TSK · Proverbs 17:14

Toe sê Abram vir Lot: Laat daar tog geen twis wees tussen my en jou, en tussen my wagters en jou wagters nie; ons is mos broers.

En die manne van Efraim is saamgeroep en het oorgetrek na Safon toe en vir Jefta gesê: Waarom het u deurgetrek om teen die kinders van Ammon te veg en óns nie geroep om saam met u te trek nie? Ons sal u huis bo u met vuur verbrand.

En dieselfde dag het die geveg buitengewoon hewig geword, maar Abner en die manne van Israel is verslaan voor die dienaars van Dawid.

en met hulle gespreek volgens die raad van die jongmanne en gesê: Het my vader julle juk swaar gemaak--ék sal daar nog byvoeg; het my vader julle met die sweep getugtig--ék sal julle met gésels tugtig.

En Amásia, die koning van Juda, het ná raadpleging gestuur na Joas, die seun van Jóahas, die seun van Jehu, die koning van Israel, om te sê: Kom, laat ons mekaar se aangesig sien.

Vermetelheid gee net getwis af; maar by die wat hulle laat raai, is wysheid.

'n Sagte antwoord keer die grimmigheid af, maar 'n krenkende woord laat die toorn opkom.

Wie twis liefhet, het oortreding lief; hy wat sy deur hoog maak, soek verbreking.

Dit is 'n eer vir 'n man om van twis weg te bly, maar elke sot breek los.

Soos kole die gloed en hout die vuur laat opvlam, so is 'n twisgierige man om 'n twis aan te hits.

Die einde van 'n saak is beter as sy begin; 'n lankmoedige is beter as 'n hoogmoedige.

En in dié dae toe die dissipels vermeerder het, het daar 'n murmurering ontstaan van die Griekssprekende Jode teen die Hebreërs, omdat hulle weduwees in die daaglikse versorging oor die hoof gesien is.

as dit moontlik is, sover as dit van julle afhang, leef in vrede met alle mense.

En die dwase en onverstandige strydvrae moet jy afwys, omdat jy weet dat dit twis verwek;