TSK · Hosea 2:18

Doji àll bi sax, kóllëreg jàmm ngay séq ak ñoom, te ndundati àll bi dañuy jàmmook yaw,

Dikkleen gis jaloorey Aji Sax ji, ak yàqute gi mu dogal ci kaw suuf.

Mooy àtte diggante xeet yi, mooy dogalal ay askani askan, ñu tëgg seeni saamar ay illéer, def seeni xeej ay sàrt; aw xeet dootu xàccil moroom ma saamar, te dootuñu jàngati xare.

Bésub keroog booba, kuy daŋŋiiral, detteelu, sagub nit sàggiku, Aji Sax ji doŋŋ mooy jagoo kawe.

Bésub keroog dees na woy wii woy fi réewum Yuda: «Dëkk bu dëgër lanu am, Yàllaa nu may kaarangey tata, biir ak biti!

Bukki ak mboteey bokk di for, gaynde niw nag, di for um ñax, jaan di dunde pënd. Deesatul gaañe mbaa di lore, fi mboolem sama kaw tund wu sell wi.» Aji Sax jee ko wax.

Waaye yaw Yanqóoba sama jaam, bul tiit,» kàddug Aji Sax jee; «yaw Israyil, bul ragal. Fu sore laa lay wallujee, yaak sa askan wa ca réewum njaam ga, Yanqóoba dellu dal, fegu; kenn dootu ko tiital.

Maay fas ak ñoom kóllëreg jàmm, maay far ci réew mi wépp rab wu aay. Su boobaa ñu dëkke màndiŋ mi ci xel mu dal, di fore bët biir gott bi.

Mooy àtte diggante xeet yu bare, mooy dogalal askan yu am doole te sore, ñu tëgg seeni saamar ay illéer, def seeni xeej ay sàrt. Aw xeet dootu xàccil moroom ma saamar, te dootuñu jàngati xare.

«Bésub keroog,» kàddug Aji Sax jee, Boroom gàngoor yi, «ku nekk ci yeen ay woo moroom ma ci ker garabu reseñam, ak ker garabu figgam.»

Bésub keroog, kaw tundu Oliw ya la tànkam yay sampe, fa janook Yerusalem, ca penku, tundu Oliw ya xar ca digg ba, penku ba sowu, def xur wu yaa, genn-wàllu tund wa randu, jëm bëj-gànnaar; genn-wàll ga jëm bëj-saalum.