TSK · Isaiah 20:4

Maay teg Misra ci loxol sang bu néeg, buur bu dëgër xol jiite ko. Kàddug Boroom bee, Aji Sax ji ci gàngoor yi.

Waa Misra, niti neen, duñu Yàlla; seeni fas it, suuxu neen, duñu leneen. Aji Sax jeey xàcci loxoom, kiy walloo mooy tërëf, ki ñuy wallu daanu, ñoom ñépp bokk sànku.

Soo nee ci sam xel: «Lu tax lii dal ma?» xamal ne sa ñaawtéef gu réy a waral ñu ñori la, saaysaaye la.

Yaw mi dëkke Misra mu taaru mi, ëmbal sa ëmb, jëm ngàllo; Memfis dëkk bii kat ci gental la jëm, di ndànd-foyfoy lu kenn dëkkul.

Bu ma dogee sidditi Misra, ba doole ja muy sago ŋiis, jant dootu fenkal Tapanes, aw xiin ay sàng dëkk bi, te dëkk-dëkkaanam ya, njaam lañu jëm.

Teewul ngàllo la dem, cig njaam; ay goneem, ñu falaxe leen ci mboolem selebe yoon; ay kàngamam, ñu tegoo bant; kilifaam yépp, ñu jéng leen.