TSK
Treasury of Scripture Knowledge references in Afrikaans.
En die hele berg Sinai het gerook, omdat die HERE in 'n vuur daarop neergedaal het. En sy rook het opgetrek soos die rook van 'n oond, en die hele berg het vreeslik gebewe.
Toe het die aarde geskud en gebewe, die fondamente van die hemel het gesidder en geskud, omdat Hy toornig was.
Die pilare van die hemel wankel en staan verstom weens sy dreiging.
Die stem van die HERE breek seders; ja, die HERE verbreek die seders van die Líbanon;
o God, toe U uitgetrek het voor u volk, toe U voortgestap het in die wildernis, Sela,
Laat die see bruis en sy volheid, die wêreld en die wat daarin woon.
Die berge het rondgespring soos ramme, die heuwels soos lammers.
Want 'n dag is daar vir die HERE van die leërskare oor al wat trots en hoog is, en oor al wat verhewe is, sodat dit verneder kan word;
Ek het na die berge gekyk, en hulle het gebewe, en al die heuwels het geskud.
sodat van my aangesig af weg sal bewe die visse van die see en die voëls van die hemel en die wilde diere van die veld en al die gedierte wat op die grond kruip, en al die mense wat op die aarde is; en die berge sal omvergegooi word en die kranse inmekaarstort en al die mure op die aarde val.
En die berge smelt onder Hom, en die laagtes skeur oop, soos was voor die vuur, soos water wat langs 'n helling afstroom!
En kyk, die voorhangsel van die tempel het in twee geskeur, van bo tot onder, en die aarde het gebewe en die rotse het geskeur;
Maar die teenswoordige hemele en die aarde is deur dieselfde woord as 'n skat weggelê en word vir die vuur bewaar teen die dag van die oordeel en die verderf van die goddelose mense.