TSK · Job 35:14

Bondye te mèt ap pase toupre m', mwen pa ka wè l'. Li glise kò l', li ale.

Si m' rele anmwe ansasen, pesonn p'ap reponn. Si m' mande jistis, pesonn p'ap kanpe pou defann mwen.

¶ M' ale bò solèy leve, Bondye pa la. M' ale bò solèy kouche, mwen pa wè l' tou.

Renmèt kòz ou nan men Seyè a! Mete konfyans ou nan li, l'a ede ou.

Wi, se sou Bondye ase pou m' konte. Se nan li mwen mete tout espwa mwen.

M'ap chonje tan lontan, wi, m'ap chonje lanne pase anwo yo.

Seyè a vire do l' bay moun fanmi Jakòb yo. Men, mwen menm m'ap konte sou li, m'ap mete tout espwa m' nan li.

¶ Nou tout ki gen krentif pou Seyè a, nou tout k'ap koute pawòl sèvitè li a, nou wè jan chemen m'ap swiv la fè nwa san yon ti limyè ladan l'. Se pou nou met konfyans nou nan Seyè a. Apiye sou Bondye nou an!

Bondye Sèl Mèt, ou pran ka m' an konsiderasyon. Ou sove lavi m'.

Se pou nou sipòte kòlè Seyè a paske nou fè peche kont Seyè a. Men bout pou bout, l'a pran defans nou, l'a rann nou jistis. L'ap mennen nou deyò nan limyè a ankò, n'a viv pou nou wè jistis Bondye.