TSK · Isaiah 9:17

Waa làngu yéefar yi duñu am kuutaay, te xaymay lekk-kati ger yi la sawara di xoyom.

Wóoy wii xeetu moykat, wii askan wu diisu ñaawtéef, mii njurum defkati mbon, yii doomi yàqute! Ñoo wacc Aji Sax ji, ñoo teddadil Aji Sell ju Israyil, dëddu ko.

Moo tax merum Aji Sax ji tàkkal ñoñam, mu xàcci loxoom, duma leen, ba tund yi jaayu, seeni néew wetar ni mbalit fi mbedd yi. Loolu yépp taxul mu meddi, loxoom baa ngi mu xàcci ba tey.

Xanaa ànd ak ña ñu jàpp, ne yogg; mbaa tëddandook ña ñu bóom, ne lareet. Teewul Aji Sax ji xàcci loxoom, meddiwul ba tey.

Seeni fitt lañuy rajaxee xalelu góor, duñu ñeewante gone, duñu xool tuut-tànk gëti yërmande.

Ab dof, waxi dof lay wax, xel ma di nas ñaawtéef, mu nar jëf ju teddadi. Lu ñaaw lay wax, jëme ci Aji Sax ji, di xiifal ku xiif, di xañ ku mar lu mu naan.

Xeet yeey sànku ni doj yu lakk ba doon kew, mbaa taxas yu ñu buub, sànni ci sawara, mu tàkk.

Maay bége Yerusalem, bànneexoo sama ñoñ. Deesu fi déggati ay jooy, mbaa coowal njàqare.

Kon nag bàyyil seeni doom ñu xiif ba dee, jañax leen ci ñawkay saamar, seeni jabar suul doom, suul jëkkër, seeni góor loroo mbas, seeni waxambaane daanoo xare.

Ngor a jeex ci réew mi, njub tumurànke ci nit ñi. Ñépp, ku ñu tuur deretam lañuy tëru, ku nekk, mbokkam lay fiir.