ಗಂಟೆಗಂಟೆ ಪ್ರಾರ್ಥನೆಗಳು

ಪ್ರತಿ ಗಂಟೆಯ ಮುನ್ನುಡಿ

ಪಿತೃ, ಪುತ್ರ, ಪವಿತ್ರಾತ್ಮರ ನಾಮದಲ್ಲಿ

ಏಕ ದೇವರು. ಆಮೆನ್.

ಪ್ರಭು, ಕರುಣೆ ತೋರು. ಪ್ರಭು, ಕರುಣೆ ತೋರು. ಪ್ರಭು, ಆಶೀರ್ವದಿಸು. ಆಮೆನ್.

ಪಿತೃಗೂ ಪುತ್ರನಿಗೂ ಪವಿತ್ರ ಆತ್ಮನಿಗೂ ಮಹಿಮೆಯಾಗಲಿ ಈಗಲೂ ಸದಾಕಾಲವೂ ಯುಗಯುಗಾಂತರಗಳವರೆಗೆ. ಆಮೆನ್.

ನಮ್ಮ ತಂದೆಯ ಪ್ರಾರ್ಥನೆ

ಆದದರಿಂದ ನೀವು ಈ ರೀತಿಯಲ್ಲಿ ಪ್ರಾರ್ಥನೆ ಮಾಡಿರಿ--ಪರಲೋಕದಲ್ಲಿರುವ ನಮ್ಮ ತಂದೆಯೇ, ನಿನ್ನ ನಾಮವು ಪರಿಶುದ್ಧವಾಗಿರಲಿ. ನಿನ್ನ ರಾಜ್ಯವು ಬರಲಿ.

ನಿನ್ನ ಚಿತ್ತವು ಪರಲೋಕದಲ್ಲಿ ನೆರವೇರು ವಂತೆ ಭೂಲೋಕದಲ್ಲಿಯೂ ನೆರೆವೇರಲಿ.

ನಮ್ಮ ಅನುದಿನದ ರೊಟ್ಟಿಯನ್ನು ಈ ದಿನವು ನಮಗೆ ದಯಪಾಲಿಸು.

ನಮ್ಮ ಸಾಲಗಾರರನ್ನು ನಾವು ಕ್ಷಮಿಸುವಂತೆ ನಮ್ಮ ಸಾಲಗಳನ್ನು ನಮಗೆ ಕ್ಷಮಿಸು.

ನಮ್ಮನ್ನು ಶೋಧನೆಯೊಳಗೆ ನಡಿಸದೆ ಕೇಡಿನಿಂದ ತಪ್ಪಿಸು. ಯಾಕಂದರೆ ರಾಜ್ಯವೂ ಬಲವೂ ಮಹಿಮೆಯೂ ಎಂದೆಂದಿಗೂ ನಿನ್ನವೇ. ಆಮೆನ್‌.

ಕೃತಜ್ಞತಾ ಪ್ರಾರ್ಥನೆ

ಒಳ್ಳೇದನ್ನು ಮಾಡುವ ಕರುಣಾಮಯನಾದ ದೇವರಾದ, ನಮ್ಮ ಕರ್ತനും ನಮ್ಮ ದೇವರೂ ನಮ್ಮ ರಕ್ಷಕನೂ ಆಗಿರುವ ಯೇಸು ಕ್ರಿಸ್ತನ ಪಿತೃನಾದ ದೇವರಿಗೆ ನಾವೆಲ್ಲ ಕೃತಜ್ಞತೆ ಸಲ್ಲಿಸೋಣ; ಯಾಕಂದರೆ ಆತನು ನಮ್ಮನ್ನು ಆವರೆದು ಕಾಪಾಡಿದ್ದಾನೆ, ಸಹಾಯಮಾಡಿದ್ದಾನೆ, ರಕ್ಷಿಸಿದ್ದಾನೆ, ತನ್ನ ಬಳಿಗೆ ಸ್ವೀಕರಿಸಿದ್ದಾನೆ, ದಯೆ ತೋರಿದ್ದಾನೆ, ಬಲಪಡಿಸಿದ್ದಾನೆ, ಮತ್ತು ನಮ್ಮನ್ನು ಈ ಗಂಟೆಗೆ ಕೊಂಡೊಯ್ದಿದ್ದಾನೆ. ಇಂದಿನ ಈ ಪರಿಶುದ್ಧ ದಿನದಲ್ಲಿಯೂ ಮತ್ತು ನಮ್ಮ ಜೀವನದ ಎಲ್ಲಾ ದಿನಗಳಲ್ಲಿಯೂ ನಮ್ಮನ್ನು ಸಂಪೂರ್ಣ ಶಾಂತಿಯಿಂದ ಕಾಪಾಡಬೇಕೆಂದು ಅವನನ್ನೇ ನಾವು ಬೇಡೋಣ. ಸರ್ವಶಕ್ತನಾದ ಕರ್ತನಾದ ನಮ್ಮ ದೇವರು.

ಸ್ವಾಮಿಯೇ, ದೇವರೇ, ಸರ್ವಶಕ್ತನೇ, ನಮ್ಮ ಕರ್ತನೂ ನಮ್ಮ ದೇವರೂ ನಮ್ಮ ರಕ್ಷಕನೂ ಆಗಿರುವ ಯೇಸು ಕ್ರಿಸ್ತನ ಪಿತೃನೇ, ಎಲ್ಲಾ ಸಂದರ್ಭಗಳಲ್ಲಿಯೂ, ಪ್ರತಿಯೊಂದು ಪರಿಸ್ಥಿತಿಯಲ್ಲಿಯೂ, ಮತ್ತು ಪ್ರತಿಘಳಿಗೆಯಲ್ಲಿಯೂ ನಾವು ನಿನಗೆ ಕೃತಜ್ಞತೆ ಸಲ್ಲಿಸುತ್ತೇವೆ; ಯಾಕಂದರೆ ನೀನೇ ನಮ್ಮನ್ನು ಆವರೆದು ಕಾಪಾಡಿದ್ದೆ, ಸಹಾಯಮಾಡಿದ್ದೆ, ರಕ್ಷಿಸಿದ್ದೆ, ನಮ್ಮನ್ನು ನಿನ್ನ ಬಳಿಗೆ ಸ್ವೀಕರಿಸಿದ್ದೆ, ನಮ್ಮ ಮೇಲೆ ಕರುಣೆ ತೋರಿದ್ದೆ, ಬಲವನ್ನೀಡಿದ್ದೆ, ಮತ್ತು ನಮ್ಮನ್ನು ಈ ಗಂಟೆಗೆ ಕೊಂಡೊಯ್ದಿದ್ದೆ.

ಅದಕ್ಕಾಗಿ, ಮಾನವರಿಗೆ ಪ್ರೀತಿಯುಳ್ಳವನೇ, ನಿನ್ನ ಒಳ್ಳೆಯತನದಿಂದ ನಾವು ಕೇಳಿಕೊಂಡು ಬೇಡಿಕೊಳ್ಳುತ್ತೇವೆ: ಈ ಪರಿಶುದ್ಧ ದಿನವನ್ನೂ ಮತ್ತು ನಮ್ಮ ಜೀವನದ ಎಲ್ಲಾ ದಿನಗಳನ್ನೂ ನಿನ್ನ ಭಯಭಕ್ತಿಯೊಡನೆ ಪರಿಪೂರ್ಣ ಶಾಂತಿಯಲ್ಲೇ ಪೂರ್ಣಗೊಳಿಸುವಂತಾಗುವಂತೆ ನಮಗೆ ದಯಪಾಲಿಸು. ಎಲ್ಲ ಹೇಸರ, ಎಲ್ಲ ಪ್ರಯಾಸ, ಸೈತಾನನ ಪ್ರತಿಯೊಂದು ಕ್ರಿಯೆ, ದುಷ್ಟ ಜನರ కుట್ರಿ, ಅಡಗಿದ ಮತ್ತು ಗೋಚರವಾದ ಶತ್ರುಗಳ ಏಳ್ಗೆ—ಇವುಗಳನ್ನೆಲ್ಲಾ ನಮಗಿಂತಲೂ, ನಿನ್ನ ಸಮಸ್ತ ಪ್ರಜೆಯಿಂದಲೂ, ಮತ್ತು ಈ ಪರಿಶುದ್ಧ ಸ್ಥಳದಿಂದಲೂ ದೂರಮಾಡು. ಆದರೆ ಒಳ್ಳೆಯದೂ ಉಪಯುಕ್ತವೂ ಆಗಿರುವುದನ್ನು ನಮಗೆ ಅನುದಾನಿಸು. ಯಾಕಂದರೆ ನೀನೇ ನಮಗೆ ಸರ್ಪಗಳನ್ನೂ ವಿಷವಿರುಳುಗಳನ್ನೂ ಹಾಗು ಶತ್ರುವಿನ ಸರ್ವಶಕ್ತಿಯನ್ನೂ ತುಳಿಯುವ ಅಧಿಕಾರವನ್ನು ನೀಡಿದ್ದೀ. ನಮ್ಮನ್ನು ಪರೀಕ್ಷೆಗೆ ಒಳಪಡಿಸಬೇಡ; ದುಷ್ಟನಿಂದ ನಮ್ಮನ್ನು ಬಿಡಿಸು.

ನಿನ್ನ ಏಕಜನಿತ ಮಗನಾದ ನಮ್ಮ ಕರ್ತನೂ ನಮ್ಮ ದೇವರೂ ನಮ್ಮ ರಕ್ಷಕನೂ ಆಗಿರುವ ಯೇಸು ಕ್ರಿಸ್ತನಿಗಿರುವ ಕೃಪೆ, ದಯೆ, ಮತ್ತು ಮಾನವಪ್ರೀತಿಯಿಂದ—ಅವನ ಮೂಲಕವೇ—ನಿನಗೆ ಯೋಗ್ಯವಾದ ಮಹಿಮೆ, ಮಾನ, ಚೆಂಕ್ಕೆ, ಮತ್ತು ವಂದನೆ, ಜೀವಪ್ರದಾತನಾದ ನಿನಗೆ ಸಮಾನನಾದ ಪವಿತ್ರಾತ್ಮನೊಡನೆ, ಈಗಲೂ ಸದಾಕಾಲವೂ ಯುಗಯುಗಾಂತರಗಳವರೆಗೂ ಸಲ್ಲುತ್ತವೆ. ಆಮೆನ್.

ಕೀರ್ತನೆ 50

ಬಲಿಷ್ಠ ದೇವರಾಗಿರುವ ಕರ್ತನು ತಾನೇ ಮಾತನಾಡಿ ಸೂರ್ಯೋದಯದಿಂದ ಅಸ್ತಮಾನದ ವರೆಗೂ ಭೂನಿವಾಸಿಗಳನ್ನು ಕರೆದಿದ್ದಾನೆ.

ಸೌಂದರ್ಯದ ಪರಿಪೂರ್ಣತೆಯಾದ ಚೀಯೋನಿ ನಿಂದ ದೇವರು ಪ್ರಕಾಶಿಸಿದ್ದಾನೆ.

ನಮ್ಮ ದೇವರು ಬರುತ್ತಾನೆ, ಮೌನವಾಗಿರನು; ಬೆಂಕಿಯು ಆತನ ಮುಂದೆ ದಹಿಸುವದು; ಅದು ಆತನ ಸುತ್ತಲು ದೊಡ್ಡ ಬಿರುಗಾಳಿಯಂತಿರುವದು.

ತನ್ನ ಜನರಿಗೆ ನ್ಯಾಯ ತೀರಿಸುವದಕ್ಕೆ ಮೇಲಿನಿಂದ ಆಕಾಶಗಳನ್ನೂ ಭೂಮಿ ಯನ್ನೂ ಕರೆಯುತ್ತಾನೆ.

ಯಜ್ಞದಿಂದ ನನ್ನ ಸಂಗಡ ಒಡಂಬಡಿಕೆ ಮಾಡಿದ ನನ್ನ ಪರಿಶುದ್ಧರನ್ನು ನನ್ನ ಬಳಿಗೆ ಒಟ್ಟುಗೂಡಿಸಿರಿ.

ಆಕಾಶಗಳು ಆತನ ನೀತಿ ಯನ್ನು ಪ್ರಕಟಿಸುತ್ತವೆ; ದೇವರು ತಾನೇ ನ್ಯಾಯಾಧಿ ಪತಿಯಾಗಿದ್ದಾನೆ. ಸೆಲಾ.

ಓ ನನ್ನ ಜನರೇ, ಕೇಳಿರಿ, ನಾನು ನುಡಿಯುವೆನು; ಓ ಇಸ್ರಾಯೇಲೇ, ನಿನಗೆ ವಿರೋಧವಾಗಿ ನಾನು ಸಾಕ್ಷಿಕೊಡುವೆನು; ನಾನು ದೇವರು, ಹೌದು ನಿನ್ನ ದೇವರು ನಾನೇ.

ನಿನ್ನ ಬಲಿಗಳಿಗೋಸ್ಕರ ಇಲ್ಲವೆ ನಿನ್ನ ದಹನಬಲಿಗೋಸ್ಕರ ನಾನು ನಿನ್ನನ್ನು ಗದರಿಸುವ ದಿಲ್ಲ; ಅವು ಯಾವಾಗಲೂ ನನ್ನ ಮುಂದೆ ಇವೆ.

ನಿನ್ನ ಮನೆಯಿಂದ ಹೋರಿಯನ್ನೂ ಇಲ್ಲವೆ ನಿನ್ನ ದೊಡ್ಡಿಗಳಿಂದ ಹೋತಗಳನ್ನೂ ತೆಗೆದುಕೊಳ್ಳೆನು.

ಅಡವಿಯ ಮೃಗಗಳೆಲ್ಲವೂ ಬೆಟ್ಟಗಳಲ್ಲಿರುವ ಸಾವಿರ ಪಶುಗಳೂ ನನ್ನವೇ.

ಬೆಟ್ಟಗಳ ಪಕ್ಷಿಗಳನ್ನೆಲ್ಲಾ ನಾನು ಬಲ್ಲೆನು; ಕಾಡುಮೃಗಗಳು ನನ್ನವುಗಳಾಗಿವೆ.

ನಾನು ಹಸಿದಿದ್ದರೆ ನಿನಗೆ ಹೇಳೆನು; ಭೂಲೋಕವೂ ಅದರ ಪರಿಪೂರ್ಣತೆಯೂ ನನ್ನವೇ.

ಹೋರಿಗಳ ಮಾಂಸವನ್ನು ತಿನ್ನುವೆನೋ ಇಲ್ಲವೆ ಹೋತಗಳ ರಕ್ತವನ್ನು ಕುಡಿಯುವೆನೋ?

ದೇವರಿಗೆ ಸ್ತೋತ್ರವನ್ನು (ಬಲಿ ಯಾಗಿ) ಅರ್ಪಿಸು; ಮಹೋನ್ನತನಿಗೆ ನಿನ್ನ ಪ್ರಮಾಣ ಗಳನ್ನು ಸಲ್ಲಿಸು.

ಇಕ್ಕಟ್ಟಿನ ದಿವಸದಲ್ಲಿ ನನ್ನನ್ನು ಕರೆ; ನಾನು ನಿನ್ನನ್ನು ತಪ್ಪಿಸಿಬಿಡುವೆನು; ಆಗ ನನ್ನನ್ನು ಘನಪಡಿಸುವಿ.

ಆದರೆ ದುಷ್ಟನಿಗೆ ದೇವರು ಹೇಳುವದೇನಂದರೆ --ನನ್ನ ನಿಯಮಗಳನ್ನು ಪ್ರಕಟಿಸುವದು ನಿನಗೇನು? ಇಲ್ಲವೆ ನನ್ನ ಒಡಂಬಡಿಕೆಯನ್ನು ನಿನ್ನ ಬಾಯಲ್ಲಿ ಉಚ್ಚರಿಸುವದೇಕೆ?

ನೀನು ಶಿಕ್ಷಣವನ್ನು ಹಗೆಮಾಡಿ ನನ್ನ ವಾಕ್ಯಗಳನ್ನು ನಿನ್ನ ಹಿಂದೆ ಹಾಕುತ್ತೀಯಲ್ಲಾ.

ಕಳ್ಳನನ್ನು ನೋಡಿದರೆ ಅವನೊಂದಿಗೆ ಒಪ್ಪುತ್ತೀ; ಜಾರರ ಸಂಗಡ ನಿನ್ನ ಪಾಲು ಇದೆ.

ನೀನು ನಿನ್ನ ಬಾಯನ್ನು ಕೇಡಿಗೆ ಒಪ್ಪಿಸುತ್ತೀ; ನಿನ್ನ ನಾಲಿಗೆಯು ಮೋಸವನ್ನು ಜೋಡಿಸುತ್ತದೆ.

ನೀನು ಕೂತು ಕೊಂಡು ನಿನ್ನ ಸಹೋದರನಿಗೆ ವಿರೋಧವಾಗಿ ನುಡಿ ಯುತ್ತೀ; ನಿನ್ನ ಸ್ವಂತ ಒಡಹುಟ್ಟಿದವನ ಮೇಲೆ ಚಾಡಿ ಹೇಳುತ್ತೀ.

ಇವುಗಳನ್ನು ನೀನು ಮಾಡಿದಾಗ್ಯೂ ನಾನು ಮೌನವಾಗಿದ್ದೆನು; ಆದದರಿಂದ ನಾನೂ ಸಹ ನಿನ್ನ ಹಾಗೆ ಒಬ್ಬನೆಂದು ನೀನು ನೆನಸಿದಿ; ಆದರೆ ನಾನು ನಿನ್ನನ್ನು ಗದರಿಸಿ ನಿನ್ನ ಕಣ್ಣುಗಳ ಮುಂದೆ ಈ ಕೃತ್ಯಗಳನ್ನು ಕ್ರಮವಾಗಿಡುವೆನು.

ದೇವರನ್ನು ಮರೆತು ಬಿಡುವವರೇ, ನಾನು ನಿಮ್ಮನ್ನು ಹರಿದು ಚೂರುಮಾಡ ದಂತೆ ನನ್ನ ಕೈಯಿಂದ ನಿಮ್ಮನ್ನು ಬಿಡಿಸುವವರು ಯಾರೂ ಇರುವದಿಲ್ಲವೆಂಬದನ್ನು ಗ್ರಹಿಸಿಕೊಳ್ಳಿರಿ.

ಸ್ತೊತ್ರವನ್ನು ಅರ್ಪಿಸುವವನು ನನ್ನನ್ನು ಘನ ಪಡಿಸುತ್ತಾನೆ; ತನ್ನ ನಡವಳಿಕೆಯನ್ನು ಕ್ರಮಪಡಿಸಿ ಕೊಳ್ಳುವವನಿಗೆ ದೇವರ ರಕ್ಷಣೆಯನ್ನು ನಾನು ತೋರಿಸುವೆನು.

ಪ್ರಾರ್ಥನೆಯ ಆರಂಭ

ಇಂದಿನ ಈ ಧನ್ಯ ದಿನದ ನಿದ್ರಾ-ಪ್ರಾರ್ಥನೆಯ ಸ್ತೋತ್ರವನ್ನೆನ್ನ ಅರಸನೂ ದೇವರೂ ಆಗಿರುವ ಕ್ರಿಸ್ತನಿಗೆ ಅರ್ಪಿಸುತ್ತೇನೆ; ಆತನು ನನ್ನ ಪಾಪಗಳನ್ನು ಕ್ಷಮಿಸಲಿ.

ಕೀರ್ತನೆ 129

ನನ್ನ ಯೌವನದಿಂದ ನನಗೆ ಅವರು ಬಹಳ ಬಾಧಿಸಿದ್ದಾರೆಂದು ಇಸ್ರಾ ಯೇಲು ಈಗ ಹೇಳಬಹುದು.

ನನ್ನ ಯೌವನ ದಿಂದ ಅವರು ನನ್ನನ್ನು ಬಹಳ ಬಾಧಿಸಿದರು; ಆದರೆ ಅವರು ನನ್ನನ್ನು ಗೆಲ್ಲಲಿಲ್ಲ.

ಉಳುವವರು ನನ್ನ ಬೆನ್ನಿನ ಮೇಲೆ ಉತ್ತು ತಮ್ಮ ಸಾಲುಗಳನ್ನು ಉದ್ದ ಮಾಡಿದ್ದಾರೆ.

ಕರ್ತನು ನೀತಿವಂತನು; ದುಷ್ಟರ ಹಗ್ಗಗಳನ್ನು ಕೊಯಿದುಬಿಟ್ಟಿದ್ದಾನೆ.

ಚೀಯೋನನ್ನು ಹಗೆಮಾಡುವವರೆಲ್ಲರು ನಾಚಿಕೆಪಟ್ಟು ಹಿಂದಿರುಗಲಿ.

ಕೀಳುವದಕ್ಕಿಂತ ಮುಂಚೆ ಒಣಗಿ ಹೋಗುವ ಮಾಳಿಗೇ ಹುಲ್ಲಿನ ಹಾಗೆ ಅವರು ಇರಲಿ.

ಅದನ್ನು ಕೊಯ್ಯುವವನು ತನ್ನ ಕೈಯನ್ನೂ ಸಿವುಡು ಕಟ್ಟುವವನು ತನ್ನ ಉಡಿಲನ್ನೂ ತುಂಬಿಸನು.

ಹಾದು ಹೋಗು ವವರು -- ಕರ್ತನ ಆಶೀರ್ವಾದವು ನಿಮ್ಮ ಮೇಲೆ ಇರಲಿ, ಕರ್ತನ ಹೆಸರಿನಲ್ಲಿ ನಿಮ್ಮನ್ನು ಆಶೀರ್ವ ದಿಸುತ್ತೇವೆ ಎಂದು ಹೇಳುವುದಿಲ್ಲ.

ಕೀರ್ತನೆ 130

ಓ ಕರ್ತನೇ, ಆಗಾಧಗಳೊಳಗಿಂದ ನಿನಗೆ ಕೂಗುತ್ತೇನೆ.

ಕರ್ತನೇ, ನನ್ನ ಸ್ವರವನ್ನು ಕೇಳು; ನಿನ್ನ ಕಿವಿಗಳು ನನ್ನ ವಿಜ್ಞಾಪನೆಗಳ ಮೊರೆಯನ್ನು ಆಲೈಸುತ್ತಾ ಇರಲಿ.

ಕರ್ತನೇ, ನೀನು ಅಕ್ರಮಗಳ ಮೇಲೆ ಕಣ್ಣಿಟ್ಟರೆ ಓ ಕರ್ತನೇ, ಯಾರು ನಿಲ್ಲುವರು?

ಆದರೆ ಜನರು ನಿನಗೆ ಭಯಪಡುವ ಹಾಗೆ ನಿನ್ನಲ್ಲಿ ಕ್ಷಮಾಪಣೆ ಉಂಟು.

ಕರ್ತನನ್ನು ನಿರೀಕ್ಷಿಸುತ್ತೇನೆ; ನನ್ನ ಪ್ರಾಣವು ನಿರೀಕ್ಷಿಸುತ್ತದೆ; ಆತನ ವಾಕ್ಯದಲ್ಲಿ ನಿರೀಕ್ಷಿಸುತ್ತೇನೆ.

ಉದಯಕ್ಕಾಗಿ ಕಾದುಕೊಳ್ಳುವವ ರಿಗಿಂತ ಹೌದು, ಉದಯಕ್ಕಾಗಿ ಕಾದುಕೊಳ್ಳುವವರಿ ಗಿಂತ ನನ್ನ ಪ್ರಾಣವು ಕರ್ತನಿಗಾಗಿ ನಿರೀಕ್ಷಿಸುತ್ತದೆ.

ಇಸ್ರಾಯೇಲು ಕರ್ತನಲ್ಲಿ ನಿರೀಕ್ಷಿಸಲಿ; ಕರ್ತನ ಬಳಿಯಲ್ಲಿ ಕರುಣೆಯೂ ಆತನಲ್ಲಿ ವಿಮೋಚನೆಯೂ ಬಹಳವಾಗಿದೆ.

ಆತನು ಇಸ್ರಾಯೇಲನ್ನು ಅದರ ಎಲ್ಲಾ ಅಕ್ರಮಗಳಿಂದ ವಿಮೋಚಿಸುವನು.

ಕೀರ್ತನೆ 131

ಕರ್ತನೇ, ನನ್ನ ಹೃದಯವು ಗರ್ವದ್ದಲ್ಲ; ನನ್ನ ಕಣ್ಣುಗಳು ಅಹಂಭಾವ ದವುಗಳೂ ಅಲ್ಲ; ದೊಡ್ಡ ವಿಷಯಗಳಲ್ಲಿಯೂ ನನಗೆ ನಿಲುಕಲಾರದವುಗಳಲ್ಲಿಯೂ ನಾನು ನಡೆದುಕೊಳ್ಳು ವದಿಲ್ಲ.

ಮೊಲೆ ಬಿಡಿಸಿದ ಕೂಸು ತನ್ನ ತಾಯಿಯ ಬಳಿಯಲ್ಲಿ ಇರುವ ಪ್ರಕಾರ ನಿಶ್ಚಯವಾಗಿ ನನ್ನನ್ನು ಸಂತೈಸಿಕೊಂಡು ಮೌನವಾಗಿದ್ದೇನೆ; ನನ್ನ ಪ್ರಾಣವು ಮೊಲೆ ಬಿಡಿಸಿದ ಕೂಸಿನ ಹಾಗೆ ನನ್ನ ಬಳಿಯಲ್ಲಿ ಅದೆ.

ಇಸ್ರಾಯೇಲು ಈಗಿನಿಂದ ಯುಗಯುಗಕ್ಕೂ ಕರ್ತನನ್ನು ಎದುರುನೋಡಲಿ.

ಕೀರ್ತನೆ 132

ಕರ್ತನೇ, ದಾವೀದನನ್ನೂ ಅವನ ಎಲ್ಲಾ ಶ್ರಮೆಗಳನ್ನೂ ಜ್ಞಾಪಕ ಮಾಡಿಕೋ.

ಅವನು ಕರ್ತನಿಗೆ ಆಣೆ ಇಟ್ಟು ಶಕ್ತಿ ಯುಳ್ಳ ಯಾಕೋಬನ ದೇವರಿಗೆ ಪ್ರಮಾಣಮಾಡಿ ಕೊಂಡದ್ದೇನಂದರೆ--

ಕರ್ತನಿಗೆ ಒಂದು ಸ್ಥಳವನ್ನೂ ಯಾಕೋಬನ ದೇವರಿಗೆ ನಿವಾಸಗಳನ್ನೂ ನಾನು ಕಂಡುಕೊಳ್ಳುವ ವರೆಗೆ ನಿಶ್ಚಯವಾಗಿ

ನನ್ನ ಮನೆಯ ಗುಡಾರದಲ್ಲಿ ಸೇರೆನು; ನನ್ನ ಮಂಚದ ಹಾಸಿಗೆಯನ್ನು ಏರೆನು;

ನನ್ನ ಕಣ್ಣುಗಳಿಗೆ ನಿದ್ದೆಯನ್ನೂ ನನ್ನ ರೆಪ್ಪೆ ಗಳಿಗೆ ತೂಕಡಿಕೆಯನ್ನೂ ಕೊಡೆನು ಎಂಬದು.

ಇಗೋ, ಎಫ್ರಾತದಲ್ಲಿ ಅದನ್ನು ಕೇಳಿದೆವು; ಅಡವಿಯ ಬೈಲುಗಳಲ್ಲಿ ಅದನ್ನು ಕಂಡುಕೊಂಡೆವು.

ನಾವು ಆತನ ಗುಡಾರಗಳಿಗೆ ಹೋಗಿ ಆತನ ಪಾದಪೀಠದಲ್ಲಿ ಆರಾಧಿಸೋಣ.

ಓ ಕರ್ತನೇ, ನೀನು ಬಲವುಳ್ಳ ನಿನ್ನ ಮಂಜೂಷದೊಂದಿಗೆ ನಿನ್ನ ವಿಶ್ರಾಂತಿಗೆ ಎದ್ದೇಳು.

ನಿನ್ನ ಯಾಜಕರು ನೀತಿಯನ್ನು ಹೊದ್ದು ಕೊಳ್ಳಲಿ; ಪರಿಶುದ್ಧರು ಉತ್ಸಾಹಧ್ವನಿ ಮಾಡಲಿ.

ನಿನ್ನ ಸೇವಕನಾದ ದಾವೀದನ ನಿಮಿತ್ತ ನಿನ್ನ ಅಭಿಷಿಕ್ತನ ಮುಖವನ್ನು ತಿರುಗಿಸಬೇಡ.

ಕರ್ತನು ದಾವೀದನಿಗೆ ಸತ್ಯದ ಆಣೆ ಇಟ್ಟಿದ್ದಾನೆ; ಅದರಿಂದ ತಿರುಗಿಕೊಳ್ಳನು; ಅದು--ನಿನ್ನ ಸಂತಾನ ವನ್ನು ನಿನ್ನ ಸಿಂಹಾಸನದ ಮೇಲೆ ಇರಿಸು ವದು.

ನಿನ್ನ ಮಕ್ಕಳಿಗೆ ನಾನು ಕಲಿಸುವ ನನ್ನ ಒಡಂಬಡಿಕೆಯನ್ನೂ ನನ್ನ ಸಾಕ್ಷಿಯನ್ನೂ ಕೈಕೊಂಡರೆ ಅವರ ಮಕ್ಕಳು ಸಹ ಎಂದೆಂದಿಗೂ ನಿನ್ನ ಸಿಂಹಾಸನ ದಲ್ಲಿ ಕೂಡ್ರುವರು.

ಕರ್ತನು ಚೀಯೋನನ್ನು ಆದುಕೊಂಡು ಅದನ್ನು ತನ್ನ ವಾಸಕ್ಕಾಗಿ ಅಪೇಕ್ಷಿಸಿದ್ದಾನೆ.

ಇದೇ ಎಂದೆಂದಿಗೂ ನನ್ನ ವಿಶ್ರಾಂತಿಯು; ಇಲ್ಲೇ ವಾಸಿಸುವೆನು; ಇದನ್ನು ನಾನು ಅಪೇಕ್ಷಿಸಿದ್ದೇನೆ.

ಅದರ ಆದಾಯವನ್ನು ಬಹಳವಾಗಿ ಆಶೀರ್ವದಿ ಸುವೆನು; ಆದರೆ ಬಡವರನ್ನು ರೊಟ್ಟಿಯಿಂದ ತೃಪ್ತಿ ಪಡಿಸುವೆನು.

ಅದರ ಯಾಜಕರಿಗೆ ರಕ್ಷಣೆಯನ್ನೂ ಹೊದಿಸುವೆನು; ಅದರ ಪರಿಶುದ್ಧರು ಗಟ್ಟಿಯಾಗಿ ಉತ್ಸಾಹ ಧ್ವನಿಮಾಡುವರು.

ಅಲ್ಲಿ ದಾವೀದನಿಗೆ ಕೊಂಬನ್ನು ಮೊಳಿಸುವೆನು; ನನ್ನ ಅಭಿಷಿಕ್ತನಿಗೆ ದೀಪವನ್ನು ಸಿದ್ಧಮಾಡಿದ್ದೇನೆ.

ಅವನ ಶತ್ರುಗಳಿಗೆ ನಾಚಿಕೆಯನ್ನು ಹೊದಿಸುವೆನು; ಆದರೆ ಅವನ ಮೇಲೆ ಅವನ ಕಿರೀಟವು ಶೋಭಿಸುವದು ಎಂದು ಹೇಳಿದ್ದಾನೆ.

ಕೀರ್ತನೆ 133

ಇಗೋ, ಸಹೋದರರು ಒಂದಾಗಿ ವಾಸಮಾಡುವದು ಎಷ್ಟೋಒಳ್ಳೇದು! ಎಷ್ಟೋ ರಮ್ಯವಾದದ್ದು!

ಅದು ತಲೆಯ ಮೇಲಿದ್ದು ಗಡ್ಡದ ಮೇಲೆ ಅಂದರೆ ಆರೋನನ ಗಡ್ಡದ ಮೇಲೆ ಇಳಿದು ಅವನ ವಸ್ತ್ರಗಳ ಅಂಚಿನ ವರೆಗೂ ಇಳಿಯುವ ಶ್ರೇಷ್ಠ ತೈಲದ ಹಾಗೆಯೂ

ಚೀಯೋನಿನ ಪರ್ವತಗಳ ಮೇಲೆ ಬೀಳುವ ಹೆರ್ಮೋನಿನ ಮಂಜಿನ ಹಾಗೆಯೂ ಅದೆ; ಅಲ್ಲಿ ಕರ್ತನು ಆಶೀರ್ವಾದವನ್ನೂ ಯುಗಯುಗಕ್ಕಿರುವ ಜೀವವನ್ನೂ ಆಜ್ಞಾಪಿಸಿದ್ದಾನೆ.

ಕೀರ್ತನೆ 136

ಕರ್ತನನ್ನು ಕೊಂಡಾಡಿರಿ, ಆತನು ಒಳ್ಳೆಯವನು; ಆತನ ಕರುಣೆಯು ಎಂದೆಂದಿಗೂ ಅದೆ.

ದೇವರುಗಳ ದೇವರನ್ನು ಕೊಂಡಾಡಿರಿ; ಆತನ ಕರುಣೆಯು ಎಂದೆಂದಿಗೂ ಅದೆ.

ಕರ್ತರ ಕರ್ತನನ್ನು ಕೊಂಡಾಡಿರಿ; ಆತನ ಕರುಣೆಯು ಎಂದೆಂದಿಗೂ ಅದೆ.

ಒಬ್ಬನಾಗಿ ದೊಡ್ಡ ಅದ್ಭುತಗಳನ್ನು ಮಾಡುವಾತನನ್ನು ಕೊಂಡಾಡಿರಿ; ಆತನ ಕರುಣೆಯು ಎಂದೆಂದಿಗೂ ಅದೆ.

ಆಕಾಶ ವನ್ನು ಜ್ಞಾನದಿಂದ ಉಂಟುಮಾಡಿದಾತನನ್ನು ಕೊಂಡಾ ಡಿರಿ; ಆತನ ಕರುಣೆಯು ಎಂದೆಂದಿಗೂ ಅದೆ.

ಭೂಮಿಯನ್ನು ನೀರಿನ ಮೇಲೆ ಹಾಸಿದಾತನನ್ನು ಕೊಂಡಾಡಿರಿ; ಆತನ ಕರುಣೆಯು ಎಂದೆಂದಿಗೂ ಅದೆ.

ದೊಡ್ಡ ಬೆಳಕುಗಳನ್ನು ಉಂಟು ಮಾಡಿದಾತ ನನ್ನು ಕೊಂಡಾಡಿರಿ; ಆತನ ಕರುಣೆಯು ಎಂದೆಂದಿಗೂ ಅದೆ.

ಹಗಲನ್ನು ಆಳುವದಕ್ಕೆ ಸೂರ್ಯನನ್ನು ಉಂಟು ಮಾಡಿದಾತನನ್ನು ಕೊಂಡಾಡಿರಿ; ಆತನ ಕರುಣೆಯು ಎಂದೆಂದಿಗೂ ಅದೆ.

ಇರುಳನ್ನು ಆಳುವದಕ್ಕೆ ಚಂದ್ರ ನಕ್ಷತ್ರಗಳನ್ನು ಉಂಟು ಮಾಡಿದಾತನನ್ನು ಕೊಂಡಾಡಿರಿ; ಆತನ ಕರುಣೆಯು ಎಂದೆಂದಿಗೂ ಅದೆ.

ಐಗುಪ್ತದ ಚೊಚ್ಚಲಾದವುಗಳನ್ನು ಹೊಡೆದಾತನನ್ನು ಕೊಂಡಾ ಡಿರಿ; ಆತನ ಕರುಣೆಯು ಎಂದೆಂದಿಗೂ ಅದೆ.

ಇಸ್ರಾಯೇಲನನ್ನು ಅವರ ಮಧ್ಯದಲ್ಲಿಂದ ಹೊರಗೆ ಬರಮಾಡಿದಾತನನ್ನು ಕೊಂಡಾಡಿರಿ; ಆತನ ಕರು ಣೆಯು ಎಂದೆಂದಿಗೂ ಅದೆ.

ಬಲವಾದ ಕೈಯಿಂ ದಲೂ ಚಾಚಿದ ತೋಳಿನಿಂದಲೂ ಅವರನ್ನು ಹೊರಗೆ ತಂದನು; ಆತನ ಕರುಣೆಯು ಎಂದೆಂದಿಗೂ ಅದೆ.

ಕೆಂಪು ಸಮುದ್ರವನ್ನು ವಿಭಾಗಿಸಿದಾತನನ್ನು ಕೊಂಡಾ ಡಿರಿ; ಆತನ ಕರುಣೆಯು ಎಂದೆಂದಿಗೂ ಅದೆ.

ಇಸ್ರಾಯೇಲನ್ನು ಅದರ ನಡುವೆ ನಡಿಸಿದಾತನನ್ನು ಕೊಂಡಾಡಿರಿ; ಆತನ ಕರುಣೆಯು ಎಂದೆಂದಿಗೂ ಅದೆ.

ಫರೋಹನನ್ನೂ ಅವನ ಸೈನ್ಯವನ್ನೂ ಕೆಂಪು ಸಮು ದ್ರದಲ್ಲಿ ಕೆಡವಿದಾತನನ್ನು ಕೊಂಡಾಡಿರಿ; ಆತನ ಕರುಣೆಯು ಎಂದೆಂದಿಗೂ ಅದೆ.

ತನ್ನ ಜನರನ್ನು ಅರಣ್ಯದಲ್ಲಿ ನಡೆಸಿದಾತನನ್ನು ಕೊಂಡಾಡಿರಿ; ಆತನ ಕರುಣೆಯು ಎಂದೆಂದಿಗೂ ಅದೆ.

ದೊಡ್ಡ ಅರಸುಗಳನ್ನು ಹೊಡೆದಾತನನ್ನು ಕೊಂಡಾ ಡಿರಿ; ಆತನ ಕರುಣೆಯು ಎಂದೆಂದಿಗೂ ಅದೆ.

ಪ್ರಸಿ ದ್ಧರಾದ ಅರಸುಗಳನ್ನು ಕೊಂದುಹಾಕಿದಾತನನ್ನು ಕೊಂಡಾಡಿರಿ; ಆತನ ಕರುಣೆಯು ಎಂದೆಂದಿಗೂ ಅದೆ.

ಅಮೋರಿಯರ ಅರಸನಾದ ಸೀಹೋನನು ಒಬ್ಬ; ಆತನ ಕರುಣೆಯು ಎಂದೆಂದಿಗೂ ಅದೆ.

ಬಾಷಾ ನಿನ ಅರಸನಾದ ಓಗನೊಬ್ಬ; ಆತನ ಕರುಣೆಯು ಎಂದೆಂದಿಗೂ ಅದೆ.

ಅವರ ದೇಶವನ್ನು ಬಾಧ್ಯತೆ ಯಾಗಿ ಕೊಟ್ಟಾತನನ್ನು ಕೊಂಡಾಡಿರಿ; ಆತನ ಕರು ಣೆಯು ಎಂದೆಂದಿಗೂ ಅದೆ.

ತನ್ನ ಸೇವಕನಾದ ಇಸ್ರಾಯೇಲಿಗೆ ಅದು ಬಾಧ್ಯತೆಯಾಗಿದೆ; ಆತನ ಕರುಣೆಯು ಎಂದೆಂದಿಗೂ ಅದೆ.

ನಮ್ಮ ದೀನಸ್ಥಿತಿಯಲ್ಲಿ ನಮ್ಮನ್ನು ನೆನಸಿ ಕೊಂಡಾ ತನನ್ನು ಕೊಂಡಾಡಿರಿ; ಆತನ ಕರುಣೆಯು ಎಂದೆಂ ದಿಗೂ ಅದೆ.

ನಮ್ಮ ವೈರಿಗಳಿಂದ ನಮ್ಮನ್ನು ಬಿಡಿ ಸಿದಾತನನ್ನು ಕೊಂಡಾಡಿರಿ; ಆತನ ಕರುಣೆಯು ಎಂದೆಂದಿಗೂ ಅದೆ.

ಮನುಷ್ಯರಿಗೆಲ್ಲಾ ಆಹಾರ ಕೊಡುವಾತನನ್ನು ಕೊಂಡಾಡಿರಿ; ಆತನ ಕರುಣೆಯು ಎಂದೆಂದಿಗೂ ಅದೆ.

ಪರಲೋಕದ ದೇವರನ್ನು ಕೊಂಡಾಡಿರಿ; ಆತನ ಕರುಣೆಯು ಎಂದೆಂದಿಗೂ ಅದೆ.

ಕೀರ್ತನೆ 137

ಬಾಬೆಲಿನ ನದಿಗಳ ಹತ್ತಿರ ನಾವು ಕೂತುಕೊಂಡು ಹೌದು, ಚೀಯೋ ನನ್ನು ಜ್ಞಾಪಕಮಾಡಿಕೊಂಡಾಗ ನಾವು ಅತ್ತೆವು.

ಅದರ ನಡುವೆ ಇರುವ ನೀರವಂಜಿ ಮರಗಳ ಮೇಲೆ ನಮ್ಮ ಕಿನ್ನರಿಗಳನ್ನು ತೂಗಹಾಕಿದೆವು.

ಅಲ್ಲಿ ನಮ್ಮನ್ನು ಸೆರೆಹಿಡಿದು ಹಾಳುಮಾಡಿದವರು--ನಮ್ಮ ಸಂತೋಷ ಕ್ಕಾಗಿ ಒಂದು ಹಾಡನ್ನು ಹಾಡಿರಿ ಅಂದರು.

ಅನ್ಯದೇಶದಲ್ಲಿ ನಾವು ಕರ್ತನ ಹಾಡನ್ನು ಹಾಡು ವದು ಹೇಗೆ?

ಯೆರೂಸಲೇಮೇ, ನಾನು ನಿನ್ನನ್ನು ಮರೆತುಬಿಟ್ಟರೆ ನನ್ನ ಬಲಗೈ ಮರೆತುಹೋಗಲಿ.

ನಾನು ನಿನ್ನನ್ನು ಜ್ಞಾಪಕಮಾಡಿಕೊಳ್ಳದೆ ಯೆರೂಸ ಲೇಮನ್ನು ನನ್ನ ಮುಖ್ಯ ಸಂತೋಷಕ್ಕಿಂತ ಅದನ್ನು ಹೆಚ್ಚಿಸದಿದ್ದರೆ ನನ್ನ ನಾಲಿಗೆಯು ನನ್ನ ಅಂಗಳಕ್ಕೆ ಹತ್ತಲಿ.

ಹಾಳುಮಾಡಿರಿ, ಅದರ ಅಸ್ತಿವಾರದ ವರೆಗೆ ಹಾಳು ಮಾಡಿರಿ ಎಂದು ಹೇಳಿದ ಎದೋಮಿನ ಮಕ್ಕಳನ್ನು ಯೆರೂಸಲೇಮಿನ ದಿವಸದಲ್ಲಿ ಕರ್ತನೇ, ಜ್ಞಾಪಕ ಮಾಡಿಕೋ.

ಹಾಳಾಗಲಿಕ್ಕಿರುವ ಬಾಬೆಲಿನ ಮಗಳೇ, ನೀನು ನಮಗೆ ಮಾಡಿದ ಕಾರ್ಯಕ್ಕೆ ಪ್ರತೀಕಾರ ವನ್ನು ನಿನಗೆ ಸಲ್ಲಿಸುವವನು ಧನ್ಯನು.

ನಿನ್ನ ಚಿಕ್ಕ ಕೂಸುಗಳನ್ನು ಹಿಡಿದು ಬಂಡೆಗಳ ಮೇಲೆ ಅಪ್ಪಳಿಸಿ ಬಿಡುವವನು ಧನ್ಯನು.

ಕೀರ್ತನೆ 140

ಓ ಕರ್ತನೇ, ಕೆಡುಕರಿಂದ ನನ್ನನ್ನು ಬಿಡಿಸು; ಬಲಾತ್ಕಾರಿಗಳಿಂದ ತಪ್ಪಿಸಿ ನನ್ನನ್ನು ಕಾಪಾಡು.

ಅವರು ಹೃದಯದಲ್ಲಿ ಕೇಡು ಗಳನ್ನು ಕಲ್ಪಿಸುತ್ತಾರೆ; ಅವರು ತಪ್ಪದೆ ಯುದ್ಧಕ್ಕೆ ಕೂಡಿಕೊಳ್ಳುತ್ತಾರೆ.

ತಮ್ಮ ನಾಲಿಗೆಗಳನ್ನು ಹಾವಿನ ಹಾಗೆ ಅವರು ಹದಮಾಡುತ್ತಾರೆ; ಸರ್ಪಗಳ ವಿಷವು ಅವರ ತುಟಿಗಳ ಕೆಳಗಿದೆ ಸೆಲಾ.

ಓ ಕರ್ತನೇ, ದುಷ್ಟನ ಕೈಗಳಿಗೆ ನನ್ನನ್ನು ತಪ್ಪಿಸಿ ಕಾಪಾಡು; ಬಲಾತ್ಕಾರಿಯಿಂದ ನನ್ನನ್ನು ತಪ್ಪಿಸಿ ಕಾಯಿ; ನಾನು ಎಡವಿ ಬೀಳಬೇಕೆಂದು ಯೋಚಿಸುತ್ತಾರೆ.

ಗರ್ವಿಷ್ಠರು ನನಗೆ ಉರ್ಲನ್ನೂ ಪಾಶಗಳನ್ನೂ ಅಡಗಿಸಿಟ್ಟಿದ್ದಾರೆ; ಬಲೆಯನ್ನು ದಾರಿಯ ಅಂಚಿನಲ್ಲಿ ಹಾಸಿದ್ದಾರೆ; ನೇಣುಗಳನ್ನು ನನಗೆ ಇಟ್ಟಿದ್ದಾರೆ ಸೆಲಾ.

ನಾನು ಕರ್ತನಿಗೆ--ನೀನು ನನ್ನ ದೇವರಾಗಿದ್ದೀ; ಕರ್ತನೇ, ನನ್ನ ವಿಜ್ಞಾಪನೆಗಳ ಸ್ವರಕ್ಕೆ ಕಿವಿಗೊಡು.

ನನ್ನ ರಕ್ಷಣೆಯ ಬಲವಾಗಿರುವ ಕರ್ತನಾದ ಓ ದೇವರೇ, ನನ್ನ ತಲೆಯನ್ನು ಯುದ್ಧದ ದಿವಸದಲ್ಲಿ ಮುಚ್ಚಿದ್ದೀ.

ಓ ಕರ್ತನೇ, ದುಷ್ಟರ ಆಶೆಯನ್ನು ನೆರವೇರಿಸಬೇಡ; ಅವರು ಉನ್ನತಕ್ಕೇರುವ ಹಾಗೆ ಅವರ ಯುಕ್ತಿಯನ್ನು ಪೂರೈಸಬೇಡ ಎಂದು ಹೇಳಿದೆನು ಸೆಲಾ.

ನನ್ನ ಸುತ್ತಲಿರುವವರ ವಿಷವೂ ಅವರ ತುಟಿಗಳ ಕಾಟವೂ ಅವರನ್ನು ಮುಚ್ಚಲಿ.

ಉರಿ ಕೆಂಡಗಳು ಅವರ ಮೇಲೆ ಬೀಳಲಿ; ಬೆಂಕಿಯಲ್ಲಿಯೂ ಅವರು ಏಳಲಾರದ ಹಾಗೆ ಕುಣಿಯಲ್ಲಿಯೂ ಆತನು ಅವರನ್ನು ಕೆಡವಲಿ.

ಕೆಟ್ಟದ್ದನ್ನು ಮಾತನಾಡುವವನು ಭೂಮಿ ಯಲ್ಲಿ ಸ್ಥಿರವಾಗದಿರಲಿ; ಬಲಾತ್ಕಾರಿಯನ್ನು ಕೆಡವು ವದಕ್ಕೆ ಕೇಡು ಅವನನ್ನು ಬೇಟೆಯಾಡುವದು.

ಕರ್ತನು ದೀನನಿಗೆ ವ್ಯಾಜ್ಯವನ್ನೂ ಬಡವರಿಗೆ ನ್ಯಾಯವನ್ನೂ ತೀರಿಸುವನೆಂದು ನಾನು ಬಲ್ಲೆನು.

ನಿಶ್ಚಯವಾಗಿ ನೀತಿವಂತರು ನಿನ್ನ ಹೆಸರಿಗೆ ಉಪಕಾರ ಸ್ತುತಿಯನ್ನು ಮಾಡುವರು; ಯಥಾರ್ಥರು ನಿನ್ನ ಸನ್ನಿಧಿಯಲ್ಲಿ ವಾಸಿಸುವರು.

ಕೀರ್ತನೆ 141

ಕರ್ತನೇ, ನಿನ್ನನ್ನು ಕೂಗುತ್ತೇನೆ; ನನ್ನ ಬಳಿಗೆ ಬರಲು ತ್ವರೆಯಾಗಿ ಬಾ; ನಾನು ನಿನ್ನನ್ನು ಕರೆಯುವಾಗ, ನನ್ನ ಸ್ವರಕ್ಕೆ ಕಿವಿಗೊಡು.

ನನ್ನ ಪ್ರಾರ್ಥನೆ ನಿನ್ನ ಮುಂದೆ ಧೂಪವಾಗಿಯೂ ನನ್ನ ಕೈ ಎತ್ತುವದು ಸಾಯಂಕಾಲದ ಬಲಿಯಾಗಿಯೂ ಸಿದ್ಧವಾಗಿರಲಿ.

ಓ ಕರ್ತನೇ, ನನ್ನ ಬಾಯಿಗೆ ಕಾವ ಲಿಡು; ನನ್ನ ತುಟಿಗಳ ಕದವನ್ನು ಕಾಯಿ. ಅಪರಾಧ ಮಾಡುವ ಮನುಷ್ಯರ ಸಂಗಡ ದುಷ್ಟತ್ವದಿಂದ ಕರ್ಮಗಳನ್ನು ನಡಿಸುವ ಕೆಟ್ಟ ಕಾರ್ಯಕ್ಕೆ

ನನ್ನ ಹೃದಯವನ್ನು ಲಾಲಿಸದೆ ಮಾಡು; ಅವರ ಸವಿ ಊಟಗಳನ್ನು ನಾನು ಉಣ್ಣುವದಿಲ್ಲ.

ನೀತಿವಂತನು ನನ್ನನ್ನು ಹೊಡೆಯಲಿ; ಅದು ಕರುಣೆಯೇ; ಅವನು ನನ್ನನ್ನು ಗದರಿಸಲಿ; ಅದು ನನ್ನ ತಲೆಗೆ ಶ್ರೇಷ್ಠ ಎಣ್ಣೆಯೇ. ಅದನ್ನು ನನ್ನ ತಲೆ ಬೇಡವೆನ್ನದಿರಲಿ; ಆದರೆ ಇನ್ನೂ ಅವರ ಕೇಡುಗಳಲ್ಲಿ ನನ್ನ ಪ್ರಾರ್ಥನೆ ಇರುವದು.

ಅವರ ನ್ಯಾಯಾ ಧಿಪತಿಗಳು ಬಂಡೆಯ ಸ್ಥಳಗಳಲ್ಲಿ ಕೆಡವಲ್ಪಡುವಾಗ ಅವರು ನನ್ನ ಮಾತುಗಳನ್ನು ಕೇಳುವರು; ಅವು ಸಿಹಿಯಾಗಿವೆ.

ಭೂಮಿಯಲ್ಲಿ ಮರವನ್ನು ಕಡಿದು ಸೀಳುವವನ ಹಾಗೆ ನಮ್ಮ ಎಲುಬುಗಳು ಸಮಾಧಿಯ ಬಾಯಿಯ ಹತ್ತಿರ ಚದುರಿ ಅವೆ.

ಕರ್ತನಾದ ಓ ದೇವರೇ, ನನ್ನ ಕಣ್ಣುಗಳು ನಿನ್ನ ಕಡೆಗೆ ಅವೆ; ನಿನ್ನನ್ನು ಆಶ್ರಯಿಸಿಕೊಂಡಿದ್ದೇನೆ; ನನ್ನ ಪ್ರಾಣವನ್ನು ದಿಕ್ಕಿಲ್ಲ ದಂತೆ ಬಿಡಬೇಡ.

ಅವರು ನನಗೆ ಒಡ್ಡಿದ ಉರ್ಲಿ ನಿಂದಲೂ ಅಪರಾಧಿಗಳ ನೇಣುಗಳಿಂದಲೂ ನನ್ನನ್ನು ಕಾಪಾಡು.

ನಾನು ತಪ್ಪಿಸಿಕೊಂಡು ಹೋಗುವಷ್ಟರಲ್ಲಿ ದುಷ್ಟರು ತಮ್ಮ ಬಲೆಗಳಲ್ಲಿ ಬೀಳಲಿ.

ಕೀರ್ತನೆ 145

ಓ ಅರಸನಾದ ನನ್ನ ದೇವರೇ, ನಿನ್ನನ್ನು ಘನಪಡಿಸುವೆನು; ನಿನ್ನ ಹೆಸರನ್ನು ಎಂದೆಂದಿಗೂ ಸ್ತುತಿಸುವೆನು.

ಪ್ರತಿದಿನ ನಿನ್ನನ್ನು ಸ್ತುತಿಸುವೆನು; ಎಂದೆಂದಿಗೂ ನಿನ್ನ ಹೆಸರನ್ನು ಸ್ತುತಿಸುವೆನು.

ಕರ್ತನು ದೊಡ್ಡವನೂ ಬಹಳವಾಗಿ ಸ್ತುತಿಸಲ್ಪಡತಕ್ಕವನೂ ಆಗಿದ್ದಾನೆ; ಆತನ ದೊಡ್ಡಸ್ತಿಕೆಯು ಅಶೋಧ್ಯವಾದದ್ದು.

ತಲಾಂತರಕ್ಕೆ ಇನ್ನೊಂದು ತಲಾಂತರವು ನಿನ್ನ ಕೆಲಸಗಳನ್ನು ಪ್ರಕಟಿಸುತ್ತದೆ; ನಿನ್ನ ಪರಾಕ್ರಮಗಳನ್ನು ತಿಳಿಸುತ್ತಾರೆ.

ನಿನ್ನ ಮಹಿಮೆಯ ಘನದ ಪ್ರಭೆಯ ವಿಷಯ ವಾಗಿಯೂ ನಿನ್ನ ಅದ್ಭುತಕಾರ್ಯಗಳ ವಿಷಯ ವಾಗಿಯೂ

ನಿನ್ನ ಭಯಂಕರವಾದ ತ್ರಾಣದ ವಿಷಯ ವಾಗಿಯೂ ಅವರು ಹೇಳುವರು; ನಿನ್ನ ಮಹತ್ವವನ್ನು ನಾನು ಸಾರುವೆನು.

ನಿನ್ನ ಬಹು ಒಳ್ಳೇತನದ ಜ್ಞಾಪಕವನ್ನು ಅವರು ನುಡಿಯುವರು; ನಿನ್ನ ನೀತಿಯ ನಿಮಿತ್ತ ಉತ್ಸಾಹಧ್ವನಿ ಮಾಡುವರು.

ಕರ್ತನು ಕೃಪಾಳುವೂ ಅಂತಃಕರಣವೂ ದೀರ್ಘಶಾಂತಿಯೂ ಮಹಾಕರುಣೆಯುಳ್ಳವನೂ ಆಗಿದ್ದಾನೆ.

ಕರ್ತನು ಸರ್ವರಿಗೂ ಒಳ್ಳೆಯವನು; ಆತನ ಅಂತಃಕರಣವು ಆತನ ಎಲ್ಲಾ ಕೆಲಸಗಳ ಮೇಲೆ ಅದೆ.

ಓ ಕರ್ತನೇ, ನಿನ್ನ ಕೆಲಸಗಳೆಲ್ಲಾ ನಿನ್ನನ್ನು ಕೊಂಡಾಡುವವು; ನಿನ್ನ ಪರಿಶುದ್ಧರು ನಿನ್ನನ್ನು ಸ್ತುತಿಸುವರು.

ನಿನ್ನ ರಾಜ್ಯದ ಘನವನ್ನು ಹೇಳುವರು; ನಿನ್ನ ಪರಾಕ್ರಮವನ್ನು ನುಡಿಯುವರು.

ಮನುಷ್ಯನ ಮಕ್ಕಳಿಗೆ ಆತನ ಪರಾಕ್ರಮ ಕ್ರಿಯೆಗಳನ್ನೂ ಆತನ ರಾಜ್ಯದ ಪ್ರಭೆಯ ಘನವನ್ನೂ ತಿಳಿಯಪಡಿಸುವರು.

ನಿನ್ನ ರಾಜ್ಯವು ಶಾಶ್ವತವಾದ ರಾಜ್ಯವಾಗಿದೆ; ನಿನ್ನ ದೊರೆತನವು ಎಲ್ಲಾ ತಲತಲಾಂತರಗಳಲ್ಲಿ ಇರುವದು.

ಕರ್ತನು ಬೀಳುವವರೆಲ್ಲರನ್ನು ಉದ್ಧಾರಮಾಡುತ್ತಾನೆ; ತಗ್ಗಿಸಿ ಕೊಳ್ಳುವವರೆಲ್ಲರನ್ನು ಎತ್ತುತ್ತಾನೆ.

ಎಲ್ಲರ ಕಣ್ಣುಗಳು ನಿನಗೆ ಕಾದುಕೊಳ್ಳುತ್ತವೆ; ನೀನು ಅವರಿಗೆ ಅವರ ಆಹಾರವನ್ನು ತಕ್ಕ ಕಾಲದಲ್ಲಿ ಕೊಡುತ್ತೀ.

ನಿನ್ನ ಕೈ ತೆರೆದು ಎಲ್ಲಾ ಜೀವಿಗಳ ಇಷ್ಟವನ್ನು ತೃಪ್ತಿಪಡಿ ಸುತ್ತೀ.

ಕರ್ತನು ತನ್ನ ಎಲ್ಲಾ ಮಾರ್ಗಗಳಲ್ಲಿ ನೀತಿವಂತನೂ ತನ್ನ ಎಲ್ಲಾ ಕೆಲಸಗಳಲ್ಲಿ ಪರಿಶುದ್ಧನೂ ಆಗಿದ್ದಾನೆ.

ಕರ್ತನಿಗೆ ಮೊರೆಯಿಡುವವರು ಯಥಾರ್ಥವಾಗಿ ಮೊರೆಯಿಡುವದಾದರೆ ಆತನು ಹತ್ತಿರವಾಗಿಯೇ ಇದ್ದಾನೆ.

ತನಗೆ ಭಯಪಡುವವರ ಇಷ್ಟವನ್ನು ತೀರಿಸುತ್ತಾನೆ. ಅವರ ಮೊರೆಯನ್ನು ಕೇಳಿ ಅವರನ್ನು ರಕ್ಷಿಸುತ್ತಾನೆ.

ಕರ್ತನು ತನ್ನನ್ನು ಪ್ರೀತಿ ಮಾಡುವ ವರೆಲ್ಲರನ್ನು ಕಾಪಾಡುತ್ತಾನೆ; ಆದರೆ ದುಷ್ಟರೆಲ್ಲರನ್ನು ನಾಶಮಾಡುತ್ತಾನೆ.

ನನ್ನ ಬಾಯಿ ಕರ್ತನ ಸ್ತೋತ್ರ ವನ್ನು ನುಡಿಯಲಿ; ಎಲ್ಲಾ ಮನುಷ್ಯರು ಆತನ ಪರಿಶುದ್ಧವಾದ ಹೆಸರನ್ನು ಯುಗಯುಗಾಂತರಗಳಿಗೂ ಸ್ತುತಿಸಲಿ.

ಕೀರ್ತನೆ 146

ಕರ್ತನನ್ನು ಸ್ತುತಿಸಿರಿ. ನನ್ನ ಪ್ರಾಣವೇ, ಕರ್ತನನ್ನು ಸ್ತುತಿಸು.

ನನ್ನ ಪ್ರಾಣವಿರುವ ವರೆಗೂ ಕರ್ತನನ್ನು ಸ್ತುತಿಸುವೆನು; ನನ್ನ ಜೀವಮಾನವೆಲ್ಲಾ ನನ್ನ ದೇವರನ್ನು ಕೀರ್ತಿ ಸುವೆನು.

ಪ್ರಭುಗಳಲ್ಲಿ ಭರವಸವಿಡಬೇಡಿರಿ; ಮಾನ ವರನ್ನು ನೆಚ್ಚಬೇಡಿರಿ, ಅವನು ಸಹಾಯಮಾಡ ಶಕ್ತ ನಲ್ಲ;

ಅವನ ಉಸಿರು ಹೋಗಲು ಅವನು ಮಣ್ಣಿಗೆ ಹಿಂತಿರುಗುವನು; ಅದೇ ದಿನದಲ್ಲಿ ಅವನ ಸಂಕಲ್ಪ ಗಳೆಲ್ಲಾ ನಾಶವಾಗುತ್ತವೆ.

ಯಾಕೋಬನ ದೇವರನ್ನು ತನ್ನ ಸಹಾಯವನ್ನಾಗಿ ಮಾಡಿಕೊಂಡವನು ಧನ್ಯನು; ಅವನು ತನ್ನ ದೇವರಾದ ಕರ್ತನ ಮೇಲೆ ತನ್ನ ನಿರೀಕ್ಷೆ ಇಡುವನು.

ಆಕಾಶವನ್ನೂ ಭೂಮಿಯನ್ನೂ ಸಮುದ್ರವನ್ನೂ ಅವುಗಳಲ್ಲಿರುವ ಎಲ್ಲವನ್ನೂ ಉಂಟುಮಾಡಿದಾತನೇ ಎಂದೆಂದಿಗೂ ವಾಗ್ದಾನ ನೆರವೇರಿಸುತ್ತಾನೆ.

ಹಿಂಸೆಗೆ ಗುರಿಯಾದವರ ನ್ಯಾಯವನ್ನು ಸ್ಥಾಪಿಸುವವನೂ ಹಸಿ ದವರಿಗೆ ಆಹಾರ ಕೊಡುವವನೂ ಆತನೇ.

ಕರ್ತನು ಸೆರೆಯವರನ್ನು ಬಿಡಿಸುತ್ತಾನೆ. ಕರ್ತನು ಕುರುಡರ ಕಣ್ಣುಗಳನ್ನು ತೆರೆಯುತ್ತಾನೆ; ಕರ್ತನು ದೀನರನ್ನು ಎತ್ತು ತ್ತಾನೆ; ಕರ್ತನು ನೀತಿವಂತರನ್ನು ಪ್ರೀತಿಮಾಡುತ್ತಾನೆ;

ಕರ್ತನು ಪರದೇಶಸ್ಥರನ್ನು ಕಾಪಾಡುತ್ತಾನೆ; ದಿಕ್ಕಿಲ್ಲದ ವರನ್ನೂ ವಿಧವೆಯರನ್ನೂ ಪರಾಮರಿಸುತ್ತಾನೆ; ಆದರೆ ದುಷ್ಟರ ಮಾರ್ಗವನ್ನು ಡೊಂಕುಮಾಡುತ್ತಾನೆ.

ಓ ಚೀಯೋನೇ, ನಿನ್ನ ದೇವರಾದ ಕರ್ತನು ತಾನೇ ತಲತಲಾಂತರಕ್ಕೂ ಆಳುತ್ತಾನೆ. ಕರ್ತನನ್ನು ಸ್ತುತಿಸಿರಿ.

ಕೀರ್ತನೆ 147

ಕರ್ತನನ್ನು ಸ್ತುತಿಸಿರಿ; ನಮ್ಮ ದೇವರನ್ನು ಕೀರ್ತಿಸುವದು ಒಳ್ಳೇದು; ಸ್ತೋತ್ರವು ರಮ್ಯವೂ ಯೋಗ್ಯವೂ ಆಗಿದೆ.

ಕರ್ತನು ಯೆರೂಸಲೇಮನ್ನು ಕಟ್ಟುತ್ತಾನೆ; ಚದರಿಹೋದ ಇಸ್ರಾಯೇಲ್ಯರನ್ನು ಕೂಡಿಸುತ್ತಾನೆ.

ಆತನು ಮುರಿದ ಹೃದಯದವರನ್ನು ಸ್ವಸ್ಥಮಾಡಿ ಅವರ ಗಾಯಗಳನ್ನು ಕಟ್ಟುತ್ತಾನೆ.

ಆತನು ನಕ್ಷತ್ರಗಳ ಸಂಖ್ಯೆಯನ್ನು ಹೇಳು ತ್ತಾನೆ; ಅವೆಲ್ಲವುಗಳನ್ನು ಅವುಗಳ ಹೆಸರಿನಿಂದ ಕರೆ ಯುತ್ತಾನೆ.

ನಮ್ಮ ಕರ್ತನು ದೊಡ್ಡವನೂ, ಪರಾ ಕ್ರಮಿಯೂ, ವಿವೇಕಕ್ಕೆ ಎಣೆಯಿಲ್ಲ.

ಕರ್ತನು ಸಾತ್ವಿಕರನ್ನು ಎತ್ತುತ್ತಾನೆ. ದುಷ್ಟರನ್ನು ನೆಲಕ್ಕೆ ಹಾಕುತ್ತಾನೆ.

ಕರ್ತನಿಗೆ ಸ್ತೋತ್ರದಿಂದ ಹಾಡಿರಿ; ನಮ್ಮ ದೇವ ರನ್ನು ಕಿನ್ನರಿಯಿಂದ ಕೀರ್ತಿಸಿರಿ.

ಆತನು ಆಕಾಶವನ್ನು ಮೋಡಗಳಿಂದ ಮುಚ್ಚುತ್ತಾನೆ; ಭೂಮಿಗೆ ಮಳೆ ಯನ್ನು ಸಿದ್ಧಮಾಡುತ್ತಾನೆ, ಬೆಟ್ಟಗಳಲ್ಲಿ ಹುಲ್ಲನ್ನು ಬೆಳೆಸುತ್ತಾನೆ.

ಆತನು ಪಶುಗಳಿಗೂ ಕೂಗುವ ಕಾಗೆ ಮರಿಗಳಿಗೂ ಆಹಾರ ಕೊಡುತ್ತಾನೆ.

ಆತನು ಕುದು ರೆಯ ಶಕ್ತಿಯಲ್ಲಿ ಸಂತೋಷಿಸುವದಿಲ್ಲ; ಮನುಷ್ಯನ ತೊಡೆಯಬಲವನ್ನು ಮೆಚ್ಚುವದಿಲ್ಲ.

ಕರ್ತನು ತನಗೆ ಭಯಪಡುವವರಲ್ಲಿಯೂ ತನ್ನ ಕರುಣೆಗೆ ಎದುರು ನೋಡುವವರಲ್ಲಿಯೂ ಇಷ್ಟಪಡುತ್ತಾನೆ.

ಓ ಯೆರೂ ಸಲೇಮೇ, ಕರ್ತನನ್ನು ಸ್ತುತಿಸು; ಓ ಚೀಯೋನೇ, ನಿನ್ನ ದೇವರನ್ನು ಸ್ತುತಿಸು.

ನಿನ್ನ ಬಾಗಲುಗಳ ಅಗುಳಿ ಗಳನ್ನು ಬಲಮಾಡಿ ಆತನು ನಿನ್ನ ಮಕ್ಕಳನ್ನು ನಿನ್ನ ಮಧ್ಯದಲ್ಲಿ ಆಶೀರ್ವದಿಸುತ್ತಾನೆ.

ಆತನು ನಿನ್ನ ಮೇರೆಗಳನ್ನು ಸಮಾಧಾನಪಡಿಸುತ್ತಾನೆ. ಶ್ರೇಷ್ಠವಾದ ಗೋಧಿಯಿಂದ ನಿನ್ನನ್ನು ತೃಪ್ತಿಪಡಿಸುತ್ತಾನೆ.

ಆತನು ತನ್ನ ಆಜ್ಞೆಯನ್ನು ಭೂಮಿಗೆ ಕಳುಹಿಸುತ್ತಾನೆ; ಅತಿ ತೀವ್ರವಾಗಿ ಆತನ ವಾಕ್ಯವು ಓಡುತ್ತದೆ;

ಆತನು ಹಿಮವನ್ನು ಉಣ್ಣೆಯ ಹಾಗೆ ಕೊಡುತ್ತಾನೆ; ಮಂಜನ್ನು ಬೂದಿಯ ಹಾಗೆ ಚದರಿಸುತ್ತಾನೆ.

ತನ್ನ ನೀರುಗಡ್ಡೆ ಯನ್ನು ತುಂಡುಗಳ ಹಾಗೆ ಹಾಕುತ್ತಾನೆ; ಆತನ ಚಳಿಯ ಮುಂದೆ ಯಾರು ನಿಲ್ಲುವರು?

ಆತನು ತನ್ನ ವಾಕ್ಯವನ್ನು ಕಳುಹಿಸಿ ಅವುಗಳನ್ನು ಕರಗಿಸುತ್ತಾನೆ; ತನ್ನ ಗಾಳಿಯನ್ನು ಬೀಸಮಾಡುತ್ತಾನೆ; ನೀರು ಹರಿಯುತ್ತದೆ.

ಆತನು ಯಾಕೋಬರಿಗೆ ತನ್ನ ವಾಕ್ಯವನ್ನೂ ಇಸ್ರಾಯೇಲಿಗೆ ನಿಯಮಗಳನ್ನೂ ನ್ಯಾಯವಿಧಿಗಳನ್ನೂ ತಿಳಿಸುತ್ತಾನೆ.

ಯಾವ ಜನಾಂಗಕ್ಕಾದರೂ ಆತನು ಹೀಗೆ ಮಾಡ ಲಿಲ್ಲ; ನ್ಯಾಯವಿಧಿಗಳನ್ನು ಅವರು ತಿಳುಕೊಳ್ಳುವದಿಲ್ಲ. ನೀವು ಕರ್ತನನ್ನು ಸ್ತುತಿಸಿರಿ.

ಪವಿತ್ರ ಸುವಾರ್ತೆ ಸಂತ ಲೂಕನ ಪ್ರಕಾರ (ಅಧ್ಯಾಯ 2:25-32)

ಇಗೋ, ಸಿಮೆಯೋನನೆಂಬ ಹೆಸರುಳ್ಳ ಒಬ್ಬ ಮನುಷ್ಯನು ಯೆರೂಸಲೇಮಿನಲ್ಲಿದ್ದನು. ಇವನು ನೀತಿವಂತನೂ ಭಕ್ತನೂ ಆಗಿದ್ದು ಇಸ್ರಾ ಯೇಲ್ಯರ ಆದರಣೆಗಾಗಿ ಕಾಯುತ್ತಿದ್ದನು. ಇವನ ಮೇಲೆ ಪವಿತ್ರಾತ್ಮನು ಇದ್ದನು.

ಕರ್ತನಾಗಿರುವ ಕ್ರಿಸ್ತನನ್ನು ಅವನು ನೋಡುವದಕ್ಕಿಂತ ಮುಂಚೆ ಮರಣ ಹೊಂದುವದಿಲ್ಲವೆಂದು ಪರಿಶುದ್ಧಾತ್ಮನಿಂದ ಅವನಿಗೆ ಪ್ರಕಟವಾಗಿತ್ತು.

ಅವನು ಆತ್ಮನಿಂದ ದೇವಾಲಯದೊಳಗೆ ಬಂದನು; ಶಿಶುವಾದ ಯೇಸುವಿನ ತಂದೆತಾಯಿಗಳು ನ್ಯಾಯಪ್ರಮಾಣದ ಪದ್ಧತಿಯ ಪ್ರಕಾರ ಮಾಡುವದಕ್ಕಾಗಿ ಆತನನ್ನು ಒಳಗೆ ತಂದರು.

ಆಗ ಅವನು (ಸಿಮೆಯೋನನು) ಆತನನ್ನು ತನ್ನ ಕೈಗಳಲ್ಲಿ ತಕ್ಕೊಂಡು ದೇವರನ್ನು ಕೊಂಡಾಡುತ್ತಾ--

ಕರ್ತನೇ, ಈಗ ನಿನ್ನ ಮಾತಿನ ಪ್ರಕಾರ ನಿನ್ನ ದಾಸನನ್ನು ಸಮಾಧಾನದಲ್ಲಿ ಹೋಗ ಮಾಡುತ್ತೀ;

ಯಾಕಂದರೆ ನನ್ನ ಕಣ್ಣುಗಳು ನಿನ್ನ ರಕ್ಷಣೆಯನ್ನು ನೋಡಿದವು.

ಅದನ್ನು (ಆ ರಕ್ಷಣೆಯನ್ನು) ನೀನು ಎಲ್ಲಾ ಜನರ ಮುಂದೆ ಸಿದ್ಧ ಪಡಿಸಿದ್ದೀ.

ಅದು ಅನ್ಯಜನರನ್ನು ಬೆಳಗಿಸುವ ಬೆಳಕೂ ನಿನ್ನ ಪ್ರಜೆಯಾದ ಇಸ್ರಾಯೇಲ್ಯರ ಮಹಿ ಮೆಯೂ ಆಗಿದೆ ಅಂದನು.

ಮೂರು ಬಾರಿ ಪವಿತ್ರ (ತ್ರಿಸಾಗಿಯೋನ್)

ಪವಿತ್ರ ದೇವರೆ, ಪವಿತ್ರ ಪರಾಕ್ರಮಿಯೇ, ಪವಿತ್ರ ಅಮರಣೀಯನೇ—ಕನ್ಯೆಯಿಂದ ಜನಿಸಿದವನೇ—ನಮ್ಮ ಮೇಲೆ ಕರುಣೆ ತೋರು. ಪವಿತ್ರ ದೇವರೆ, ಪವಿತ್ರ ಪರಾಕ್ರಮಿಯೇ, ಪವಿತ್ರ ಅಮರಣೀಯನೇ—ನಮ್ಮ ನಿಮಿತ್ತ ಶಿಲುಬೆಗೆ ಹಾಕಲ್ಪಟ್ಟವನೇ—ನಮ್ಮ ಮೇಲೆ ಕರುಣೆ ತೋರು. ಪವಿತ್ರ ದೇವರೆ, ಪವಿತ್ರ ಪರಾಕ್ರಮಿಯೇ, ಪವಿತ್ರ ಅಮರಣೀಯನೇ—ಸತ್ತವರೊಳಗಿಂದ ಏಳಿದ್ದು ಸ್ವರ್ಗಕ್ಕೆ ಏರಿದವನೇ—ನಮ್ಮ ಮೇಲೆ ಕರುಣೆ ತೋರು. ಪಿತೃಗೂ ಪುತ್ರನಿಗೂ ಪವಿತ್ರಾತ್ಮನಿಗೂ ಮಹಿಮೆಯಾಗಲಿ, ಈಗಲೂ ಸದಾಕಾಲವೂ ಯುಗಯುಗಾಂತರಗಳವರೆಗೆ. ಆಮೆನ್. ಪವಿತ್ರ ತ್ರಿತ್ವನೇ, ನಮ್ಮ ಮೇಲೆ ಕರುಣೆ ತೋರು. ಪವಿತ್ರ ತ್ರಿತ್ವನೇ, ನಮ್ಮ ಮೇಲೆ ಕರುಣೆ ತೋರು. ಪವಿತ್ರ ತ್ರಿತ್ವನೇ, ನಮ್ಮ ಮೇಲೆ ಕರುಣೆ ತೋರು.

ಕರ್ತನೇ, ನಮ್ಮ ಪಾಪಗಳನ್ನು ಕ್ಷಮಿಸು. ಕರ್ತನೇ, ನಮ್ಮ ಅಧರ್ಮಗಳನ್ನು ಕ್ಷಮಿಸು. ಕರ್ತನೇ, ನಮ್ಮ ತಪ್ಪುಗಳನ್ನು ಕ್ಷಮಿಸು. ಕರ್ತನೇ, ನಿನ್ನ ಪರಿಶುದ್ಧ ನಾಮಕ್ಕಾಗಿ ನಿನ್ನ ಜನರ ರೋಗಿಗಳನ್ನು ಭೇಟಿಯಾಗಿ, ಅವರನ್ನು ಗುಣಪಡಿಸು. ನಮ್ಮ ಪಿತೃಗಳೂ ಸಹೋದರರೂ ಯಾರು ವಿಶ್ರಾಂತಿಗೈದರೆ, ಕರ್ತನೇ, ಅವರ ಆತ್ಮಗಳಿಗೆ ವಿಶ್ರಾಂತಿ ದಯಪಾಲಿಸು. ಪಾಪವಿಲ್ಲದ ಒಬ್ಬನೇ ಕರ್ತನೇ, ನಮ್ಮ ಮೇಲೆ ಕರುಣೆ ತೋರು. ಪಾಪವಿಲ್ಲದ ಒಬ್ಬನೇ ಕರ್ತನೇ, ನಮ್ಮನ್ನು ಸಹಾಯಮಾಡಿ, ನಮ್ಮ ಬೇಡಿಕೆಗಳನ್ನು ನಿನ್ನ ಬಳಿಗೆ ಸ್ವೀಕರಿಸು. ಯಾಕಂದರೆ ನಿನಗೆ ಮಹಿಮೆ, ಶಕ್ತಿ, ಮತ್ತು ತ್ರಿವಿಧ ಪರಿಶುದ್ಧತೆ ಸೇರಿವೆ. ಕರ್ತನೇ, ಕರುಣೆ ತೋರು. ಕರ್ತನೇ, ಕರುಣೆ ತೋರು. ಕರ್ತನೇ, ಆಶೀರ್ವದಿಸು. ಆಮೆನ್.

ಕೃತಜ್ಞತೆಯಿಂದ ಹೀಗೆ ಹೇಳುವ ಯೋಗ್ಯರಾಗುವಂತೆ ನಮ್ಮನ್ನು ಮಾಡು: ನಮ್ಮ ತಂದೆ ಸ್ವರ್ಗದಲ್ಲಿದ್ದಾವನು....

ನಿನಗೆ ಶಾಂತಿ

ನಿನಗೆ ಶಾಂತಿ. ನಿನ್ನಲ್ಲಿ ಮಹಿಮೆ ತುಂಬಿರುವವಳಾದ ಯಾವಾಗಲೂ ಕನ್ಯೆಯಾಗಿರುವ ಪವಿತ್ರೆಯೇ, ದೇವಜನನಿ, ಕ್ರಿಸ್ತನ ತಾಯಿಯೇ, ನಮ್ಮ ಪ್ರಾರ್ಥನೆಗಳನ್ನು ನಿನ್ನ ಪ್ರಿಯ ಪುತ್ರನ ಬಳಿಗೆ ಏರಿಸು, ಆಗ ಆತನು ನಮ್ಮ ಪಾಪಗಳನ್ನು ಕ್ಷಮಿಸಲಿ.

ನಿಜವಾದ ಬೆಳಕಾಗಿರುವ ಕ್ರಿಸ್ತನಾದ ನಮ್ಮ ದೇವರನ್ನು ನಮ್ಮಿಗಾಗಿ ಹೆತ್ತ ಪವಿತ್ರ ಕನ್ಯೆಯೇ, ನಿನಗೆ ಶಾಂತಿ; ಕರ್ತನೊಡನೆ ನಮ್ಮ ವಿಷಯವಾಗಿ ಬೇಡಿಕೆಯಾಗು, ಆದುವರೆಗೂ ನಮ್ಮ ಆತ್ಮಗಳ ಮೇಲೆ ಆತನು ಕರುಣೆ ತೋರಿ ನಮ್ಮ ಪಾಪಗಳನ್ನು ಕ್ಷಮಿಸಲಿ.

ದೇವಜನನಿಯಾದ ಕನ್ಯೆ ಮರಿಯೇ, ಮಾನವ ಜಾತಿಗೆ ನಂಬಿಗಸ್ತ ಮಧ್ಯಸ್ಥೆಯೇ, ನೀನು ಹೆತ್ತ ಕ್ರಿಸ್ತನ ಸನ್ನಿಧಿಯಲ್ಲಿ ನಮ್ಮ ಪರವಾಗಿ ಮಧ್ಯಸ್ಥಿಕೆ ಮಾಡು, ಆಗ ಆತನು ನಮ್ಮ ಪಾಪಕ್ಷಮೆಯನ್ನು ದಯಪಾಲಿಸಲಿ.

ನಿಜವಾದ ರಾಣಿಯಾದ ಕನ್ಯೆಯೇ, ನಿನಗೆ ಶಾಂತಿ; ನಮ್ಮ ವಂಶದ ಕೀರ್ತಿಯಾಗಿರುವವಳೇ, ನೀನು ನಮಗೆ ಇಮ್ಮಾನುಯೇಲನನ್ನು ಹೆತ್ತೆಯೆ. ನಾವು ಬೇಡುತ್ತೇವೆ: ನಮ್ಮನ್ನು ಸ್ಮರಿಸು, ನಂಬಿಗಸ್ತ ಮಧ್ಯಸ್ಥೆಯೇ, ನಮ್ಮ ಕರ್ತನಾದ ಯೇಸು ಕ್ರಿಸ್ತನ ಸನ್ನಿಧಿಯಲ್ಲಿ, ಆತನು ನಮ್ಮ ಪಾಪಗಳನ್ನು ಕ್ಷಮಿಸಲಿ.

ನಂಬಿಕೆಯ ಘೋಷಣೆಯ ಮುನ್ನಾಟ

ನಿಜವಾದ ಬೆಳಕಿನ ತಾಯಿಯೇ, ನಾವಿನ್ನು ನಿನ್ನನ್ನು ಮಹಿಮೆಯನ್ನು ಹೆಚ್ಚಿಸುತ್ತೇವೆ; ಪವಿತ್ರ ಕನ್ಯೆಯೇ, ದೇವಜನನಿಯೇ, ನಿನಗೆ ನಾವು ಕೀರ್ತನೆ ಮಾಡುತ್ತೇವೆ; ಯಾಕಂದರೆ ನೀನು ನಮ್ಮಿಗಾಗಿ ಲೋಕದ ರಕ್ಷಕನನ್ನು ಹೆತ್ತೆಯೆ; ಆತನು ಬಂದು ನಮ್ಮ ಆತ್ಮಗಳನ್ನು ರಕ್ಷಿಸಿದನು.

ನಿನಗೆ ಮಹಿಮೆಯಾಗಲಿ, ನಮ್ಮ ಸ್ವಾಮಿಯೂ ನಮ್ಮ ಅರಸನೂ ಆಗಿರುವ ಕ್ರಿಸ್ತನೇ—ಅಪೋಸ್ತಲರ ಘನತೆ, ಹುತಾತ್ಮರ ಕಿರೀಟ, ನೀತಿವಂತರ ಆನಂದ, ಸಭೆಗಳ ಸ್ಥಿರತೆ, ಪಾಪಗಳ ಕ್ಷಮೆ.

ನಾವು ಪವಿತ್ರ ತ್ರಿತ್ವವನ್ನು ಪ್ರಖರವಾಗಿ ಘೋಷಿಸುತ್ತೇವೆ—ಏಕ ದೈವತ್ವ—ನಾವು ಅವನನ್ನು ನಮನಮಾಡಿ ಕೀರ್ತನೆ ಮಾಡುತ್ತೇವೆ. ಪ್ರಭು ಕರುಣೆ ತೋರು. ಪ್ರಭು ಕರುಣೆ ತೋರು. ಪ್ರಭು ಆಶೀರ್ವದಿಸು. ಆಮೆನ್.

ಪವಿತ್ರ ಆರ್ಥಡಾಕ್ಸ್ ನಂಬಿಕೆಯ ಘೋಷಣೆ (ನೈಸಿಯಾ-ಕಾನ್ಸ್ಟಾಂಟಿನೋಪಲ್ ನಂಬಿಕೆ)

ನಿಜವಾಗಿಯೂ ನಾವು ಒಬ್ಬನೇ ದೇವರನ್ನು ನಂಬುತ್ತೇವೆ—ಪಿತೃ ದೇವರನ್ನು, ಸರ್ವಶಕ್ತನನ್ನು, ಆಕಾಶ ಮತ್ತು ಭೂಮಿಯನ್ನೂ ಕಾಣುವವುಗಳನ್ನೂ ಕಾಣದವುಗಳನ್ನೂ ಸೃಷ್ಟಿಸಿದವನನ್ನು.

ಒಬ್ಬನೇ ಕರ್ತನಾದ ಯೇಸು ಕ್ರಿಸ್ತನನ್ನು ನಾವು ನಂಬುತ್ತೇವೆ—ದೇವಪುತ್ರನನ್ನು, ಪಿತೃನಿಂದ ಯುಗಗಳಿಗಿಂತ ಮೊದಲು ಜನಿಸಿರುವ ಏಕಪುತ್ರನನ್ನು; ಬೆಳಕಿನಿಂದ ಬಂದ ಬೆಳಕನ್ನು; ನಿಜ ದೇವರಿಂದ ಬಂದ ನಿಜ ದೇವರನ್ನು; ಜನಿಸಿದವನು, ಸೃಷ್ಟಿಸಲ್ಪಟ್ಟವನು ಅಲ್ಲ; ಪಿತೃಗೆ ಸ್ವರೂಪದಲ್ಲಿ ಒಂದಿಗಿರುವವನನ್ನು; ಅವನ ಮೂಲಕವೆಲ್ಲವೂ ಸೃಷ್ಟಿಸಲ್ಪಟ್ಟವು. ನಮ್ಮ ಮನುಷ್ಯರಿಗಾಗಿ ಮತ್ತು ನಮ್ಮ ರಕ್ಷಣೆಗೆ ಆತನು ಸ್ವರ್ಗದಿಂದ ಇಳಿದನು; ಪವಿತ್ರಾತ್ಮನಿಂದಲೂ ಕನ್ಯೆ ಮರಿಯಮ್ಮನಿಂದಲೂ ದೇಹಧಾರಿಯಾಯಿತು ಮತ್ತು ಮನುಷ್ಯನಾಗಿ ಆತನು ಕಂಡುಬಂದನು. ಪಿಲಾತನ ಕಾಲದಲ್ಲಿ ನಮ್ಮ ನಿಮಿತ್ತ ಶಿಲುಬೆಗೆ ಹಾಕಲ್ಪಟ್ಟನು; ಬಾಧಿಸಲ್ಪಟ್ಟು ಹೂಣಲ್ಪಟ್ಟನು; ಶಾಸ್ತ್ರಗಳ ಪ್ರಕಾರ ಮೂರನೇ ದಿನ ಸತ್ತವರೊಳಗಿಂದ ಏಳಿದನು; ಸ್ವರ್ಗಕ್ಕೆ ಏರಿದನು; ಪಿತೃನ ಬಲಗಡೆಯಲ್ಲಿ ಕುಳಿತಿದ್ದಾನೆ; ಮತ್ತೆ ತನ್ನ ಮಹಿಮೆಯಲ್ಲಿ ಜೀವಿಗಳನ್ನೂ ಸತ್ತವರನ್ನೂ ನ್ಯಾಯತೀರಿಸಲು ಬರುವನು; ಅವನ ರಾಜ್ಯಕ್ಕೆ ಅಂತ್ಯವಿಲ್ಲ.

ಹೌದು, ನಾವು ಪವಿತ್ರಾತ್ಮನನ್ನು ನಂಬುತ್ತೇವೆ—ಜೀವಪ್ರದಾತನೂ ಕರ್ತನೂ ಆಗಿರುವವನನ್ನು—ಪಿತೃನಿಂದ ಉತ್ಸರ್ಗವಾಗುವವನನ್ನು—ಪಿತೃ ಮತ್ತು ಪುತ್ರರ ಜೊತೆಯಲ್ಲಿ ಆರಾಧಿಸಲ್ಪಡುವವನೂ ಮಹಿಮಿಸಲ್ಪಡುವವನೂ ಆಗಿರುವವನನ್ನು—ಅವನೇ ಪ್ರವಾದಿಗಳ ಮೂಲಕ ಮಾತನಾಡಿದ್ದಾನೆ.

ಒಂದೇ ಪರಿಶುದ್ಧ ಸಾರ್ವತ್ರಿಕ ಅಪೋಸ್ತೋಲಿಕ ಸಭೆಯನ್ನು ನಾವು ನಂಬುತ್ತೇವೆ.

ಪಾಪಮನ್ನಣೆಗೆ ಒಂದೇ ದೀಕ್ಷಾಸ್ನಾನವನ್ನು ನಾವು ಅಂಗೀಕರಿಸುತ್ತೇವೆ.

ಸತ್ತವರ ಪುನರುತ್ಥಾನವನ್ನೂ ಬರುವ ಯುಗದ ಜೀವನವನ್ನೂ ನಾವು ನಿರೀಕ್ಷಿಸುತ್ತೇವೆ. ಆಮೆನ್.

Κύριε ἐλέησον ಕಿರ್ಯೆ ಎಲೆಈಸೋನ್ (ಪ್ರಭು, ಕರುಣೆ ತೋರು) 41 ಬಾರಿ

ಪವಿತ್ರ, ಪವಿತ್ರ, ಪವಿತ್ರ

ಪವಿತ್ರ, ಪವಿತ್ರ, ಪವಿತ್ರ—ಸೈನ್ಯಗಳ ಕರ್ತನು. ಆಕಾಶ ಮತ್ತು ಭೂಮಿ ನಿನ್ನ ಮಹಿಮೆ ಮತ್ತು ಮಾನದಿಂದ ತುಂಬಿವೆ. ದೇವ ಪಿತೃ, ಸರ್ವಶಕ್ತನೇ, ನಮ್ಮ ಮೇಲೆ ಕರುಣೆ ತೋರು. ಪವಿತ್ರ ತ್ರಿತ್ವನೇ, ನಮ್ಮ ಮೇಲೆ ಕರುಣೆ ತೋರು. ಕರ್ತನಾದ ಸೇನೆಯ ದೇವರೇ, ನಮ್ಮೊಡನೆ ಇರುವಿರಲಿ; ಯಾಕಂದರೆ ನಮ್ಮ ವಿಪತ್ತುಗಳಲ್ಲಿಯೂ ಸಂಕಟಗಳಲ್ಲಿಯೂ ನಮ್ಮಿಗೆ ನಿನ್ನ ಹೊರತು ನೆರವಾಗುವವರಿಲ್ಲ.

ನಮ್ಮ ದೋಷಗಳನ್ನು, ನಾವು ಇಚ್ಛೆಯಿಂದ ಮಾಡಿದವುಗಳನ್ನೂ ಅಇಚ್ಛೆಯಿಂದ ಮಾಡಿದವುಗಳನ್ನೂ, ತಿಳಿದುಕೊಂಡು ಮಾಡಿದವುಗಳನ್ನೂ ತಿಳಿಯದೆ ಮಾಡಿದವುಗಳನ್ನೂ—ಗೋಚರವಾಗಿರುವವುಗಳನ್ನೂ ಅಗೋಚರವಾಗಿರುವವುಗಳನ್ನೂ—ದೇವರೆ, ಬಿಡಿಸು, ಕ್ಷಮಿಸು, ಮನ್ನಿಸು. ಕರ್ತನೇ, ಅವನ್ನೆಲ್ಲಾ ನಮ್ಮಿಗಾಗಿ ಕ್ಷಮಿಸು—ನಮ್ಮ ಮೇಲೆ ಕರೆಯಲ್ಪಟ್ಟಿರುವ ನಿನ್ನ ಪರಿಶುದ್ಧ ನಾಮಕ್ಕಾಗಿ. ಕರ್ತನೇ, ನಮ್ಮ ಪಾಪಗಳ ಪ್ರಕಾರವಲ್ಲ, ನಿನ್ನ ಕರುಣೆಯ ಪ್ರಕಾರ ನಮ್ಮೊಂದಿಗೆ ನಡೆ.

ಕೃತಜ್ಞತೆಯಿಂದ ಹೀಗೆ ಹೇಳುವ ಯೋಗ್ಯರಾಗುವಂತೆ ನಮ್ಮನ್ನು ಮಾಡು: ನಮ್ಮ ತಂದೆ ಸ್ವರ್ಗದಲ್ಲಿದ್ದಾವನು..

ವಿಮೋಚನೆ

ಕರ್ತನೇ, ಇಂದಿನ ಈ ದಿನದಲ್ಲಿಯೇ ನಾವು ನಿನ್ನ ವಿರುದ್ಧ ಏನೆಲ್ಲಾ ಪಾಪಮಾಡಿದ್ದೇವೋ—ಕ್ರಿಯೆಯಿಂದಾಗಲಿ ಮಾತಿನಿಂದಾಗಲಿ ಚಿಂತನೆಯಿಂದಾಗಲಿ ಅಥವಾ ಎಲ್ಲಾ ಇಂದ್ರಿಯಗಳ ಮೂಲಕವಾಗಲಿ—ನಿನ್ನ ಪರಿಶುದ್ಧ ನಾಮಕ್ಕಾಗಿ ನಮಗೆ ಕ್ಷಮಿಸು ಮತ್ತು ಮನ್ನಿಸು; ನೀನು ಒಳ್ಳೆಯವನೂ ಮಾನವಕುಲವನ್ನು ಪ್ರೀತಿಸುವವನೂ ಆಗಿರುವದರಿಂದ. ದೇವರೇ, ನಮ್ಮಿಗೆ ಶಾಂತಮಯವಾದ ರಾತ್ರಿ ದಯಪಾಲಿಸು; ಮತ್ತು ಈ ನಿದ್ರೆ ನಮ್ಮಿಗೆ ಪ್ರತಿಯೊಂದು ತಲ್ಲಣದಿಂದಲೂ ಶುದ್ಧವಾದ ವಿಶ್ರಾಂತಿಯಾಗಿರಲಿ. ಪ್ರತಿಯೊಂದು ಕೆಟ್ಟದರಿಂದಲೂ, ಪ್ರತಿಯೊಂದು ಬಡಿತದಿಂದಲೂ, ಮತ್ತು ವಿರೋಧಿಯ ಪ್ರತಿಯೊಂದು ಪ್ರಯೋಗದಿಂದಲೂ ನಮ್ಮನ್ನು ಕಾಯಬಲ್ಲ ಶಾಂತಿಯ ದೂತನನ್ನು ಕಳುಹಿಸು. ನಿನ್ನ ಏಕಜನಿತ ಮಗನಾದ ನಮ್ಮ ಕರ್ತನೂ ನಮ್ಮ ದೇವರೂ ನಮ್ಮ ರಕ್ಷಕನೂ ಆಗಿರುವ ಯೇಸು ಕ್ರಿಸ್ತನ ಕೃಪೆಯಲ್ಲಿಯೂ ದಯೆಯಲ್ಲಿಯೂ ಮಾನವಪ್ರೀತಿಯಲ್ಲಿಯೂ—ಅವನ ಮೂಲಕವೇ—ನಿನಗೆ, ಪಿತೃತುರ್ಯನೆ, ಮಹಿಮೆ, ಮಾನ, ಮತ್ತು ಚಕ್ರವರ್ತಿತ್ವ ಸಲ್ಲುತ್ತದೆ—ಜೀವಪ್ರದಾತನಾದ ನಿನಗೆ ಸಮಾನನಾದ ಪವಿತ್ರಾತ್ಮನೊಡನೆ—ಈಗಲೂ ಸದಾಕಾಲವೂ ಯುಗಯುಗಾಂತರಗಳವರೆಗೆ. ಆಮೆನ್.

ಪ್ರತಿ ಸಮಯದ ಕೊನೆಯಲ್ಲಿ ಸಲ್ಲಿಸುವ ವಿನಂತಿ ಪ್ರಾರ್ಥನೆ

ದೇವರೇ, ನಮ್ಮ ಮೇಲೆ ಕರುಣೆ ತೋರು; ಮತ್ತೆ ಕರುಣೆ ತೋರು. ಸ್ವರ್ಗದಲ್ಲಿಯೂ ಭೂಮಿಯಲ್ಲಿಯೂ ಪ್ರತೀ ಕಾಲದಲ್ಲಿಯೂ ಪ್ರತಿ ಕ್ಷಣದಲ್ಲಿ ಆರಾಧಿಸಲ್ಪಟ್ಟು ಕೀರ್ತಿಸಲ್ಪಡುವ ನಮ್ಮ ಕ್ರಿಸ್ತನಾದ ಒಳ್ಳೆಯ ದೇವರೇ—ದೀರ್ಘಶಾಂತಿಯುಳ್ಳವನು, ದಯೆಯಲ್ಲಿ ಶ್ರೀಮಂತನಾದವನು, ಅನೇಕ ಕರುಣೆಗಳವನಾದವನು—ಧರ್ಮಿಗಳನ್ನು ಪ್ರೀತಿಸುವವನು, ಪಾಪಿಗಳನ್ನು ಕರುಣಿಸುವವನು—ಅದರಲ್ಲಿಯೂ ಮೊದಲು ನಾನೇ—ಪಾಪಿಯ ಸಾವು ಬಯಸದವನು, ಅವನು ತಿರುಗಿ ಜೀವಿಸುವದನ್ನು ಬಯಸುವವನು; ಭವಿಷ್ಯದ ಒಳ್ಳೆಯ ವಾಗ್ದಾನಗಳಗಾಗಿ ಎಲ್ಲರನ್ನೂ ರಕ್ಷಣೆಗೆ ಕರೆಯುವವನು.

ಕರ್ತನೇ, ಈ ಕ್ಷಣದಲ್ಲಿ ಮತ್ತು ಪ್ರತೀ ಕ್ಷಣದಲ್ಲಿಯೂ ನಮ್ಮ ಬೇಡಿಕೆಗಳನ್ನು ಸ್ವೀಕರಿಸು; ನಮ್ಮ ಜೀವನವನ್ನು ಸುಲಭಮಾಡು; ನಿನ್ನ ಆಜ್ಞೆಗಳನ್ನು ನೆರವೇರಿಸುವದಕ್ಕೆ ನಮಗೆ ದಾರಿ ತೋರು; ನಮ್ಮ ಆತ್ಮಗಳನ್ನು ಪರಿಶುದ್ಧಗೊಳಿಸು; ನಮ್ಮ ದೇಹಗಳನ್ನು ಶುದ್ಧಗೊಳಿಸು; ನಮ್ಮ ಆಲೋಚನೆಗಳನ್ನು ನಿಭಾಯಿಸು; ನಮ್ಮ ಉದ್ದೇಶಗಳನ್ನು ಶುದ್ಧಗೊಳಿಸು; ನಮ್ಮ ರೋಗಿಗಳನ್ನು ಗುಣಪಡಿಸು; ನಮ್ಮ ಪಾಪಗಳನ್ನು ಕ್ಷಮಿಸು; ಎಲ್ಲ ಕೆಟ್ಟ ದುಃಖದಿಂದಲೂ ಮತ್ತು ಹೃದಯವ್ಯಥೆಯಿಂದಲೂ ನಮ್ಮನ್ನು ಬಿಡಿಸು; ನಿನ್ನ ಪವಿತ್ರ ದೂತರಿಗಿಂದ ನಮ್ಮನ್ನು ಸುತ್ತುವರಿಸು, ಹೀಗಾಗಿ ಅವರ ಪಾಳೆಯದಲ್ಲಿ ನಾವು ಕಾಪಾಡಲ್ಪಟ್ಟವರಾಗಿಯೂ ದಾರಿತೋರಿಸಲ್ಪಟ್ಟವರಾಗಿಯೂ ಇರುತ್ತೇವೆ, ಮತ್ತು ವಿಶ್ವಾಸದ ಏಕತೆಗೆ ಹಾಗೂ ನಿನ್ನ ಅಗ್ರಾಹ್ಯವಾಗಿಯೂ ಅಮಿತಿ ಆಗಿಯೂ ಇರುವ ಮಹಿಮೆಯ ತಿಳುವಳಿಕೆಗೆ ತಲುಪುತ್ತೇವೆ; ಯಾಕಂದರೆ ನೀನು ಯುಗಯುಗಾಂತರಗಳವರೆಗೆ ಧನ್ಯನು. ಆಮೆನ್.

ದೇವರೇ, ಕೃತಜ್ಞತೆಯಿಂದ ಹೀಗೆ ಹೇಳುವದಕ್ಕೆ ನಮ್ಮನ್ನು ಯೋಗ್ಯರನ್ನಾಗಿಸು: ನಮ್ಮ ತಂದೆ ಸ್ವರ್ಗದಲ್ಲಿದ್ದಾವನು...