TSK · יְשַׁעְיָהוּ 13:18

ויאמר חזאל מדוע אדני בכה ויאמר כי ידעתי את אשר תעשה לבני ישראל רעה מבצריהם תשלח באש ובחריהם בחרב תהרג ועלליהם תרטש והרתיהם תבקע׃

ועלליהם ירטשו לעיניהם ישסו בתיהם ונשיהם תשגלנה׃

וגם אני לא תחוס עיני ולא אחמל דרכם בראשם נתתי׃

תאשם שמרון כי מרתה באלהיה בחרב יפלו עלליהם ירטשו והריותיו יבקעו׃

גם היא לגלה הלכה בשבי גם עלליה ירטשו בראש כל חוצות ועל נכבדיה ידו גורל וכל גדוליה רתקו בזקים׃