TSK · שְׁמֹות 5:2

ואני ידעתי כי לא יתן אתכם מלך מצרים להלך ולא ביד חזקה׃

ויען נבל את עבדי דוד ויאמר מי דוד ומי בן ישי היום רבו עבדים המתפרצים איש מפני אדניו׃

ועתה אל ישיא אתכם חזקיהו ואל יסית אתכם כזאת ואל תאמינו לו כי לא יוכל כל אלוה כל גוי וממלכה להציל עמו מידי ומיד אבותי אף כי אלהיכם לא יצילו אתכם מידי׃

כי נטה אל אל ידו ואל שדי יתגבר׃

מה שדי כי נעבדנו ומה נועיל כי נפגע בו׃

אשר אמרו ללשננו נגביר שפתינו אתנו מי אדון לנו׃

¶ למנצח לדוד אמר נבל בלבו אין אלהים השחיתו התעיבו עלילה אין עשה טוב׃

הדבר אשר דברת אלינו בשם יהוה איננו שמעים אליך׃

וכאשר מאסו להשיג האלהים בדעת נתנם האלהים בידי דעה נמאסה לעשות את אשר לא יתכן׃