TSK
Treasury of Scripture Knowledge references in KYG.
Ñu jël yëkk wa mu leen jox, defar ko. Ñuy yuuxu, di woo Baal suba ba digg bëccëg, naan: «Baal, wuyu nu!» Waaye kenn àdduwul, kenn wuyuwul. Ña ngay ciŋiñ-caŋañi, di wër sarxalukaay ba ñu defar.
Su bés baa njebbitum Aji Sax ji doon lu yànj, darajawu, meññeefum réew mi di teraanga, dib sag, ñeel ñi dese bakkan fi Israyil.
«Waxleen seenu lay,» la Aji Sax ji wax, «Biral-leen seeni firnde,» la buuru Yanqóoba boobu wax.
Na xeet yépp daje, askan yépp teewandoo. Ana ku nu ci yégaloon lii xew, mbaa mu xamal nu la wees? Na seen seede teew, dëggal leen; ba ñu dégg leen, ne noonu la.
Sàkk sam tuur, móol sa jëmmu tuur, te jariñu la tus!
Ñii xamuñu, xàmmeewuñu, seeni gët lañu lëndëmal, ba gisatuñu; fatt seenum xel, ba xelootuñu.
Ñii déy a yullee wurus ci mbuus, sàkk xaalis, natt diisaay ba, fey tëgg bu leen ci tëggal am tuur mu ñuy sukkal ak a sujjóotal,
Moo tax ma yàgg leena biralal lii, yégal leen ko balaa teew. Lu ko moy ngeen ne: «Sunu tuur mee ko def, sunu tuuru bant bee, sunu tuuru weñ gee ko amal di!»
ñoom ñii naa bii bant: “Yaay sunu baay,” naan wee doj: “Yaa nu sukk, jur.” Wonuñu ma kanam, xanaa gannaaw, te bu leen musiba dikkalee, ñu naa: “Wallu nu boog!”
Ñoom ñépp a bokk dofe, ñàkk bopp: xam-xamu kasara, bant kese!
¶ Aji Sax ji Yàllay Israyil déy da maa wax ne ma: «Am kaasu biiñ bii ci sama loxo, di misaal kaasu mbugal, te nga nàndal ci mboolem xeet yi ma lay yebal,
«Du tee fan yu mujj ya, ma tijji wërsëgu Mowab.» Kàddug Aji Sax jee. Fii la àtteb Mowab yem.
«Yeen gan ñi, génnleen Babilon, ku ne rawaleji sa bakkan. Buleen ñaawtéefu jaambur sànkaale; lii àppu mbugal la bu Aji Sax ji matal; seen añ la, bu mu leen añale.
«Ana luy njariñal yett jëmmu xërëm ju ki ko sàkk yett, mbaa jëmmu xërëm ju ñu xelli, di ci gëmloo nit ay fen? Sàkk sa yëfi bopp, wóolu ko, xërëm yoo móol te manula wax!
Jant yooyu amuleen woon benn cér ci Almasi, te amuleen woon jenn yelleef ci mbootaayu bànni Israyil. Bokkuleen woon ci kóllëre yi ëmb digeb Yàlla, te mu fasoo ko ak ñoom. Ñàkk yaakaar, ak ñàkka xam Yàlla ngeen nekke woon ci àddina.
Kaasu biiñu sànj, bi sababoo ci moyam, moom la askani àddina yépp di naan. Moom la buuri àddina àndal di moy, te doyloodig bakkanam gu réy woomal na julay àddina.»