TSK · Deuteronomy 6:24

Julle daarenteen wat die HERE julle God aangehang het, is vandag nog almal in die lewe.

Al die gebooie wat ek jou vandag beveel, moet julle sorgvuldig hou, dat julle mag lewe en vermenigvuldig, en dat julle mag inkom en die land in besit neem wat die HERE aan julle vaders met 'n eed beloof het.

En nou, Israel, wat eis die HERE jou God van jou as net om die HERE jou God te vrees, in al sy weë te wandel en Hom lief te hê en die HERE jou God te dien met jou hele hart en met jou hele siel,

Welgeluksalig is hy wat ag gee op die arme; die HERE sal hom red in die dag van onheil.

wat aan ons siel die lewe gee en nie toelaat dat ons voet wankel nie.

Die loon van nederigheid is die vrees van die HERE, is rykdom en eer en die lewe.

En Ek sal hulle een hart en een weg gee om My altyd te vrees, hulle ten goede en hulle kinders ná hulle.

Watter vrug dan het julle toe gehad van die dinge waaroor julle jul nou skaam? Want die uiteinde daarvan is die dood.