TSK · Proverbs 14:29

Maar die man Moses was baie sagmoedig, meer as al die mense op die aardbodem.

Wie kortgebonde is, begaan sotheid; en 'n slinkse man word gehaat.

Die lankmoedige is beter as 'n held; en hy wat sy gees beheers, as een wat 'n stad inneem.

Verkeer nie met 'n driftige man nie, en met 'n opvlieënde man moet jy nie omgaan nie,

'n Afgebreekte stad sonder muur, so is 'n man wat sy gees nie kan inhou nie.

Wees nie haastig in jou gees om jou te vererg nie, want ergernis rus in die boesem van die dwase.

Toe het Nebukadnésar baie woedend geword en sy gelaatstrekke het verander teenoor Sadrag, Mesag en Abednégo; as antwoord het hy bevel gegee om die oond sewe maal warmer te maak as wat eintlik nodig was.

Neem my juk op julle en leer van My, want Ek is sagmoedig en nederig van hart, en julle sal rus vind vir julle siele;

So dan, my geliefde broeders, elke mens moet gou wees om te hoor, stadig om te praat, stadig om toornig te word.