TSK · 2 דִּבְרֵי הַיָּמִים 7:10

¶ וישמע יתרו כהן מדין חתן משה את כל אשר עשה אלהים למשה ולישראל עמו כי הוציא יהוה את ישראל ממצרים׃

ושמחתם לפני יהוה אלהיכם אתם ובניכם ובנתיכם ועבדיכם ואמהתיכם והלוי אשר בשעריכם כי אין לו חלק ונחלה אתכם׃

ושמחת לפני יהוה אלהיך אתה ובנך ובתך ועבדך ואמתך והלוי אשר בשעריך והגר והיתום והאלמנה אשר בקרבך במקום אשר יבחר יהוה אלהיך לשכן שמו שם׃

ביום השמיני שלח את העם ויברכו את המלך וילכו לאהליהם שמחים וטובי לב על כל הטובה אשר עשה יהוה לדוד עבדו ולישראל עמו׃

וישמח יחזקיהו וכל העם על ההכין האלהים לעם כי בפתאם היה הדבר׃

ויאמר להם לכו אכלו משמנים ושתו ממתקים ושלחו מנות לאין נכון לו כי קדוש היום לאדנינו ואל תעצבו כי חדות יהוה היא מעזכם׃

כי שמחתני יהוה בפעלך במעשי ידיך ארנן׃

התהללו בשם קדשו ישמח לב מבקשי יהוה׃

ויום יום היו שקדים במקדש לב אחד ויבצעו את הלחם בבית בבית׃

שמחו באדנינו בכל עת ועוד הפעם אמר אני שמחו׃