TSK · מִשְׁלֵי 27:20

ערום שאול נגדו ואין כסות לאבדון׃

התעוף עיניך בו ואיננו כי עשה יעשה לו כנפים כנשר ועיף השמים׃

שאול ועצר רחם ארץ לא שבעה מים ואש לא אמרה הון׃

וכל אשר שאלו עיני לא אצלתי מהם לא מנעתי את לבי מכל שמחה כי לבי שמח מכל עמלי וזה היה חלקי מכל עמלי׃

אהב כסף לא ישבע כסף ומי אהב בהמון לא תבואה גם זה הבל׃

לכן הרחיבה שאול נפשה ופערה פיה לבלי חק וירד הדרה והמונה ושאונה ועלז בה׃

ואף כי היין בוגד גבר יהיר ולא ינוה אשר הרחיב כשאול נפשו והוא כמות ולא ישבע ויאסף אליו כל הגוים ויקבץ אליו כל העמים׃