TSK · שְׁמֹות 14:21

ואתה הרם את מטך ונטה את ידך על הים ובקעהו ויבאו בני ישראל בתוך הים ביבשה׃

כי שמענו את אשר הוביש יהוה את מי ים סוף מפניכם בצאתכם ממצרים ואשר עשיתם לשני מלכי האמרי אשר בעבר הירדן לסיחן ולעוג אשר החרמתם אותם׃

אשר הוביש יהוה אלהיכם את מי הירדן מפניכם עד עברכם כאשר עשה יהוה אלהיכם לים סוף אשר הוביש מפנינו עד עברנו׃

בכחו רגע הים ובתובנתו מחץ רהב׃

הפך ים ליבשה בנהר יעברו ברגל שם נשמחה בו׃

בקע ים ויעבירם ויצב מים כמו נד׃

הים ראה וינס הירדן יסב לאחור׃

אש וברד שלג וקיטור רוח סערה עשה דברו׃

הלוא את היא המחרבת ים מי תהום רבה השמה מעמקי ים דרך לעבר גאולים׃

מוליך לימין משה זרוע תפארתו בוקע מים מפניהם לעשות לו שם עולם׃