TSK · Jeremiah 10:13

En Moses het sy staf na die hemel uitgesteek, en die HERE het donder en hael gegee, en vuur het na die aarde uitgeskiet; en die HERE het hael op Egipteland laat reën.

Toe sê Elía vir Agab: Trek op, eet en drink, want hoor, die gedruis van die reën!

Want Hy trek waterdruppels af; hulle sif neer by sy mistige weer as reën

Het jy gekom by die skatkamers van die sneeu? En het jy die skatkamers van die hael gesien,

om te laat reën op 'n land waar geen mens is nie, op 'n woestyn waar niemand woon nie;

Deur die glans voor Hom het sy wolke verbygetrek, hael en gloeiende kole.

o Koninkryke van die aarde, sing tot eer van God; psalmsing tot eer van die Here! Sela.

Hy wat die dampe laat opgaan van die einde van die aarde af, bliksemstrale by die reën maak, die wind uit sy skatkamers laat uitgaan;

wat die hemel met wolke oordek, wat vir die aarde reën berei, wat op die berge gras laat uitspruit,

Is daar onder die nietige afgode van die nasies wat reën kan maak? Of kan die hemel reënbuie gee? Is U dit nie, o HERE onse God? En ons wag op U, want U doen al hierdie dinge.

Want kyk, Hy wat die berge formeer en die wind skep en aan die mens sy gedagte bekend maak, wat die dageraad duisternis maak, wat op die hoogtes van die aarde wandel, HERE, God van die leërskare, is sy Naam!