TSK · Lamentations 2:21

Daa bàyyee ñoñam saamaru noon, ndax mere yooya séddoom.

Baatu ndaw su jagadi laa dégg, ma nga jàq, di matub taawam. Baatub Siyoŋ, dëkk bu taaru baa! Ma ngay àppaat, tàllal yoxo ya, naan: «Wóoy, ngalla man; ne yàcc ci loxol bóomkat yi!»

Ndee déy moo ñalgoo sunuy palanteer, dugg sunuy kër yu yànj, ngir fàdd gone yi ci mbedd mi, ak xale yu góor yi ci pénc yi.

Moo tax kay Aji Sax ji Boroom gàngoor yi wax ne: «Maa ngii di wàccesi mbugal fi seen kaw; seen xale yu góor fàddoo saamar, seeni doom, góor ak jigéen, deeye xiif.

Kon nag bàyyil seeni doom ñu xiif ba dee, jañax leen ci ñawkay saamar, seeni jabar suul doom, suul jëkkër, seeni góor loroo mbas, seeni waxambaane daanoo xare.

wàkke la góor ak jigéen, wàkke la mag ak ndaw, wàkke la waxambaaneek ub janq,

Aji Sax ji moo yey, kàddoom laa gàntal. Yeen, xeetoo xeet, ngalla dégluleen te xool samaw tiis. Samay ndaw yu góor ak yu jigéen, ñoo duggi ngàllo!

Aji Sax jee def la mu nammoon, moo sottal kàddoom ga mu santaane woon janti démb. Moo fàdd te yërëmul, ba may noon bége leen, te moo kaweel sa kàttanu bañ yi.

¶ «Moo tax, dogu naa ci man miy dund, kàddug Boroom bi Aji Sax jee, gannaaw yeena def seen wépp njombe ak seen jépp jëf ju siblu, di sobeel sama bérab bu sell bi, man itam, maa leen di wat nel te duma leen xool bëtu ñéeblu, duma leen ñeewante.

Duma xool bëtu ñéeblu, duma ñeewante. Say jëfin laa lay yool ak sa jëf ju siblu ji ci sa biir. Su boobaa ngeen xam ne maay Aji Sax jiy dumaa.

Ba loolu wéyee mu wax ak ña ca des, may dégg. Mu ne leen: «Toppleen ko ca biir dëkk ba te ngeen rey. Buleen xool bëti ñéeblu, buleen ñeewante.

Waxal waa kër Israyil, ne leen: “Boroom bi Aji Sax ji dafa wax ne: Maa ngii di teddadil sama bérab bu sell bii, seen sag bii ngeen di doolewoo, di seen bànneexu bët, di seen nammeelu bakkan. Seen doom yu góor ak yu jigéen ya ngeen bàyyi Yerusalem, saamar dina leen tëral.

Dootuma yërëm waa réew mi (/àddina) déy,» Kàddug Aji Sax jee! «Maa ngii di teg doom aadama yi, ku nekk ci loxol moroomam, ak ci loxol buuram, ñu not réew mi, te duma leen xettli ci seen loxo.»