TSK
Treasury of Scripture Knowledge references in Afrikaans.
En Ek sal my aangesig teen dié man rig en sal hom uitroei onder sy volk uit; want hy het van sy kinders aan Molog gegee om my heiligdom te verontreinig en my heilige Naam te ontheilig.
En Ek sal my aangesig teen julle rig, sodat julle voor jul vyande verslaan word; en julle haters sal oor julle heers, en julle sal vlug terwyl niemand julle agtervolg nie.
Nou sal my oë oop wees en my ore luister na die gebed van hierdie plek.
Die HERE is in sy heilige paleis; die troon van die HERE is in die hemel; sy oë sien, sy ooglede toets die mensekinders.
Aan U kom 'n lofsang toe, o God, in Sion, en aan U moet die gelofte betaal word.
Op elke plek is die oë van die HERE, en hulle beskou opmerksaam die slegtes en die goeies.
Die HERE is ver van die goddelose, maar die gebed van die regverdiges hoor Hy.
Neem hom en hou jou oë oor hom en doen hom geen kwaad nie; maar doen met hom soos hy jou sal sê.
Want wie verag die dag van klein dinge, terwyl daardie sewe--die oë van die HERE wat die ganse aarde deurloop--met blydskap die skietlood aanskou in die hand van Serubbábel?
Bely mekaar julle misdade en bid vir mekaar, sodat julle gesond kan word. Die vurige gebed van 'n regverdige het groot krag.