TSK
Treasury of Scripture Knowledge references in KYG.
Esra ne leen: «Ayca demleen lekk lu gëna duuf, naan lu neexa neex te sédd ci ñi amul lu ñu togg; ndax bésub tey bés bu sell la ñeel sunu Boroom. Kon buleen ci naqarlu kat, ndax bége Aji Sax ji mooy seen doole!»
Éy Aji Sax ji, won nu sa ngor, baaxe nu sag wall.
Neleen aji jub ji mooy baaxle, mooy yooloo añam.
Ku yoqi, dooleel-leen ko, ku óom yay fenqe, jàppleleen ko.
Waaye maa jëkka yégal Siyoŋ ne leen: «Xool-leen, ñu ngii!» Maa indil Yerusalem ndaw lu indi xibaaru jàmm.
Ana ku ragal Aji Sax ji ci yeen, di déglu kàddug jaamam? Képp kuy doxe lëndëm te amul leeraange, na wóolu Aji Sax ji, te wéeroo Yàllaam jii.
Man ci sama bopp maa leen di dëfal. Ana lu ngeen di ragal ci nit kuy dee, doom aadama ju bokk akum ñax aw demin?
Ku màgg, ku kawe ki, ki màkkaanam sax dàkk te turam sell, daa wax ne: «Fu kawe te sell laa màkkaanoo, maa dëkk ak boroom xol bu mokk, te toroxlu, ngir leqli ku toroxlu, leqli boroom xol bu mokk.
Aji Sax jaa ngoog, yéene na lii ba ca cati àddina. Mu ne: «Waxleen Siyoŋ dëkk bu taaru bi, ne ko: “Sab jotkat a ngii di dikk! Mu ngii ànd akub yoolam, ñaqu liggéeyam jiitu ko.”
Yeen soppey Yerusalem yépp, bégandooleen ak moom, te di ko bànneexoo. Mboolem yeen ñi doon ñaawlu tiisu Yerusalem, bokkleen ak moom xolam bu sedd.
Yaw janq Siyoŋ mu taaru, sarxolleel, Éey Israyil, xaacul, yaw janq Yerusalem mu taaru, bégal, te bànneexoo xol bu sedd guyy!
Nanga yéenewaat, nga ne Aji Sax ji Boroom gàngoor yi dafa wax ne: “Samay dëkk ay walewaat ak alal, te Aji Sax ji mooy dëfalati Siyoŋ, mooy taamooti Yerusalem googu.”»
moom mi nuy dëfal ci sunu jépp njàqare, ngir noonu nu jote nun ci sunu bopp, ndëfalaay lu nu dëfaloo fa Yàlla, nu man koo dëfale ñi nekke mboolem xeeti njàqare.
Yàllaa bëggoona firndeel nu mu gëna leere ñeel ñi moom dige bi, ne ab dogalam du tebbiku mukk. Moo tax mu dogale ngiñ ab digeem.