalivyo kwa mikono ya mabwana wao, na kama macho ya mjakazi yalivyo kwa mikono ya bibi yake, vivyo hivyo macho yetu humwelekea Bwana Mungu wetu hata atakapoturehemu. Utuhurumie, Ee Bwana, utuhurumie, kwa sababu tumeshiba sana dharau; nafsi zetu zimeshiba mzaha wa wanyuaji na dharau ya wenye kiburi. Haleluya.

ZABURI 123

Lau si Bwana aliyekuwa pamoja nasi — na aseme sasa Israeli — lau si Bwana aliyekuwa pamoja nasi hapo watu walipotuinukia, wangatumeza hai wakati ghadhabu yao ilipowaka juu yetu. Ndipo maji yangalitufunika, na nafsi yetu ingepita katika mkondo; naam, nafsi yetu ingepita juu ya maji yasiyo na kifani. Abarikiwe Bwana, ambaye hakututia kuwa mawindo kwa meno yao. Nafsi yetu imeokoka kama ndege katika mtego wa wawindaji; mtego umevunjika, nasi tumeokoka; msaada wetu u katika jina la Bwana, aliyezifanya mbingu na nchi. Haleluya.

ZABURI 124

Waaminio Bwana ni kama mlima Sayuni, hautikisiki hata milele, akaaye Yerusalemu. Milima imeuzunguka, na Bwana amewazunguka watu wake tangu sasa na hata milele. Bwana hataacha fimbo ya waovu ikae juu ya fungu la wenye haki, ili wenye haki wasije wakanyosha mikono yao kutenda uovu.

Watendee wema, Ee Bwana, wema, na wenye miyo iliyo nyoofu. Bali wao waelekeao kwenye maovu, Bwana atawatoa pamoja na watenda maovu. Amani na iwe juu ya Israeli. Haleluya.

ZABURI 125

Bwana alipoirudisha mateka wa Sayuni tulikuwa kama waota ndoto. Ndipo kinywa chetu kilijazwa kicheko, na ulimi wetu kelele za shangwe. Ndipo miongoni mwa mataifa walisema, Bwana ametenda makuu kwao. Bwana ametutendea makuu, nasi tumefurahi. Uturejezee, Ee Bwana, mateka wetu kama vijito vya kusini. Wapandao kwa machozi, watavuna kwa kelele za shangwe. Kwa kuenda walienda wakilia, wakibeba mbegu zake; atarejea kwa shangwe, akibeba miganda yake. Haleluya.

ZABURI 126

Kama Bwana hakujenga nyumba, wajenga bure hufanya kazi yao; na kama Bwana hakulinda mji, walinzi huamka bure. Bure kwenu kuamka mapema; inukeni baada ya kukaa, enyi mlanao mkate kwa taabu; maana humpa mpendwa wake usingizi.

Wana ni urithi wa Bwana, thawabu ya tumbo la uzazi. Kama mishale mkononi mwa shujaa, ndivyo walivyo wana wa ujana. Heri mtu aliyejaza fuko lake la mishale kwao; hawataaibika, watakaposema na adui langoni. Haleluya.

ZABURI 127

Heri kila amchaye Bwana, aendaye katika njia zake. Utakula mazao ya kazi ya mikono yako; utakuwa heri, na mema yatakuwa yako. Mkeo atakuwa kama mzabibu uzaao sana kandokando ya nyumba yako; wanao kama miche ya mizeituni, kuzunguka meza yako. Tazama, ndivyo atakavyobarikiwa mtu amchaye Bwana. Bwana na akubariki kutoka Sayuni, nawe uyatazame mema ya Yerusalemu siku zote za maisha yako; ukaone wana wa wanao. Amani na iwe juu ya Israeli. Haleluya.

ZABURI 128

Mara nyingi wamenitesa tangu ujana wangu — liseme sasa Israeli — mara nyingi wamenipiga tangu ujana wangu, wala hawakushinda juu yangu. Wenye uovu walipiga mgongo wangu, wakautengeneza mikwaruzo mirefu. Bwana ni mwenye haki, amekata pingu za waovu. Na waaibike warudi nyuma wote wanaochukia Sayuni; na wawe kama manyasi ya juu ya nyumba, yakaukayo kabla hayajakatwa, ambayo mvunaji haijazi mkono wake, wala akusanyaye maganda kitovu chake. Wapitao wasiseme, Baraka ya Bwana iwe juu yenu; twakubariki kwa jina la Bwana. Haleluya.

(Injili ya Luka 4:38-41) Akatoka katika sinagogi, akaingia katika nyumba ya Simoni. Naye mama mkwe wa Simoni alikuwa na homa kuu; wakamwomba kwa ajili yake. Akasimama juu yake, akaikemea ile homa, ikamwacha; akaondoka mara, akawahudumia. Na jua lilipokuchwa, wote waliokuwa na wagonjwa kwa maradhi ya namna nyingi wakawaleta kwake; naye akaweka mikono yake juu ya kila mmoja wao, akawaponya. Pepo wachafu wakawatoka wengi, wakiita na kusema, Wewe ndiwe Kristo, Mwana wa Mungu. Naye akawakemea, hakuwaacha waseme, kwa kuwa walijua ya kwamba yeye ndiye Kristo. (Na utukufu uwe kwa Mungu daima)

INJILI TAKATIFU KULINGANA NA MT. LUKA (SURA 4:38-41)

Yesu alitoka katika lile sunagogi, akaenda nyumbani kwa Simoni. Mama mmoja, mkwewe Simoni, alikuwa na homa kali; wakamwomba amponye.

Yesu akaenda akasimama karibu naye, akaikemea ile homa, nayo ikamwacha. Mara yule mama akainuka, akawatumikia.

Jua lilipokuwa linatua, wote waliokuwa na wagonjwa wao mbalimbali waliwaleta kwake; naye akaweka mikono yake juu ya kila mmoja wao, akawaponya wote.

Pepo waliwatoka watu wengi, wakapiga kelele wakisema: "Wewe u Mwana wa Mungu!" Lakini Yesu akawakemea, wala hakuwaruhusu kusema, maana walimfahamu kwamba yeye ndiye Kristo.

Tenoo oasht emmok o piekhristos nem pekyot en aghathos nem pi epnevma ethowab je akee ak soati emmon nai nan

Tunakusujudu, Ee Kristo, pamoja na Baba yako Mwema na Roho Mtakatifu, kwa kuwa umekuja na umetuoakoa.

1. Ikiwa mwenye haki anaokolewa kwa shida, mimi mwenye dhambi nitaonekana wapi? Mzigo na joto la siku sikuyavumilia kwa sababu ya udhaifu wa utu wangu. Lakini, Ee Mungu mwenye rehema, ni hesabuni pamoja na wafanyakazi wa saa ya kumi na moja. Kwa maana, tazama, katika uovu niliumbwa, na katika dhambi alinichukua mimba mama yangu. Kwa hiyo, sistahili kuinua macho yangu mbinguni; bali najiegemeza kwenye wingi wa rehema zako na upendo wako kwa wanadamu, nikilia nikisema, “Mungu, nisamehe mimi mwenye dhambi, na unihurumie.”

Doxa Patri ke Eioa ke Agio Pnevmati

Utukufu kwa Baba, na Mwana, na Roho Mtakatifu.

2. Fanya haraka, Ee Mwokozi, kunifungulia vifua vya kibaba, kwa kuwa nimepoteza maisha yangu katika anasa na tamaa, na siku imenipita na kutoweka. Kwa hiyo sasa najiegemeza kwenye wingi wa huruma zako zisizo na mwisho. Basi usiache moyo ulionyenyekea unaohitaji rehema zako. Kwa maana kwako nalilia, Ee Bwana, kwa unyenyekevu, “Baba, nimetenda dhambi juu ya mbingu na mbele zako, wala sistahili tena kuitwa mwana wako; nifanye mmoja wa watumishi wako wa kuajiriwa.”

Ke nin ke a ee ke ees toos e onas toan e oa noan ameen.

Sasa na milele na hata milele ya milele, Amina.

3. Kila uovu niliutenda kwa ujanja na bidii, na kila dhambi niliifanya kwa shauku na juhudi, nami nastahili mateso na hukumu yote. Hivyo basi, unitayarishie njia za toba, Ee Bibi Bikira; kwako ninakimbilia, na kwa njia yako natafuta maombezi, nawe ninakuita unisaidie, nisije nikaona aibu. Na roho yangu itakapotoka mwilini, nihudhurie, ushinde njama za maadui, na ufunge milango ya Kuzimu, wasije wakaimeza roho yangu, Ee wewe, bibi-arusi asiye na lawama wa Bwana Arusi wa kweli.

Kisha mwabudu asali:

Bwana, utusikie, utuhurumie, na utusamehe dhambi zetu. Amina.

(Bwana utuhurumie) mara 41

Ondoleo

Tunakushukuru, Ee Mfalme wetu mwenye rehema, kwa kuwa Umetupa neema ya kuuvuka siku hii kwa amani, na umetuletea jioni tukiwa wenye shukrani, na umetufanya tuwe waastahili kuuona mwanga wa jioni. Ee Mungu, yakubali kusifu kwetu kulikofanyika sasa; na utuokoe na hila za mpinzani, na uibatilize mitego yake yote aliyoitanda dhidi yetu. Utujalie katika usiku ujao kupata salama bila maumivu, bila wasiwasi, bila taabu, bila maono mabaya; tupite nao pia kwa amani na usafi, na tuinuke kwa nyakati za kusifu na sala kila wakati na kila mahali, tukilitukuza Jina Lako takatifu katika yote, pamoja na Baba asiyeshikika wala asiye na mwanzo, na Roho Mtakatifu Mwenye kuhuisha, anaye Kulingana Nawe, sasa na sikuzote na hata enzi za enzi. Amina.

Litania isomwayo mwishoni mwa kila saa

Utuhurumie, Ee Mungu, kisha utuhurumie. Wewe uliye katika kila wakati na kila saa, mbinguni na duniani, unasujudiwa na kutukuzwa, Kristo Mungu wetu Mwema, mwepesi wa hasira, mwingi wa rehema, mwingi wa huruma, awapendaye wenye haki na kuwaonea huruma wenye dhambi, ambaye wa kwanza wao ni mimi; asiye taka mauti ya mwenye dhambi, bali aangamieje, apate kugeuka na kuishi; anayewaita wote katika wokovu kwa ajili ya ahadi ya mema yanayotarajiwa.

Ee Bwana, yakubali kutoka kwetu katika saa hii na kila saa maombi yetu; yafanye maisha yetu kuwa mepesi; utuongoze kutenda amri Zako; utakase roho zetu; usafishe miili yetu; uinue mawazo yetu; usafishe nia zetu; uponye magonjwa yetu na usamehe dhambi zetu; na utuopoe na kila huzuni mbaya na maumivu ya moyo. Utuzingire kwa malaika Wako watakatifu, ili tukiwa katika kambi yao tuhifadhiwe na kuongozwa, tupate kufika katika umoja wa imani na katika ufahamu wa utukufu Wako usiogusika na usio na mipaka; kwa kuwa Umebarikiwa hata milele. Amina.

Ee Mungu, utufanye tuwe waastahili kusema kwa shukrani: Baba yetu uliye mbinguni...