TSK · Isaiah 56:8

Nguur gi du jóge ci loxol Yuda, te yetu buur ay wéye sampe ciy tànkam, li feek boroom di ñëw, ba xeet yi déggal ko.

Waxleen lii, yeen ñi Aji Sax ji jot, jote leen ci loxol bañ,

Bésub keroog Boroom bi jooti loxoom ñaareel bi yoon, ngir jotaat ndesu ñoñam, wa des Asiri ak Misra, ak Pattros ak réewum Kuus, ak Elam ak Sineyaar, ak Amat ak biir duni géej ya.

Maa naa bëj-gànnaar: “Ësi!” ne bëj-saalum: “Bul téye!” Jëleel sama doom yu góor fu sore, délloosi, te jëleji sama doom yu jigéen fa cati àddina.

Ñu ngiy bawoo fu sore, ñu ngii bawoo bëj-gànnaar ak sowu, ñee bawoo diiwaanu Sinim ca bëj-saalum.»

Mu ne: «Maa la wacc diir bu gàtt, dellu la jël ci yërmande ju yaa.

«Man maa xam seeni jëf ak seeni xalaat. Bés bii taxaw lees di dajale xeetoo xeet aki làkk, ñu dikk ba niir samag leer.

«Yeen xeet yi, dégluleen kàddug Aji Sax ji, yégleleen ko ca tefes yu sore ya. Ne leen: “Ki tasaare woon Israyil, moo leen di dajale, sàmm leen ni sàmm ak géttam.”

Bésub keroog, kàddug Aji Sax jee, «Naa jëli kuy soox, booleek ku ñu toxaloon, te ma mbugaloon leen.

Maay waliis, dajale leen, nde maa leen di jot, ñu bareeti na ñu baree woon.

¶ Ndaxte moom mooy sunu jàmm, moom mi boole ñaar, Yawut bi ak jaambur bi dul Yawut, def leen kenn. Ci suuxu yaramam wa ñu daaj la ñàggee ñagu mbañeel bi doxoon sunu diggante.