TSK · Isaiah 45:21

Éy Yàlla, ba may ndaw, nga ma xamal say kéemaan, te ba tey jii maa ngi koy biral.

Yeen waa dun yi, xeremluleen, déglu ma; yeen askan yi, takkuwaatleen, jegesi te wax, nu bokk teew, layoo.

Ana ku yéene woon lii ca njàlbéen, ba nu xam ko? Ku ko yégle woon bu yàgg, ba nu man koo dëggal? Yéeneesu ko, yégleesu ko te déggeesul seeni kàddu.

Na xeet yépp daje, askan yépp teewandoo. Ana ku nu ci yégaloon lii xew, mbaa mu xamal nu la wees? Na seen seede teew, dëggal leen; ba ñu dégg leen, ne noonu la.

Ana ku mel ni man? Na àddu! Na biral firndeem te taajal ma la amoon ba may sos xeet wu yàgg wa, ak li dikkagul. Na ko wax!

Aji Sax ji dafa wax ne: «Muy ñaqu Misra, di koomu waa Kuus, ak waa Seba, ya ne sireet ca kaw, ñoom ñépp ay jàllsi, nga jagoo. Sa gannaaw lañuy topp, yeewe, jàllsi; sujjóotal la, di ñaan naan: “Fi yaw daal la Yàlla ne, du feneen, te tuur neen la.”»

Ci Aji Sax ji la askanu Israyil gépp yeye, bay damu.

Yàgg na maa biral lay jëkka am. Tuddoon naa ko, yégle ko, jekki jëf ko, mu sotti.

Ana kuy kii bawoo Edom, sol yére yu xonq, bawoo Boccra? Kii ak yéreem yu yànj, di daagoo dooleem ju bare? «Xanaa man mii di waxe njekk, te am dooley walloo.»

«Waxleen xeet yi, yéeneleen, woneleen misaal te yéene, waxleen lii, bañ cee làq dara. Neleen: “Dees na nangu Babilon, torxal Bel mbaa Mardug, tuur mi, tas ko, gàcceel gàllaaj yi, tas kasaray tuur yi.”

Ndaxam Aji Sax jiy boroom njekk a ngi ci biiram, te du def njubadi, jantoo jant mu fenkal ab àtteem, te du wuute fu bët sete. Ab wurujkat kay moo xamul gàcce.

Bégala bég, janq Siyoŋ mu taaru, janq Yerusalem mu taaru laa ne: Xaacul, sa buur a ngoog, jëmsi ci yaw, moo jot njekk ak mucc, te teewu koo woyof, war mbaam, cumbur doomu mbaam.

Loolu lees nu digal, li feek nu ngi séentu yaakaaru mbég ma, keroog bésu peeñum sunu màggaayu Yàlla, miy Yeesu Almasi, Musalkat bi.