TSK · מִשְׁלֵי 29:4

וימלך דוד על כל ישראל ויהי דוד עשה משפט וצדקה לכל עמו׃

ויעש הרע בעיני יהוה לא סר מעל חטאות ירבעם בן נבט אשר החטיא את ישראל כל ימיו׃

צדק ומשפט מכון כסאך חסד ואמת יקדמו פניך׃

בי מלכים ימלכו ורוזנים יחקקו צדק׃

קסם על שפתי מלך במשפט לא ימעל פיו׃

מלך יושב על כסא דין מזרה בעיניו כל רע׃

למרבה המשרה ולשלום אין קץ על כסא דוד ועל ממלכתו להכין אתה ולסעדה במשפט ובצדקה מעתה ועד עולם קנאת יהוה צבאות תעשה זאת׃

הוי בנה ביתו בלא צדק ועליותיו בלא משפט ברעהו יעבד חנם ופעלו לא יתן לו׃

על הרע כפים להיטיב השר שאל והשפט בשלום והגדול דבר הות נפשו הוא ויעבתוה׃