TSK
Treasury of Scripture Knowledge references in KYG.
¶ Ba mu ko defee Musaa tàllal yetam, mu tiim réewum Misra, Aji Sax ji yékkati ngelaw ca réew ma, mu jóge penku, yendoo gelaw, fanaanoo ko. Bët set, ngelawal penku la indi njéeréer ya.
Njéeréer ya daa muur suuf sa sépp, ba giseesu ko. Suuf sa ñuul kukk. Njéeréer ya lekk lépp luy gàncax mbaa meññeefi garab gu tawub yuur ba jotuloona yàq, ba lenn lu naat desatul, du xobi garab, du gàncax, ca mboolem réewum Misra.
Ndesu soccet yi la njéeréer yi lekk, ndesu njéeréer yi, seenu tostan lekk, seen ndesu tostan, salleer yi lekk.
Niy jàmbaar lañuy songe, ni ñeyi xare lañuy yéege am tata. Ku nekk ay jubalu yoonam, kenn wàccul aw ñallam.
«Sama mbooloom xare mu réy, mi ma yebaloon fi seen biir, te ñuy njéeréer yeek seen tostan, ak salleer yeek soccet yi, maa leen di delloo ati mbey yi ñu leen lekkal.