TSK · 1 Chronicles 29:15

En Abraham het baie dae as vreemdeling in die land van die Filistyne vertoef.

En Jakob het Farao geantwoord: Die dae van die jare van my vreemdelingskap is honderd en dertig jaar. Min in getal en vol teëspoed was die dae van my lewensjare, en hulle het nie gehaal by die dae van die lewensjare van my vaders gedurende die dae van hulle vreemdelingskap nie.

(want ons is van gister en weet niks nie, omdat ons dae 'n skaduwee op die aarde is;)

Maar 'n man sterwe en is magteloos; ja, 'n mens blaas die asem uit en--waar is hy?

Hoor, HERE, my gebed, en luister na my hulpgeroep; swyg nie by my trane nie; want ek is 'n vreemdeling by U, 'n bywoner soos al my vaders.

vanweë u grimmigheid en u toorn; want U het my opgehef en my weggewerp.

Die mens is soos die nietigheid; sy dae is soos 'n vlugtige skaduwee.

'n Stem sê: Roep! En hy vra: Wat moet ek roep? Alle vlees is gras, en al sy aanvalligheid soos 'n blom van die veld.

julle wat nie eens weet wat môre sal gebeur nie. Want hoedanig is julle lewe? Dit is tog maar 'n damp wat vir 'n kort tydjie verskyn en daarna verdwyn.